اعملي بنفسك كريم ليلى للبشرة
لو بتحبى تهتمى بجمال بشرتك دايما يبقى اكيد لازم تجربى فكرة الكريم الليلى . الكريم ده بنستعمله بليل بس عشان يحافظ على نضارة البشرة و موجود منه انواع غالية كثير فى الصيدليات لكن بنات حوا بتحب دايما تنصحكم بكل حاجة طبيعية لان نتايجها اضمن و احلى و صحية اكتر . انهاردة جايبنلكم كذا نوع كريم ليلى ممكن تعملوه بسهولة فى البيت و تستعملوه كل يوم و هتشوفوا نتيجة رائعة على بشرتكم بعد فترة . تعالوا شوفوا معانا ازاى تعملى بنفسك كريم ليلى للبشرة …
1 – كريم الجلسرين :
الكريم ده مفيد جدا فى الشتاء لان الجلسرين نسبة الترطيب فيه عالية و ده اكتر حاجة بتحتاجها بشرتنا فى الشتاء و كمان جوز الهند يعتبر مضاد للبكتيريا طبيعى اما مياه الورد و زيت الزيتون هيساعدوا فى شد البشرة .
المكونات :
– مياه ورد
– زيت جوز هند
– زيت لوز
– جلسرين.
الطريقة :
هنجيب حلة صغيرة و نحطها ف طاسة تانية اكبر فيها مياه و نحطلها زيت اللوز و زيت جوز الهند و نسخنهم لحد ما يتمزجوا تماما و بعدين نرفعهم من على النار و نزود مياه الورد و الجلسرين و نحطهم فى علبة بلاستيك و نستخدمهم كل يوم بليل قبل النوم .
2 – كريم اللبن :
يعتبر منظف و مرطب للجلد و بيفتح البشرة كمان .
المكونات :
– كوب قشطة لبن
– مياه ورد
– زيت زيتون
– جلسرين .
الطريقة :
هنخلط كل المكونات فى الخلاط لحد ما نوصل لقوام كريمى و نحطهم فى علبة بلاستيك .
3 – كريم التفاح :
التفاح غنى بفيتامين A, B, C و كثير من مضادات الاكسدة و الكريم ده هيخلى بشرتك شكلها اصغر و انعم .
المكونات :
– تفاح
– مياه ورد
– زيت زيتون .
الطريقة :
هنقطع التفاحة نصين و نشيل البزر و بعدين نقطعها قطع اصغر و نخلطها مع زيت الزيتون فى الخلاط .
هنحط الخليط على النار و نسيبه على نار هادية و بعدين نشيله و نزودله نص كوب مياه ورد و نسيبه يبرد و بعدين نحطه فى العلبة البلاستيك .
الكريم ده صالح للاستخدام لمدة 6 ايام لو حفظناه فى التلاجة .