اسمرار ما بين الفخذين .. اسبابه وعلاجه

مشكلة ظهور الاسمرار اللى بيكون نتيجة احتكاك الفخذين موجودة عند بنات كثير خصوصا اللى وزنهم زائد شوية ، و مش بس الاسمرار اللى بيحصل كمان ساعات ظهور التهابات ما بين الفخذين الي بتسبب في إعاقة حركة السير أو الجري، وبتسبب الشعور بالآلام واللجوء إلى الهرش المستمر. بنقدملكم انهاردة معلومات عن أسباب اسمرار ما بين الفخذين ووصفات طبيعية لفتيح المنطقة دى.

ايه هى الاسباب اللى بتخلى فيه اسمرار ما بين الفخذين ؟

1- زيادة الاحتكاك السطحي للجلد في المنطقة، و ده بيسبب الالتهاب والاحمراروالهرش اللى بينقلب لسواد بطبقة الجلد.
2- قلة التهوية بالجسم وحدوث العرق، وده بيخلى الرطوبة متراكمة على الفخذين و بيساعد على اسمرارهم.
3- الالتهاب البكتيري أوالالتهاب الفطري أو الحساسية لنوع من الكريمات أو الصابون واستخدامه على الجزء ده من الجسم.
4- لبس الملابس الضيقة أو ملابس مصنوعة من النايلون، واللى بتسبب زيادة الاحتكاك وبالتالي حدوث الاسمرار.
5- حدوث خلل في هرمونات الجسم عند الحمل أو زيادة الوزن و ده بيسبب تغير لون الفخذين.

طيب فى وصفات طبيعية ممكن تساعد فى حل المشكلة ؟

1 – عصير البطاطس وعصير الطماطم مع العسل:

البطاطس والطماطم فيهم عوامل طبيعية لتفتيتح لون البشرة، مش قوية على البشرة و ده بيخليها مناسبة جدا للبشرة الحساسة. أما العسل فبيعمل كمضاد للبكتيريا، و ده بيساعد على الحفاظ على نعومة ونضارة البشرة.
اخلطي قطعة من البطاطس بعد تقشيرها، مع عصير نصف ليمونة وملعقة كبيرة من العسل. يستخدم الخليط على الأماكن الداكنة و نسيبه ينشف تماما و بعد لما ينشف هنشطفه كويس بالمياه. استخدمي الخلطة مرتين خلال اليوم الصبح و ليل عشان تحصلي على أفضل النتائج.

2 – خلطة زيت جوز الهند وعصير الليمون:

بيتميز زيت جوزالهند بالكثير من الفوائد الصحية للجسم والبشرة. فهو معروف بقدراته على تفتيح لون البشرة وإزالة البقع الداكنة وعلامات التمدد والخطوط البيضاء. كمان يساعد على ترطيب البشرة .
اخلطي 3 ملاعق كبيرة من زيت جوز الهند مع عصير نصف ليمونة. يستخدم الخليط لتدليك الأماكن الداكنة لدقائق، و نسيبه لمدة 15 دقيقة عشان تمتص بشكل كامل داخل البشرة. بعد كده، تشطف البشرة كويس بالماء الدافئ مع فركها بقطعة من القماش. بلاش نغسل المنطقة بالصابون بعدها المياه كفاية و كرري الخلطة مرة واحدة يوميا عشان تحصلي على نتائج أكيدة في خلال إسبوع واحد.

طيب فى حل تانى لو المشكلة مستعصية ؟!

ممكن تبدأى باستخدام كريمات مخصصة لتبييض منطقة الفخذين و اللى ممكن تشترريها من الصيدلية بعد استشارة الدكتور.
ممكن لو الاسمرار زايد اوى و مفيش حاجة نفعت معاه نلجأ لحل اخير و هو استخدام الليزر بيعمل الليزر على تقشير الجلد المسمر من الفخذين بطريقة سلسة .وبنصحك باختيار مركز متخصص بالليزر له خبرة عريقة عشان تضمني الحصول على نتائج مرضية ومؤكدة وخالية من ردات الفعل السلبية زى الالتهابات الجلدية اللى ممكن تحصل عند استخدام الليزر بطريقة غلط.