23 حيلة ونصيحة لوضع المانيكير !

بقلمريهام محمود فيأظافر visibility61544

لو انتي بتعملي المانيكير بتاعك في البيت ومش عند الكوافير او حد متخصص وفاكرة انه صعب تطلعي المانيكير بتاعك باحتراف كانك عملاه بره تبقي غلطانة النهاردة جايبين لكم نصايح وحيل هتخليكي تعملي المانيكير في البيت كانك عاملاه عند الكوافير هتقدري تعملي رسومات بطريقة سهلة وبادوات موجودة في البيت ومكنتيش تتخيلي انها ممكن تفيدك وتعملي بيها رسمة مانيكير ده غير كمان اننا هنقولك على حلول لمشاكل ممكن تكون بتقابلك في المانيكير بتاعك.

لو ضوافرك مزهقاكي ومش بتطول بسرعة شوفي من هنا إزاي تطولي اظافرك بطرق طبيعية وسريعة؟! 

  • ياللا بينا نعرف مع بعض نصايح وحيل لوضع المانيكير:

  • لو انتي مستعجلة اوي ووراكي مشوار وحاطة مانيكير وعايزاه ينشف بسرعة لان دايما بتقابلنا المشكلة دي نكون مستعجلين ومش بيلحق ينشف ونخرج بيه وطبعا بيتمسح وشكله بيبوظ كل اللي هتعمليه عشان تحلي المشكلة دي انك بعد ما تحطي المانيكير سيبيه دقيقتين بس في الهوا وبعدين جيبي طبق فيه تلج وحطي ضوافرك فيه 3 دقايق بس وطلعيهم هتلاقي المانيكير نشف خالص ومش هيبوظ منك.
عشان المانيكير ينشف بسرعة
عشان المانيكير ينشف بسرعة
  • لو ضافرك اتكسر ودي مشكلة بتقابلنا كتير جدا ومش بنعرف نعمل ايه فيه لانه بيبقى شكله وحش وبنبقى مضايقين منه هنقولك على خدعة هايلة عشان تصلحي شكل الضافر المكسور وهي انك تصلحيه بكيس الشاي هتجيبي كيس شاي “باكيت” هتفتحيه وتفضيه خالص من الشاي اللي جواه وتقصي حتة منه على شكل مستطيل ابردي ضوافرك كويس عشان تنعمي الجزء المكسور وتنبقى متساوية مع باقي الضافر هتحطي طبقة صمغ بسيطة جدا على الجزء المكسور وبعدين هتحطي عليه كيس الشاي واضغطي عليه بالراحة عشان يلزق كويس وبعدين حطي طبقة صمغ تانية فوق كيس الشاي وبعدين سيبيه لحد ما ينشف وحطي طبقة صمغ تالتة عشان تضمني انه يثبت كويس وبعدين قصي اي زيادات من كيس الشاي وابرديه ضافرك بالمبرد عشان تخلي كيس الشاي متساوي مع الضافر ولو في اي صمغ على ضوافرك ممكن تسمحيها بحتة قطنة عليها اسيتون واخر حاجة حطي مانيكير شفاف او مقوي اظافر هتلاقي ضافرك المكسور رجع سليم ولا كان فيه حاجة خالص.
لاصلاح الضوافر المكسورة
لاصلاح الضوافر المكسورة
  • كلنا بنتعذب واحنا بنشيل المانيكير وبياخد وقت كتير مننا هنقولك النهاردة على طريقة سهلة وسريعة جدا عشان تشيلي المانيكير هنجيب الاسيتون وحتة قطن ونقطعها 10 حتت صغيرة على قد الضافر نبل كل حتة قطن بالاسيتون ونفردها على الضافر كله كويس ونضغط عليها ونعمل كل الضوافر بنفس الطريقة وسيبيهم على ضوافرك دقيقتين وبعدين شيلي القطنة من على الضافر هتلاقي المانيكير بحاله طلع في القطنة من غير ما تقعدي تمسحي وتعذبي نفسك.

لازالة المانيكير
لازالة المانيكير
لازالة المانيكير
لازالة المانيكير
لازالة المانيكير
لازالة المانيكير

  • ممكن تعملي رسمة شبكة على ضوافرك بليفة قديمة لو عندك الليفة اللي بتكون على شكل شبكة واتقطعت ومش بتستخدميها ممكن تقطعي منها حتة وبعد ما تحطي لون المانيكير الاساسي هتجيبي لون مانيكير تاني او ممكن تحطي لونين وتجيبي حتة سفنجة صغيرة وتحطي عليها المانيكير وتحطي الشبكة على ضوافرك وتحطي المانيكير بالسفنجة وبعدين تشيليها هتلاقي الشكل طلع على ضوافرك.

