نصايح مكياج للبنات اللي بتلبس نضارة

بقلمريهام محمود فيمكياج visibility5566

لبس النضارة لبعض البنات ساعات بتكون مزعجة بالنسبة لهم لانهم بيفكروا ان ده ممكن يمنعهم انهم يحطو مكياج او المكياج مش هيبان من النضارة او انها ممكن تبوظ لهم شكل المكياج او متبينش لوك المكياج بتاعهم لكن احنا النهاردة بنقولك لبس النضارة مش هيكون مزعج بالنسبة لك ومش هيتعارض مع المكياج ابدا لاننا جايبين لكل البنات اللي بتلبس نضارة نصايح مكياج هتفيدكم جدا وازاي تحطي المكياج المناسب مع النضارة ويطلع حلو عليكي.

– ياللا تعالوا نعرف مع بعض ايه هي نصايح المكياج اللي هتخلي مكياجك حلو مع النضارة:

1- اكتر مشكلة بتقابل البنات اللي بتلبس نضارة انها بتعمل انعكاس او ظل على منطقة العين وعشان تتخلصي من المشكلة دي حطي كريم اساس افتح من لون بشرتك عند المنطقة اللي حوالين الانف وتحت العين الطريقة دي هتحل لك المشكلة وكمان لو عايزة تدي اضاءة حلوة لوشك وتظهري جماله اكتر ممكن تحطي بودرة برونزية عند منطقة عضمة الخد وعلى الانف من الجنب وعلى الجبين عند منبت الشعر ده هيبرز ملامح الوش بشكل حلو جدا.

نصايح مكياج
نصايح مكياج

2- تاني نصيحة ليكي انك تهتمي برسمة حواجبك جدا وتنضفي الحواجب اول بأول لان الحواجب من الحاجات الملفتة جدا في الوش وبتظهر شكل الوش ومع البنت اللي بتلبس نضارة لازم يكون الاهتمام اكتر لانهم هما اللي باينين على طول فوق النضارة وبيكونوا ملفتين عشان كده لازم تختاري رسمة حواجب تمشي مع حجم وشكل نضارتك لو انتي بتلبسي نضارة كبيرة خلي رسمة الحواجب رفيعة مش تخينة ولو بتلبسي نضارة حجمها صغير خلي رسمة حواجبك سميكة شوية ومتحددة.

نصايح مكياج
نصايح مكياج

3- مكياج العين من الحاجات اللي في بنات كتير بيفكروا انك مادام لابسة نضارة ان الافضل المكياج يكون بسيط لكن ده مش صحيح بالعكس لبس النضارة محتاج مكياج عيون قوي وجريء عشان يبان تحت النضارة يعني مثلا اختاري رسمة ايلاينر عين القطة بتبقى حلوة جدا والوان الايشادو اختاريها جريئة والوان قوية ولما تيجي تختاري لون الايشادو اختاري لون يمشي مع اطار النضارة بتاعتك عشان يبقو ماشيين مع بعض وميبقاش في تناقض في الالوان وشكل العين هيطلع احلى بكتير.

نصايح مكياج
نصايح مكياج

4- في بنات كتير بيفتكروا ان المكياج السموكي مش بيليق مع النضارة لكن بالعكس السموكي بيكون حلو جدا مع النضارة بس كثفي السموكي على العين عشان يبان من تحت النضارة.

نصايح مكياج
نصايح مكياج

5- في مشكلة كمان بتكون مزعجة ان ممكن النضارة تغير حجم العين وتبينها بحجم اكبر من الطبيعي وعشان تحلي المشكلة دي ممكن تحطي لون ايشادو مضيء على الجفن اللي تحت ده هيدي شكل حلو للعين وهيبرز جمالها.

نصايح مكياج
نصايح مكياج

6- وفي حيلة تانية ممكن تعمليها عشان تحلي مشكلة حجم العين انك ممكن تفردي الايلاينر شوية بالفرشة تحت خط العين للجفن اللي تحت وكمان على الجفن اللي فوق.

نصايح مكياج
نصايح مكياج

7- في بعض الاحيان النضارة بتخلي حجم العين يصغر عشان تحلي المشكلة دي كمان بحيلة بسيطة جدا خلي رسمة الايلاينر بتاعتك بخط بره زاوية العين عشان تديها حجم اكبر.

نصايح مكياج
نصايح مكياج

8- معظم البنات اللي بيلبسو نضارات مش بيحبو يحطو ماسكارا بيخافوا تخبط في النضارة تتلغبط وتبوظ لهم المكياج بتاعهم ممكن في الحالة دي تستغني عن الماسكارا وتستخدمي بدالها اداة تني الرموش وتكتفي بيها هي بس من غير ماسكارا هتخلي رموشك احلى واطول.

 اداة تني الرموش
اداة تني الرموش
نصايح مكياج
نصايح مكياج

9- وطبعا بعد العيون اللي بيكون ملفت في الوش هي الشفايف احنا عشان هنعمل الايشادو بتاعنا قوي زي ما قولنا يبقى الافضل يكون الروج لون فاتح وطبيعي او ممكن تكتفي بس بملمع الشفايف.

نصايح مكياج
نصايح مكياج

10- عشان بقى تضيفي لون وحياة لوشك حطي بلاشر بلون وردي على منطقة عضمة الخد هتديكي لوك طبيعي وهتنور وشك.

نصايح مكياج
نصايح مكياج

11- النضارة عشان بتداري ملامح من وشنا فلازم نبرز ملامح تانية عشان وشنا يظهر شكله حلو عشان كده ركزي على منطقة الخدود واظهريهم بانك تحطي كريم مضيء اوكريم اساس فاتح حوالين منطقة عضمة الخد دي هينور وشك وهيظهر خدودك بشكل حلو جدا.

نصايح مكياج
نصايح مكياج

لو طبقتي كل النصايح دي هتبقى النضارة بالنسبة لك مش حاجة مزعجة ابدا ومكياجك هيطلع حلو.