ازاى تعملى الشامبو الجاف فى البيت بنفسك؟

آية حسان
آية حسان
في
شعر
14187

قدمنا قبل كده موضوع عن ايه هو الشامبو الجاف و انه بقى احدث صيحة فى منتجات الاهتمام و العناية بالشعر ، و قلنا ايه هو الشامبو الجاف و ايه هى فوايده و اضراره و اهم مميزاته و كمان ازاى و امتى تستخدميه ، فى الموضوع ده هتعرفى طريقة عمل الشامبو الجاف في البيت بنفسك و من غير ما تضطري تشتريه من خلال اربع وصفات مزلية مختلفة، سهلة وبسيطة جدا وبمكونات غير مكلفة … 

طريقة عمل الشامبو الجاف 1
طريقة عمل الشامبو الجاف 1

 – الوصفة الاولى طريقة عمل الشامبو الجاف في البيت باستخدام القرفة:

فى الوصفة دى هتحتاجى :

  • مقدار من نشا الذرة .
  • مقدار من بودرة الكاكاو المرة ” الغير محلاه ” .
  • مقدار من القرفة.

 – الطريقة : 
1- امزجى المكونات دى مع بعضها كويس .
2- باستخدام فرشة، طبقى المسحوق على جذور الشعل .
3- ادعكى المسحوق فر فروة الرأس ,
4- شيلى كمية المسحوق الزيادة باستخدام الفرشة .
5- استخدمى المشط لتسريح شعرك و تشيلى الزيادات .

الشامبو الجاف باستخدام القرفة
الشامبو الجاف باستخدام القرفة

  – الوصفة الثانية طريقة عمل الشامبو الجاف باستخدام دقيق الذرة :

المكونات : 

  • مقدار ملعقة طعام من دقيق الذرة .
  • مقدار ملعقة طعام من الملح الناعم .

طريقة التحضير : 
1- امزجى دقيق الذرة مع الملح الناعم فى الخلاط لحد ما الملح يبقى ناعم جدا .

2- طبقى المسحوق على جذور الشعر بنفس طريقة الوصفة الاولى .

1b83e77fed175b1a8a357ebe912992b7
1b83e77fed175b1a8a357ebe912992b7

الوصفة الثالثة طريقة عمل الشامبو الجاف باستخدام دقيق الشوفان:

– المكونات : 

  • مقدار فنجان من دقيق الشوفان .
  • مقدار فنجان من البيكينج صودا .

– الطريقة : 

  • امزجى دقيق الشوفان مع البيكينج صودا كويس اوى .
  • طبقى المسحوق على شعرك بنفس الطريقة .
طريقة عمل الشامبو الجاف 2
طريقة عمل الشامبو الجاف 2

الوصفة الرابعة طريقة عمل الشامبو الجاف باليمون:

  – المكونات : 

  • مقدار من زيت الليمون .
  • مقدار من زيت الخروع .
  • مقدار من دقيق  الذرة .

– الطريقة : 

1- قيسى مقدار 150 جرام من دقيق الذرة .

2- ضيفى 30 نقطة من زيت الليمون .

3- ضيفى 20 نقطة من زيت الخروع .

4- امزجى الخلط مع بعضه كويس جدا ، و لو حسيته انه تقل او بقى شبه العجينه ضيفى شوية من دقيق الذرة .

5- استخدمى الخليط بنفس الطريقة السابقة .

مقالات متعلقه

شوفي طريقة عمل فقاقيع الشور “bubble bath” بنفسك في البيت

شوفي طريقة عمل فقاقيع الشور “bubble bath” بنفسك في البيت

اعملي بنفسك بلسم جوز الهند واللافندر للشعر

اعملي بنفسك بلسم جوز الهند واللافندر للشعر

ازاي تقصي شعرك بنفسك في البيت ؟

ازاي تقصي شعرك بنفسك في البيت ؟