مشروب اذابه الدهون فى 4 ايام بس
كلنا بنحاول طول الوقت نتخلص من الوزن الزايد سواء فى منطقة البطن او فى الجسم كله عموما، وبنفضل نجرب وصفات كتيرة جدا و انظمة ريجيم مختلفة علشان نقدر نتخلص من الدهون الزيادة والوزن الغير مرغوب فيه بسرعة و من غير ما نمشى على نظام او نجرب وصفة ممكن تأثر على صحتنا او تتعبنا ، علشان كده هنقدملك النهاردة وصفة هتساعدك جدا فى موضوع اذابه الدهون و بدون اى آثار جانبية و بمكونات و طريقة سهلة و بسيطة جدا ، اعرفى معانا مشروب اذابه الدهون فى 4 ايام بس ..
المشروب سهل جدا انك تعمليه و مش هياخد منك اكتر من دقايق فى تحضيره ..
المقادير المطلوبة :
- حوالى 8 كوبايات من المياة المعدنية او المياة المفلتره .
- مقدار ملعقة شاى من الزنجبيل المطحون او بودرة جذور الزنجبيل .
- ليمونة متوسطة الحجم .
- خيارة متوسطة الحجم .
- حوالى 12 ورقة نعناع اخضر ” يفضل يكون فريش “
طريقة التحضير :
1- هاتى طبق عميق و حطى فيه المياة مع بودرة الجنزبيل و اوراق النعناع .
2- قطعى الليمون و الخيار شرائح رفيعة .
3- ضيفى الليمون و الخيار المقطع لخليط المياة و النعناع و الزنجبيل .
4- حطى الخليط كله فى الثلاجه و سيبيه طول الليل علشان يبقى مركز .
5- فى الصبح صفى المياة من المكونات دى .
6- اشربى كوباية كبيرة من المياة صباحا .
7- قسمى مياة الخليط المتبقية بحيث تشربى منها على مدار اليوم كله .
” ممكن تعملى كمية اكبر و تحتفظى بيها فى الثلاجه لكن انتبهى انه مينفعش تسيبيه فى الثلاجة اكتر من يومين بس ، لو عدا عليه اكتر من يومين ماتشربيهوش “.
فوائد المشروب و مدة استخدامه :
اهتمى انك تواظبى على تناول المشروب ده على فى فترات مختلفة على مدار اليوم و يوميا لمدة 4 أيام علشان تلاحظى الفرق فى فقدان الدهون خصوصا فى منطقة البطن، وممكن تستخدميه على طول و يبقى جزء من يومك من غير اى قلق لان كل مكونات المشروب ده صحية جدا و مليانة بالفيتامينات و المواد اللى بتساعد بشكل فعال فى حرق الدهون و التخلص منها ، و بخلطهم مع بعض بيتوجد مجموعة كبيرة جدا من المواد دى اللى بتساعدك بشكل كبير جد ، و كمان كل مكون فى المشروب ده مالوش اى اثار جانبية و بيساعد فى ترطيب الجسم و البشرة و بيحميهم من الجفاف و كمان طعمه حلو و مابيسببش اى ازعاج .