بالصور 22 فكرة مكياج للفلانتين
طبعا كلنا عارفين ان عيد الحب قرب ويوم الفالنتاين او عيد الحب هو اليوم اللي بنحاول فيه نظهر حبنا لكل اللي بنحبهم ولو حتى بأبسط الطرق يعني عيد الحب مش للعشاق بس لكن بنحاول نستغل اليوم ده عشان نظهر حبنا لكل الاشخاص اللي بنحبهم في حياتنا وبنحاول نعمل فيه حاجة مميزة يعني لو مرتبطة فانتي اكيد حابة تظهري جميلة وبلوك جديد يوم عيد الحب ولو مش مرتبطة مافيش مانع انك تدلعي نفسك بردوا في اليوم ده وتعملي حاجة لنفسك وتخرجي مع اصحابك تقضوا يوم حلو عشان كده احنا النهاردة جيبنالكم افكار مكياج الفالنتاينتقدري تختاري منهم اللي تحبيه واللي يناسبك وطبعا الافكار مش بس لعيد الحب ممكن تاخدي منها افكار للسهرات والمناسبات.
تعالوا نشوف مع بعض بالصور 22 فكرة مكياج للفالنتاين:
1- اول لوك معانا مكياج سموكي باللون الموف الغامق استخدمت فيه الايشادو الموف وعلى الشفايف حطت روج اللون الغامق من لون الايشادو وفيه لمعة بسيطة.
2- اللوك ده بقى تحفة وناعم جدا استخدمت فيه اللون الوردي والدهبي مع بعض حطت ايشادو بدرجات الوردي على كل الجفن اللي فوق وعلى الجفن اللي تحت حطت خط ايشادو دهبي واستخدمت كحل ابيض عشان تدي وسع للعين والروج بلون وردي فاتح طبيعي.
3- اللوك ده جمع ما بين السموكي والنيود استخدمت ايشادو بدرجات الموف والروج نيود بلون الشفايف وحطت بودرة برونزية وهايلايتر عشان تبرز عضم الوش.
4- اللوك ده يجنن للبشرة السمرا استخدمت فيه ايشادو فضي مع موف فاتح والروج احمر بلمعة بسيطة.
5- ده لوك تاني سموكي بدرجات الوردي والروج استخدمت اللون الوردي الفاتح.
6- لوك تاني للبشرة السمرا بس المره دي بايشادو دهبي والروج استخدمت لون وردي غامق.
7- اللوك ده جميل جدا ومختلف استخدمت فيه الوردي مع لون البني الشوكولاتة عاملين مع بعض لوك تحفة للعين والروج استخدمت اللون الوردي الفاتح.
8- لوك وردي ناعم استخدمت تقريبا ايشادو وروج وردي بنفس درجة اللون.
9- هنا بقى عاملة خلطة الوان لرسمة الايشادو حلوة جدا وجديدة استخدمت اللون الوردي على الجفن اللي فوق ودخلت معاه الدهبي في الزاوية الداخلية للعين خلى شكل العين تحفة والروج وردي فاتح.
10- لوك تاني سموكي بالموف الغامق واستخدمت على الجفن اللي تحت فضي بيلمع عشان تكسر حدة غمقان اللون مع روج نيود وردي فاتح.
11- لعشاق الاحمر الناري اللوك ده هيناسبهم جدا استخدمت فيه الايشادو الدهبي مع درجات البني والبيج وروج احمر غامق مات.
12- اللوك ده سموكي ناعم يناسب البنات اللي مش بيحبوا السموكي بالالوان الغامقة ممكن تعملي سموكي زي ده بدرجات الوردي هيطلع تحفة اوي والروج استخدمت الوردي الغامق.
13- في اللوك ده استخدمت ايشادو بالوان فاتحة دهبي وبيج ودرجات البني الفاتح وحطت روج نبيتي غامق.
14- ده من اللوك الفظيعة استخدمت فيه الوان نحاسية خلت العين تطلع بشكل حلو جدا وعملت شفايف على طريقة تدريج اللون او الامبري بلون وردي فاتح.
15- لوك سموكي وردي تاني لكن اقوى شوية لانها دخلت فيه الوان غامقة واستخدمت روج وردي فاتح.
16- اللوك ده بسيط اوي للي بيحب المكياج السيمبل استخدمت الايشادو الاحمر على نحاسي شوية ومعاه الروج الوردي الفاتح.
17- اللوك ده للي بيحب المكياج القوي عملت سموكي بدرجات البني والشفايف بطريقة الاومبري استخدمت فيها الفوشيا مع الوردي الغامق.
18- اللوك ده معتمد على الجليتر على العيون والشفايف استخدمت ايشادو سموكي بدرجات الوردي مع الجليتر والروج وردي غامق كمان مع الجليتر على المنطقة الداخلية للشفايف من فوق ومن تحت.
19- اللوك ده استخدمت فيه الجليتر الدهبي لكن العيون بس وعملت السموكي بدرجات البني واختارت لون البيبي بينك او الوردي الفاتح المات للروج.
20- هنا اللوك سموكي وردي دهبي بالجليتر استخدمت درجات الوردي الدهبي للايشادو مع الجليتر والروج لون وردي مات.
21- اللوك ده مختلف اوي استخدمت فيه السموكي الابيض حاجة مختلفة وجديدة مع الجليتر والروج الوردي الغامق مع لمعة.
22- اللوك الاخير معانا استخدمت فيه الوردي الغامق للايشادو ودخلت معاه ايلاينر دهبي والروج الوردي بنفس لون الايشادو وضافت عليه جليتر.
طبعا في كل اللوك دي مستخدمين الكونتور عشان تحديد عضم الوش والهايلايتر عشان يدي اضاءة حلوة للوش, وان شاء الله الافكار تعجبكم وياللا اختاروا منها واللي تختار تقولنا على اختيارها وايه اكتر لوك عجبها وممكن تعمله.
