إزاي تختاري الماسكرا المناسبة لرموشك؟

يسرا خالد
يسرا خالد
في
مكياج
21063

هنقولكم انهاردة على سر مهم جدا للبنات اللى بيستخدموا الماسكرا. كل مكونات الماسكرا فى معظم المنتجات بتكون هى هى . طيب ليه لما بنستعملها بنلاقى نتائج مختلفة؟ عارفين السر فين؟ فى الفرشاة نفسها مش في الماسكرا! تعالوا اعرفوا معانا عن انواع فرش الماسكرا عشان تشتروا المناسب ليكم صح المرة الجاية .اقرأوا فى السطور اللى جاية عن إزاي تختاري الماسكرا المناسبة لرموشك؟

1 – للتطويل و التحديد :

الفرش الطويلة اللى شبه المشط و الشعيرات بتاعتها متناسقة فى المسافات اللى بينهم بتحدد الرموش لكن مش بتزود لهم اى كثافة و دى اختيار مناسب جدا لاى بنت رموشها اصلا ثقيلة طبيعى .

مسكارا 1
مسكارا 1

2 – للرموش القصيرة :

الفرش القصيرة احسن اختيار للرموش القصيرة لانها بتقرب من عنيكى و تلقط الرموش و بتحددلك تحكم مناسب عند اطراف العين .

مسكارا 2
مسكارا 2

3 – للكثافة :

للكثافة اختارى فرشاة كبيرة مدورة من فوق و الشعيرات بتاعتها تكون كثيرة لانها بتوفرلك كذا طبقة من الماسكرا و بتساعد فى تتقيل رموشك .

مسكارا 3
مسكارا 3

4 – للتحديد :

الفرشاة اللى فيها شعيرات حجمها مختلف بتياعدك انك تحددى كل رمش فى عينك لواحده بدقة هايلة من الرمش الكبير للصغير لكن عيبها الوحيد انها بتاخد وقت فى الوضع اكثر من اى نوع بس النتيجة خرافية .

مسكارا 4
مسكارا 4

5 – للرموش اللى شكلها طبيعى :

الفرش المصنوعة من المطاط مش بتشيل كمية كبيرة من لون الماسكارا  اللى فى العلبة عشان كده ممكن تستعمليها لو عايزة من غير ما تديكى كثافة بزيادة و بيكون شكلها طبيعى من غير ما حد يلاحظها مجرد بتحدد رموشك و تديها لوك جميل من غير لون تقيل  .

مسكارا 5
مسكارا 5

6 – لثنى الرموش :

الفرشاة المعوجة بشكل كيرف اكثر واحدة مناسبة عشان تتنى رموشك لفوق و تبينهم اكثر و بتكون شعيراتها رفيعة و متباعدة .

مسكارا 6
مسكارا 6

7 – للرموش اللى تحت العين :

معلومة يمكن متكونوش عارفينها ان معظم منتجات الماسكرا مصنوعة للرموش اللى فوق فقط و بتكون تفيلة و بتكلكع لو استخدمناها للرموش اللى تحت . ممكن تستخدمى النوع ده مخصوص و بتكون فرشاة صغيرة جدا مناسبة للكثافة بتاعت الرموش اللى تحت العين .

مسكارا 7
مسكارا 7

مقالات متعلقه

إزاي نحط الماسكارا صح؟!

إزاي نحط الماسكارا صح؟!

اتعلمي بالخطوات إزاي تركبي الرموش الصناعية!

اتعلمي بالخطوات إزاي تركبي الرموش الصناعية!

16 نصيحة مهمين لمكياجك لازم تبقي عرفاهم!

16 نصيحة مهمين لمكياجك لازم تبقي عرفاهم!