وصفات لخدود حمرا وشفايف وردي طبيعي

ريهام محمود
ريهام محمود
في
بشرة
34809

مين فينا يا بنات مش نفسها يبقي جمالها طبيعي مين غير مكياج؟ خدودها وردي وشفيفها حمرا طبيعي وأصلا مفيش احلي من الجمال الطبيعي .. شوفوا معانا وصفات لخدود حمرا وشفايف وردي طبيعي لكل بنات حوا هتخلي خدودكم وشفايفكم جميلة ومن غير مكياج, وهتخلي بشرتك نضرة وصحية ومنورة.

قبل ما نقولك الوصفات هنقولك شوية نصايح بسيطة تمشي عليها مع الوصفات ومتقلقوش كلها سهلة ومش محتاجة مجهود:

  • اول حاجة واظبي على غسل الوش تلات مرات في اليوم عشان يكون نضيف دايما وميتراكمش عليه دهون لانها بتسد المسام وتخلي البشرة مش عارفة تتنفس وهيبقى شكلها مش صحي ومطفي واستخدمي ماية دافية لغسل الوش وبعدها مية باردة المية الدافية هتفتح المسام وتنضفها من جوه والمية الباردة هتقفلك المسام بعد ما تنضفيها والخطوة دي لوحدها هتخلي وشك منور ووردي طبيعي.
  • بعد تنضيف البشرة لازم ترطبي بشرتك باي كريم مرطب انتي متعودة تستخدمية ومناسب لنوع بشرتك عشان تحافظي على رطوبة البشرة, وبننصحك تستخدمي المرطبات اللي فيها مكونات طبيعية او في من مكوناتها فيتامين E لانها بتساعد جدا على ترطيب الجلد وبتخلي بشرتك زي بشرة الاطفال وبتدي لخدودك لون وردي جميل, والترطيب كمان للشفايف ممكن تحطي عليها من كريم البشرة او زبدة كاكاو او فازلين.
  • في بنات كتير عندهم عادة يبلو شفايفهم بلسانهم حاولي تبطليها خالص لانها بتخلي الشفايف ناشفة وشكلها باهت ومش حلو.
  • والعناية لازم تكون كمان من جوه مش من بره بس عشان كده لازم تاكلي الخضار والفاكهة اللي فيها فيتامينات E,C لانها بتخلي الخدود والشفايف حمرا طبيعي, واشربي مية كتير مش اقل من 8 كوبايات مية عشان المية بتحافظ على رطوبة الجلد وبتخليه ناعم وصحي.
وصفات لخدود حمرا
وصفات لخدود حمرا
  • هنبتدي مع وصفات لخدود حمرا:

  • الوصفة الاولى:

اول حاجة هنعملها مقشر للبشرة عشان تنضفي بشرتك والمسام كويس والوصفات تجيب معاكي نتيجة تجيبي شوية سكر وتحطي عليهم زيت زيتون وتبدأي تدلكي بشرتك لمدة خمس دقايق وبعدين تغسلي البشرة بمية دافية وبعدين ماية باردة.

  • الوصفة التانية:

بالبنجر والجزر هتجيبي كمية من عصير البنجر وعصير الجزروتخلطيهم مع بعض وتدلكي بيهم خدودك لمدة 10 دقايق واعملي الوصفة دي مرتين في الاسبوع مع الاستمرار عليها هتلاقي خدودك حمرا وبتلمع.

  • الوصفة التالتة:

خل التفاح هتدلكي خدودك بخل التفاح لمدة خمس دقايق وتكرري الوصفة تلات مرات في الاسبوع, خل التفاح بينضف البشرة من الدهون الزايدة ومن الحبوب وبيخلي لونها احمر طبيعي.

  • الوصفة الرابعة:

عصير الليمون من احسن الحاجات اللي بتطهر وتنضف البشرة, هتجيبي عصير الليمون وتدلكي بيه خدودك هيخلي وشك منور ومشدود واحمر.

  • الوصفة الخامسة:

الخيار مفيد جدا للبشرة وبيفتحها وبيخلي البشرة منورة ووردي طبيعي, تجيبي الخيار وتقطعيه شرايح وتحطيها على بشرتك لمدة 10 دقايق وبعدين تغسلي البشرة بمية باردة, وكرري الوصفة كل يوم هتحسي بالفرق بعد اسبوع واحد بس من استعمالها.

  • الوصفة السادسة:

ماية الورد من الحاجات المعروف فوايدها الكتير للبشرة, هتجيبي شوية سكر وتحطي عليهم كام نقطة ماية ورد وتدلكي بيهم وشك وركزي على منطقة الخدود واعملي الوصفة دي كل يوم وبعد كام يوم من الاستعمال هتلاقي وشك احمر ومنور.

  • الوصفة السابعة:

دلكي خدودك بالتلج كل يوم جيبي قطعة تلج ومرريها على خدودك بالراحة لمدة خمس دقايق وبعد كده دلكي الخدود بصوابعك لمدة خمس دقايق اعمليها كل يوم وشوفي خدودك هتبقى حمرا ازاي, والتلج مش بس هيحمر خدودك كمان بيعالج الحبوب والبقع السودا هيخلي وشك منور واحمر, وممكن تعملي قوالب تلج بمية الورد تحطي مية الورد في قوالب التلج وتحطيها في الفريزر وتدلكي بيها بشرتك بنفس الطريقة.

وصفات لشفايف وردي
وصفات لشفايف وردي
  • وصفات لشفايف وردي:

  • الوصفة الاولى:

بالكركدية تغلي الكركدية وتحطي عليه فازلين هيبقى عندك زي الكريم لونه احمر تدهني بيه شفايفك كل يوم قبل ما تنامي الوصفة دي هايلة للشفايف هتخليها وردي وطرية وبتلمع على طول.

  • الوصفة التانية:

الليمون كمان مفيد للشفايف مش للبشرة بس هتدلكي شفايفك بعصير الليمون لمدة 3 دقايق وبعدين اغسليها بمية دافية ونشفيها وجيبي قطنة وبليها بمية الورد وامسحي بيها شفايفك وبعدين ادهنيها فازلين.

  • الوصفة التالتة:

ثبت ان بذور الرمان وصفة فعاله جدا لتلوين الشفايف ..  خدي شوية من بذور الرمان واطحنيهم عشان تطلعي كل العصير اللي فيه, اخلطيه مع كام نقطة من زيت جوز الهند وحطيهم في علبة صغيرة وادهني بهم شفايفك في أي وقت.. بعد فترة هتلاقي إن شفايفك فعلا لونها بقي احمر طبيعي.

  • الوصفة الرابعة:

ادهني شفايفك كل يوم بالعسل قبل ماتنامي العسل هيرطب شفايفك جدا ومع الاستمرار هيخلي شفايفك ناعمة ولونها وردي طبيعي.

مقالات متعلقه

9 نصايح جمالية فعالة محتاجة تجربيهم

9 نصايح جمالية فعالة محتاجة تجربيهم

10 نصايح جمالية دخليهم في روتينك هيفرقوا معاكي

10 نصايح جمالية دخليهم في روتينك هيفرقوا معاكي

5 نصايح وحيل هتساعدك تحققي التوازن الطبيعي لبشرتك

5 نصايح وحيل هتساعدك تحققي التوازن الطبيعي لبشرتك