ماسك سحرى لعلاج الرؤوس السوداء !

يسرا خالد
يسرا خالد
في
بشرة
83149

اكيد يا بنات كلكم جربتم علاجات كثير للرؤوس السوداء اللى بتظهر فى بشرتنا و بتزهقنا و بتخلينا نعمل تنظيف بالبخار كل شوية و نستعمل الكريمات  المختلفة و نجربها و كريم الاساس كل يوم عشان نداريها انهاردة جايبنلكم اختراع متجرب بس عشان خاطركم تعالوا اعرفوا معانا الحل السحرى ده اللى مش هياخد منكم وقت و هيخلصكم من كل الرؤوس السوداء  اللى فى الوش !

ليه بشرتى بيتكون فيها رؤوس سوداء ؟!

بشرتك غالبا نوعها دهنية و البشرة هي عباره عن مسامات و لما بينفرز الدهن على سطح البشرة ، يختلط الدهن مع الاتربة و الجلد الميت والبكتريا، و تمتص من المسامات. لما البشرة تترك بدون تنظيف مستمر و بدون روتين يومي ، البكتريا هتتكاثر بداخل هالمسام و تبدي تتكون الحبوب والرؤوس البيضاء. و كمان الاتربه والجلد الميت والاوساخ والدهون الي بداخل المسام هتأكسد فا تتحول الى رؤوس سوداء.

ايه اكثر اماكن ممكن يكون فيها رؤوس سوداء فى بشرتى ؟!

اكثر اماكن معرضة للرؤوس السوداء هى الانف و الدقن و ساعات منطقة الخدود لانها اكثر اماكن بيتكون فيها الدهون و المسامات بتكون واسعة فيها و بتلم الاتربة بسهولة .

طيب ايه هو الماسك السحرى ده !!

المكونات :

علبة جيلاتين ناشف و يكون من غير عطور خالص و لا نكهات .
معلقتين تلاتة لبن بأى نسبة دسم .

جيلاتين ناشف
جيلاتين ناشف

الطريقة :
هنمزج معلقة من الجيلاتين مع تلات معالق لبن لحد ما يعملوا عجينة و نحطهم فى الميكروييف 10 ثوانى و لو هتستعملى البوتاجاز العادى هنحط الخليط فى وعاء و نحطه فى طاسة فيها مياه مغلية و نقلبه و بعدين نشيله و بسرعه نحطه على وشنا.

طريقة الغلى
طريقة الغلى

هنسيبه على المنطقة اللى فيها الرؤوس السوداء لمده 15 دقيقة لحد ما ينشف و يبقى ماسك على الجلد و بعدين نبدأ بتقشيره و هتلاقوا كمية اتربة و رؤوس سوداء كبيرة جدا طلعت فى الماسك و هتبهركوا بجد النتيجة و يعتبر ماسك طبيعى مفهوش اى اضرار و ممكن نعمله مرة او اتنين فى الاسبوع .

الماسك
الماسك

شوفي كمان 5 وصفات طبيعية للتخلص من الرؤوس السوداء

5 وصفات لمشكلة مسام الوجه الواسعة

خريطة حب الشباب على الوش ممكن تقولك ايه عن صحتك!

مقالات متعلقه

مكون واحد بس لمنع علامات الشيخوخة

مكون واحد بس لمنع علامات الشيخوخة

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه