إزاي اختار الوان اللبس اللي تليق على لون بشرتي؟

بقلمريهام محمود فيموضة وأزياء visibility24166

الوان اللبس من الحاجات المهمة جدا اللي لازم نخلي بالنا منها واحنا بنختار لبسنا بس دايما بتقابلنا مشكلة لما بنيجي نشتري لبس بنحتار في اختيار الالوان المناسبة ومش بنعرف نختار الالوان الصح اللي تمشي مع لون بشرتنا لان الالوان اللي تليق على البشرة البيضا غير السمرا غير الخمرية ولو اختارنا لون غلط مش لايق علينا هيطلعنا بشكل مش حلو ممكن تختاري لون مثلا يغمقك او لون يخليكي باهتة وعشان نختار اللون اللي يناسبنا لازم نعرف ايه هي الالوان اللي تليق على كل بشرة عشان كده احنا النهاردة هنساعدك ونقولك ايه هي الالوان اللي تليق على كل لون بشرة عشان لما تيجي تشتري لبسك تقدري تختاري صح.

  • تعالوا نعرف مع بعض ايه الوان اللبس اللي تليق على كل لون بشرة:

  • البشرة البيضا:

اكتر الوان اللبس اللي بتليق على البشرة البيضا هي الالوان الغامقة زي الازرق الكحلي والرمادي كمان من الالوان اللي بتبقى حلوة جدا على البشرة البيضا الوان النيون او الالوان الفاقعة اللي هي الفوشيا والاحمر والاصفر والازرق وكمان الالوان النيود او الباستيل الناعمة زي الابيض والكريمي والوردي والازرق الفاتح او البيبي بلو وكمان اللون الاخضر الزمردي, يعني اللي بشرتهم بيضا عندهم حرية اختيار اكتر في الالوان من اي لون بشرة تانية, بس بننصحهم يبعدوا عن الالوان اللي فيها لمعة لانها بتخلي لون البشرة شاحب.

الوان اللبس للبشرة البيضا
الوان اللبس للبشرة البيضا
الوان اللبس للبشرة البيضا
الوان اللبس للبشرة البيضا

  • البشرة الخمرية:

البشرة الخمرية اللي هي بتكون ما بين البشرة السمرا والبيضا يعني لون وسط بين الاتنين اكتر الالوان اللي بتبقى حلوة جدا على لون البشرة دي الاخضر والازرق الجليدي والبني بكل درجاتة واللون البرتقاني كمان بيبقى تحفة على البشرة الخمرية من الالوان كمان اللي تمشي مع البشرة دي الالوان الميتاليك اللي هي الالوان النحاسية والبرونزية والدهبي بدرجاتهم  الالوان دي بتدي شكل حلو جدا مع لون البشرة الخمري وكمان اللون الرمادي, والالوان النيون كمان اللي هي زي ما قولنا الفوشيا والاحمر والاصفر والازرق بيطلعو حلوين جدا على البشرة الخمرية, بس بننصح صاحبة البشرة الخمرية تبعد عن البيج والعاجي لان اللونين دول بيبقوا قريبين اوي من لون البشرة ومش هيظهروا جمالها.

الوان اللبس للبشرة الخمرية
الوان اللبس للبشرة الخمرية
  • البشرة القمحية:

اكتر الالوان اللي المناسبة ليها الابيض والاحمر والازرق, وننصحك تبعدي عن الالوان القريبة من لون بشرتك.

الوان اللبس للبشرة القمحية
الوان اللبس للبشرة القمحية
  • لون البشرة الابيض الشاحب:

لون البشرة ده اللي بيكون ابيض ومايل للاصفر شوية درجة البشرة دي بيليق عليها الاخضر بدرجاته والاصفر والبني الخفيف بدرجاتة مش البني الغامق كمان الوان زي البيج والعاجي والازرق الفاتح بتبقى حلوة جدا للون البشرة دي, وننصح صاحبة البشرة دي تبعد عن عن الالوان الفاقعة زي الفوشيا.

الوان اللبس للبشرة الشاحبة
الوان اللبس للبشرة الشاحبة
  • البشرة السمرا:

اكتر الالوان اللي بتليق على البشرة السمرا هي الالوان الدافية زي الدهبي والاحمر الغامق والبرتقاني والاخضر الغامق, ومن الالوان الفاتحة اللي بتليق على البشرة السمرا اللون الابيض والوردي الفاتح والبيج والرمادي, وبننصح صاحبة البشرة السمرا تبعد خالص عن الالوان الغامقة والالوان الفسفورية.

الوان اللبس للبشرة السمرا
الوان اللبس للبشرة السمرا
الوان اللبس للبشرة السمرا
الوان اللبس للبشرة السمرا

  • البشرة السمرا الداكنة:

البشرة السمرا بالدرجة الداكنة شوية بيليق عليها جدا الازرق الكوبالت والتركواز والفوشيا وكمان الفضي ممكن تدخل معاه الاسود وكمان اللون الاصفر الفاتح ويتلبس معاه الابيض والاسود او الاصفر الغامق و من الالوان اللي بتبرز جمال البشرة السمرا جدا اللون الرمادي والاحمر والفوشيا, بس بننصحهم يبعدوا عن البني الغامق او الالوان الباهتة.

الوان اللبس للبشرة السمرا الداكنة
الوان اللبس للبشرة السمرا الداكنة
  • في الوان اسمها الالوان المحايدة وهي الابيض والاسود خبراء الموضة في العالم حددوا اللونين دول على انهم الوان محايدة ويليقوا على اي لون بشرة وبيبرزوا جمالها.
الابيض والاسود للبشرة البيضا والسمرا
الابيض والاسود للبشرة البيضا والسمرا
  • وفي خبيرة موضة المانية قالت عشان تحددي الوان اللبس المناسبة لبشرتك اعرفي نوع بشرتك ايه وقسمت البشرة لنوعين بشرة باردة وبشرة دافية طيب انتي هتعرفي ازاي نوع بشرتك؟ قالت تقدري تعرفي عن طريق تجربة صغيرة اوي اقفي قدام المرايا وهاتي ايشارب لونه فضي وحطيه قدام وشك لو بشرتك نورت وظهرت تحت الايشارب يبقى بشرتك باردة وجيبي ايشارب تاني دهبي وحطيه بنفس الطريقة لو بشرتك نورت وظهرت تبقى نوع بشرتك دافية, وحددت ان انسب الوان للبشرة الباردة هي الالوان الناعمة زي الوردي والاخضر الفاتح وكمان الازرق الغامق اما البشرة الدافية انسب الوان ليها هي الالوان القوية زي الاصفر والبرتقاني والفيروزي والازرق المايل للاحمر.