رسمة الشبكة على الضوافر
رسمة الشبكة على الضوافر
رسمة الشبكة على الضوافر
رسمة الشبكة على الضوافر

  • لو عايزة ترسمي ضوافرك برسمة النقط ومعندكيش الاداة المخصوص بتاعة رسم النقط على الضوافر ممكن تعمليها بطريقة سهلة جدا هتجيبي قلم رصاص ودبابيس من الصغيرة وتغرسي الدبوس في الجومة بتاعة القلم وتبقى راس الدبوس هي اللي من بره وتحطي نقط مانيكير على ورقة وتبدأي براس الدبوس تاخدي من المانيكير وتحطيها على ضوافرك.
رسمة النقط على الضوافر
رسمة النقط على الضوافر
  • عشان تثبتي المانيكير اكتر وميبوظش منك بسرعة ويتقشر بعد ما تحطي مقوي الاظافر امشي بالفرشة على الضوافر من فوق بالعرض.
ادهني ضوافرك من فوق بالمقوي لتثبيته
ادهني ضوافرك من فوق بالمقوي لتثبيته
  • ساعات بعد ما بنشيل المانيكير خصوصا لما بيكون غامق بنلاقي لون الضوافر بتاعتنا اغمق ولونه اتغير عشان ترجعيهم لونهم ابيض تاني هتجيبي طبق فيه ماية سخنة وتحطي فيها شوية ماية اكسجين وصودا الخبز “بيكربونات الصوديوم” وتحطي فيهم ضوافرك لمدة دقيقة وتطلعيهم هتلاقيهم رجعوا ابيض من الاول كمان, او ممكن تدهني ضوافرك بمعجون السنان المبيض هتجيبي فرشة سنان قديمة وتفركي ضوافرك بالمعجون هترجع بيضا وبتلمع.
تبييض الضوافر
تبييض الضوافر
  • لو وانتي بتحطي المانيكير ولطختي الجلد اللي حوالين الضوافر ممكن تنضفيه بسهولة جدا بانك تجيبي عود قطن اللي بنضف بيه الودان وتبليه بالاسيتون وتنضفي حوالين الضوافر.
لتنضيف تلطيخ المانيكير
لتنضيف تلطيخ المانيكير
  • عشان تحطي المانيكير بشكل صح الاول ابردي الضوافر ونضفيهم كويس حطي الطبقة الاولى من مقوي الاظافر قبل المانيكير وبعدين هتجيبي لون المانيكير اللي اختارتية هتبدأي من نص الضافر من تحت تحطي وتمشي بالفرشة بطول الضافر وبعدين تمشي بالفرشة يمين لحد اخر الضافر وبعدين تمشي بالفرشة ناحية الشمال وفي الاخر حطي طبقة مقوي اظافر تانية كده هيطلع معاكي شكله مظبوط ومش ملخبط.
لوضع المانيكير بشكل صحيح
لوضع المانيكير بشكل صحيح
  • لما تيجي تحطي طبقة مانيكير جيلتر حطيها بطريقة النقط يعني متدهنيش بالفرشة زي ما بتحطي المانيكير بالطريقة العادية لا نقطي على الضوافر بالفرشة عشان الجليتر يتوزع على الضوافر كويس ويطلع بشكل حلو.
توزيع الجليتر على الضوافر
توزيع الجليتر على الضوافر
  • عشان تحافظي على المانيكير من ان شكله يبوظ منك حطي طبقات خفيفة فوق بعض بدل ما تحطي طبقة واحدة سميكة يعني حطي طبقة خفيفة وسيبيها تنشف وبعدين حطي طبقة تانية فوقيها كده احسن عشان لما بتحطي طبقة تخينة ممكن تبوظ منك.
وضع طبقات مانيكير خفيفة بدل طبقة واحدة سميكة
وضع طبقات مانيكير خفيفة بدل طبقة واحدة سميكة
  • عشان تخلي المانيكير ميلطخش الجلد حوالين الضوافر ادهني حواليها بالفازلين جيبي عود قطن من اللي بننضف فيه الودان وتحطي عليه فازلين وتدهني حوالين الضوافر بكده هتحمي الجلد حوالين ضوافرك من اي مانيكير.
احمي حوالين ضوافرك من تلطيخ المانيكير
احمي حوالين ضوافرك من تلطيخ المانيكير
  • لو حاطة مانيكير جل وعايزة تشيليه في اي وقت من غير ما تروحي للكوافير ممكن تشيليه في البيت طبعا كلنا عارفين ان المانيكير الجل بيقعد من اسبوعين لتلات اسابيع طيب افرضي انتي عايزة تشيليه قبل الوقت ده هتعملي ايه من غير ما تروحي للكوافير هنقولك تشيليه ازاي هتجيبي قطن واسيتون وورق فويل من اللي بنستخدمه في المطبخ هتبلي القطن بالاسيتون كويس وتلفي بيه ضوافرك وبعدين تلفي عليهم الفويل وتسيبي ضوافرك ملفوفة من خمس لسبع دقايق وبعدين تشيليه هتلاقي الضوافر الجل اتشالت.
لازالة الضوافر الجل
لازالة الضوافر الجل
