المانيكير الفرو : ازاى تعمليه لنفسك بالصور والفيديو
flocking powder او المانيكير الفرو هو واحد من اجدد طرق وضع المانيكير و موضة السنة دى ، و له اكتر من شكل و طريقة و عدد الالوان اللى بيتوفر بيها كتيرة جدا و بدرجات مختلفة . لكن المشكلة انك لو حبيتى تعملى ” المانيكير الفرو ” فى البيت ممكن تواجهى صعوبة فى انك تعمليه و يطلع مظبوط او تبقى مش عارفة ايه هى الخطوات اللى ممكن تضمنى بيها مانيكير فرو زى المحترفين بالضبط ، علشان كده لو حبيتى تعمليه بتضطرى تروحى للكوافير وممكن يبقى مكلف و سعره عالى .. احنا هنحل المشكلة دى و هنبسطلك الموضوع جدا ، فى الموضوع ده هتعرفى ازاى تعمليه لنفسك و ايه هى كمان الادوات اللى هتحتاجيها بالصور و الفيديو …
أشكال المانيكير الفرو:
الادوات المطلوبة :
علشان تعملى مانيكير فرو بنتايج مضمونة لازم تحضرى الادوات دى:
- مانيكير شفاف
- مانيكير ملون
- علبة فرو الخاص بالمانيكير ” تقدرى تجيبيه من محلات مستحضرات التجميل “
- فرشة
الخطوات :
- حطى طبقة من المانيكير الشفاف و سيبيها تنشف.
- حطى طبقة من المانيكير الملون و بعد ما تنشف حطى طبقة تانية من نفس اللون.
- قبل ما طبقة المانيكير الثانية تنشف حطى عليها الفرو باستخدام ملقاط و اضغطى عليه كويس.
- باستخدام الفرشاة شيلى كمية الفرو الزيادة.
و ده الفيديو علشان تعرفى الخطوات بشكل اوضح ….
