اتميزي في اللبس الشتوي والبسي العنابي

ريهام محمود
ريهام محمود
16380

اللبس الشتوي معروف بشياكتة واناقتة وكلنا تقريبا بنستنى فصل الشتا عشان اناقتة والوانة الجميلة ومن اكتر الحاجات اللي بتميز الشتا هي البالطو او الجاكت القصير بكل الوانه بس عموما الالوان اللي بتكون منتشرة اوي للبالطو هي الالوان التقليدية زي الرمادي والاسود والبني لكن ايه رايكو النهاردة نغير ونبقى اكتر جراءة ونختار لون مختلف يخليكي مميزة غير الالوان التقليدية المعروفة وهو اللون العنابي اللون ده مش تقليدي وشيك جدا وتحسي انه بيدي اناقة للبس من الالوان الحلوة جدا واللي هيخليكي مميزة ومختلفة, عشان كده احنا جيبنالكم النهاردة مجموعة من البالطو الطويل والجاكيت الشتوي القصير باللون العنابي  باستايلات مختلفة منها الجلد والفرو والصوف تقدري تختاري منهم الستايل اللي يناسبك اكتر.

  • قبل ما نعرضلكم الاستايلات هنقولك كده بسرعة اكتر الالوان اللي تليق مع اللون العنابي ممكن تلبسي العنابي مع الاسود والرمادي والابيض واللون الازرق الفاتح اللي هو زي لون البحر كده واللون الجملي ده اكتر الالوان اللي هتطلع تحفة عليه وكمان نقشة النمر تطلع عليه حلوة جدا.

– تعالوا نشوف مع بعض بقى الستايلات:

اول استايل ممكن نلبسه بالطوعنابي صوف وتحتيه قميص بنقشة من نفس اللون العنابي وداخل معاه الازرق الفاتح لون الجينز.

استايل البالطو العنابي مع القميص
استايل البالطو العنابي مع القميص

ممكن تلبسي البالطو العنابي وتحتيه بلوفر باللون الابيض على بنطلون اسود وبوط طويل, او تلبسي تحتيه بلوفر اسود على بوط رقبته قصيرة اختاري اللي يناسبك وتحبيه اكتر.

البالطو العنابي مع البلوفر الابيض
البالطو العنابي مع البلوفر الابيض

الستايل ده بقى مختلف البالطو شكله مميز جدا وشبه الكاب شوية بلياقة كبيرة وتحتيه بلوفر اسود ويتلبس على جينز ازرق غامق, او ممكن تلبسي تحتيه بلوزة بيضا مقلمة على جينز فاتح.

بالطو عنابي بستايل مميز
بالطو عنابي بستايل مميز

من الاستايلات الشيك جدا اللي طالعة موضة جدا الشتا ده الفرو ونازل اكتر من استايل للفرو العنابي ممكن تلبسي استايل البالطو الجلد اللي لياقتة بس فرو وتوفقي طقم تلات حتت فوق بعض البلوفر الاسود وفوقيه بالطو اسود طويل وفوقيه البالطو الجلد العنابي اقصر شوية وعلى بنطلون اسود وممكن نلبس الجلد العنابي لوحده من غير البالطو الاسود حسب اختيارك وحسب الجو كمان, وفي الاستايل التاني بيكون البالطو كله فرو وبيبقى شيك اوي في اللبس لو لبستي تحتيه البلوفر الاسود على جينز ازرق غامق.

بالطو عنابي فرو
بالطو عنابي فرو

البالطو هنا طويل لحد الركبة وخامته قطيفة يتلبس تحتيه البلوفر الاسود وممكن تغيري الستايل شوية وتلبسية على بنطلون جلد هيطلع شكله شيك جدا.

بالطو عنابي قطيفة
بالطو عنابي قطيفة

ممكن كمان تلبسي البالطو الطويل وتحتيه جاكت جلد قصير وبلوزة بيضا سادة او مقلمة على جينز ازرق غامق, او تلبسيه من غير الجاكت الجلد وتغيري بدل البلوزة تلبسي بلوفر ابيض لو الجو برد اوي على بنطلون اسود.

البالطو العنابي مع البلوزة او البلوفر
البالطو العنابي مع البلوزة او البلوفر

وفي استايل حلو جدا الجاكيت الروب اللي ليه حزام يتربط فيونكة كبيرة وبلياقة عريضة بيبقى شكله حلو جدا ممكن تلبسي تحتيه بردو بلوزة بيضا على جينز فاتح او غامق.

الجاكيت الروب
الجاكيت الروب

ممكن بقى تغيري استايل البنطلون خالص وتلبسي البالطو الطويل على فستان اسود سك واخد شكل الجسم قصير عند الركبة,وممكن يتلبس على فستان قصير فوق الركبة يكون نازل على واسع شوية باللون الازرق الفاتح ويكون البالطو نفس طول الفستان وتحتيه ليجينج اسود الاستايل ده شيك وناعم اوي.

البالطو العنابي على الفستان
البالطو العنابي على الفستان

وطبعا هنلاحظ في كل الاستايلات ان لون الجزمة والشنطة ما بين اللون الاسود والبني الجملي زي ما قولنا ان دي اكتر الالوان اللي بتليق على العنابي او ممكن تكون الجزمة والشنطة بلون اسود داخل فيه العنابي او عنابي سادة او عنابي في بني مع بعض او اسود وبني مع بعض.

مقالات متعلقه

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

9 نصايح لستايلك هتساعدك تطلعي بلوك أحلى ومختلف في كل مرة

9 نصايح لستايلك هتساعدك تطلعي بلوك أحلى ومختلف في كل مرة

بالصور .. طريقة عبقرية تغيري بيها ستايلك بمنتهى السهولة

بالصور .. طريقة عبقرية تغيري بيها ستايلك بمنتهى السهولة