  • لو عايزة ترسمي شكل قلب على ضوافرك بطريقة سهلة جدا الاول هتحطي اللون الاساسي بتاعك اللي هتختارية الافضل يكون ابيض عشان هيطلع شكله حلو مع رسمة القلب وبعدين هتجيبي المانيكير الاحمر وبخلة السنان هتحطي بيها نقطتين جنب بعض بالمانيكير الاحمر على ضوافرك وبعدين توصلي النقطتين من تحت ببعض على شكل حرف V هتلاقي طلع شكل القلب على الضوافر طريقة سهلة وبسيطة جدا جربوها.
رسم شكل قلب على الضوافر
رسم شكل قلب على الضوافر
  • عشان ترسمي ضوافرك فرنش هتجيبي لزق الجروح العادي ده هتجيبيه من الصيدلية والزقية على ضوافرك وخلي الناحية اللي هي على شكل منحنى دي على الضافر وسيبي حتة من الضافر من فوق بس اللي هترسمي عليها الفرنش وتحطي اللون بتاعك عادي وبعدين تشيلي اللزق من على ضوافرك هتلاقي رسمة الفرنش طلعت مظبوطة عندك.
رسمة الفرنش
رسمة الفرنش
  • عشان تحفظي ازايز المانيكير عندك بطريقة حلوة ومترتبة هتجيبي اي صندوق او علبة كارتون صغيرة فاضية عندك مثلا لو محتفظة بعلبة جزمة عندك ممكن تستعمليها وعشان تخلي شكلها حلو ممكن تغطيها بورق هدايا تجيبي اي ورق هدايا شكله حلو وتلفي بيه الصندوق ورصي ازايز المناكير جوه العلبة وعشان تعرفي الالوان من بعضها من غير ما تطلعي كل الازايز ممكن تجيبي استيكر ابيض وتحطي عليه نقطة من اللون بس وتلزقية على غطا الازازة من فوق كده هيبقو مترتبين بشكل حلو وفي نفس الوقت مش هتتعبي لما تكوني عايزة اي لون هتلاقيه على طول من غير ما تكوني مضطرة تطلعيهم كلهم وتدوري.
ترتيب ازايز المناكير
ترتيب ازايز المناكير
  • لو المانيكير بتاعك كان لسه طري وايدك جت على اي حاجة لغبطته خصوصا لو كنتي بره البيت ومش هتعرفي تصلحيه او تشيليه وتحطي غيره في طريقة غريبة شوية وجديدة ممكن تصلحهولك وهي انك تلحسي المكان اللي اتلغلبط بلسانك بالراحة هتلاقيه اتصلح ورجع زي ماهو.
تصليح المانيكير
تصليح المانيكير
  • ساعات بعد ما بنحط المانيكير بنلاقيه عامل فقاعات كده شكلها مش حلو عشان تمنعي الفقاعات دي تظهر قبل ما تحطي المانيكير انقعي ضوافرك في مية فيها خل ابيض او ممكن تمسحي ضوافرك بمنديل فيه خل ابيض وبعدين تحطي المانيكير ده هيخلي الفقاعات دي متظهرش وكمان هيخلي المانيكير يقعد مدة اطول معاكي.
لمنع فقاعات المانيكير
لمنع فقاعات المانيكير
  • لو عندك اي مشكلة على ضوافرك او فطريات مثلا ممكن تستخدمي فابوراب ده هتلاقيه في الصيدلية في علبة زرقا كده وبيبقى شبه الفازلين وتدهنية على ضوافرك ده بيعالج اي فطريات او مشاكل على الضوافر.
فابوراب
فابوراب
  • عشان المانيكير ميلزقش في ايدك وتبقى كلها مانيكيرادهني ايدك باي كريم مرطب اللزوجة بتاعة الكريم هيخلي المانيكير ما يلزقش فيها ولما تحطي الاسيتون على القطن غرقي القطنة كويس بالاسيتون.
لمنع المانيكير من الالتصاق بالايد
لمنع المانيكير من الالتصاق بالايد
  • لما تيجي تشتري المناكير اتأكدي انه مكتوب عليه خالي من الفورمالدهيد والتولوين و DBP لان المواد دي بتخلي الضوافر لونها يغير او بتعمل بقع على الضوافر.
مانيكير خالي من المواد الضارة
مانيكير خالي من المواد الضارة
  • وناخد بالنا كمان انه الجو لما بيكون رطوبة المانيكير بياخد وقت اكبر على ما ينشف تقريبا بياخد ضعف الوقت عن لما يكون الجو مافيهوش رطوبة.
تأثير الرطوبة على الضوافر
تأثير الرطوبة على الضوافر
  • في كتير مننا عشان نخلي المانيكير ينشف نقعد قدام المروحة لكن بالعكس الطريقة دي غلط جدا لان الهوا الجامد بتاع المروحة هيبوظ المانيكير ويخليه يطلع عليه فقاعات ويبوظ شكله خليه ينشف لوحده ومتستخدميش هوا المروحة وممكن تستخدمي الطريقة اللي قولنا عليها في نصايحنا فوق عشان تخليه ينشف بسرعة.
متستخدميش المروحة لتنشيف المانيكير
متستخدميش المروحة لتنشيف المانيكير