امبولات الكولاجين فوايدها وأضرارها!
امبولات الكولاجين من الحاجات اللي انتشرت جدا في عالم التجميل لفوايده الكتير جدا على البشرة النهاردة هنعرف مع بعض ايه هو الكولاجين؟ ونتعرف على فوايده وهل ليه اضرار ولا لا ؟
– اولا تعالوا نعرف مع بعض ايه هو الكولاجين او عبارة عن ايه:
الكولاجين هو بروتين طبيعي موجود في الجسم تقريبا بنسبة 30% من البروتينات الموجودة في جسمنا الجلد بينتجه باستمرار وبيساعد على الحفاظ على صحة البشرة وبيحميها من التجاعيد وبيمنع الترهل, لكن انتاج الكولاجين بيبدأ يقل من الجسم مع التقدم في العمر عشان كده الجلد بيبدأ يظهر فيه التجاعيد والترهلات, كمان انخفاض نسبة الكولاجين بتأثر على الشعر وهو ده اللي بيخلي الشعر يفقد لونه ويبدأ يظهر عندنا الشعر الابيض , وبيأثر كمان على المفاصل والعضم والصحة بشكل عام.
– فوايد امبولات الكولاجين للبشرة:
- بيحافظ على صحة البشرة وبيمنع ظهور التجاعيد وبيحافظ على شبابها لان البشرة طبيعي مع التقدم في السن بتفقد رطوبتها ومرونها وبيظهر فيها التجاعيد الكولاجين بيساعد البشرة انها تحافظ على مرونتها وبيمنع ظهور التجاعيد.
- مع الوقت بتظهر خطوط على البشرة بسبب تعابير الوش وبسبب اشعة الشمس الكولاجين بيساعد ان يملى خطوط البشرة وبيعالج التجاعيد وترهلات الجلد.
- كمان بيعالج اثار الجروح خصوصا الاثار والندبات اللي بتكون نتيجة حب الشباب الكولاجين بيساعد على ازالتها تماما من البشرة.
- بيساعد كمان على تفتيح البشرة وبيديها لون وردي طبيعي.
- بيعالج الهالات السودا تحت العين. شوفي هنا كمان وصفات طبيعية لمعالجة الهالات السودا.
- كمان بيقوي الضوافر جدا وبيخليها صحية ويمنع تكسرها.
- مفيد جدا كمان للشعر بيقوي بصيلات الشعر ويمنع سقوطه وبيخلي الشعر بيلمع وصحي.
– هل الكولاجين ليه اضرار اكيد بعد كل الفوايد دي كلنا هنسأل هل ليه اضرار ولا لا؟
لحد دلوقتي مافيش اضرار ظهرت لاستخدام الكولاجين ولكن لازم نتأكد انه الكولاجين اللي بنستخدمه اصلي لان للاسف انتشرت بالسوق انواع كتير مش مضمونة ومش معروف مصدرها عشان كده لازم نجيبه من مصدر مضمون لان لو نوع مغشوش ممكن يسبب لنا مشاكل في بشرتنا بدل ما يحلها, عشان كده بننصحك من الافضل انك تستخدميه تحت اشراف دكتور جلدية هو هيديكي الانواع المضمونة وهيحدد لك الكمية اللي انتي محتاجها وتاخديها لمدة قد ايه.
– في كمان طرق طبيعية نقدر نزود بيها الكولاجين في الجسم تعالوا نعرفها مع بعض:
- من اول الطرق الطبيعية هي الميه من اهم الحاجات اللي بتحافظ على الكولاجين الطبيعي في الجسم وبتجدد خلايا البشرة عشان كده دايما نسمع خبراء التجميل بيركزوا على شرب المية لصحة البشرة والشعر وبينصحوا بشرب 8 كوبايات مية في اليوم.
- الخضار مفيد جدا للبشرة لان في مواد مضادة للاكسدة بتحافظ على صحة البشرة وبتحميها من اعراض الشيخوخة والتجاعيد وخصوصا الخضار اللي لونه احمر زي الطماطم والبنجر والفلفل الاحمر, كمان الجزر لان فيه فيتامين سي وبيعوض نقص بروتين الكولاجين ممكن تشربي كل يوم كوباية عصير جزر او تدخليه في ماسكات طبيعية للبشرة, ومن الخضار المفيد كمان اللي بيزود نسبة الكولاجين السبانخ واللفت.
- الثوم من اكتر الحاجات اللي بتزود انتاج الكولاجين في البشرة لان فيه مادة الكبريت واحماض طبيعية بتعالج تلف البشرة وبتحافظ على جمالها عشان كده حاولي تستخدميه بشكل يومي في الاكل او تحطيه مع السلطة.
- الصويا اثبتت دراسات كتير انه فعال جدا في زيادة انتاج الكولاجين في البشرة لان فيه مواد مضادة للاكسدة والمواد دي بتحمي البشرة من التجاعيد وعلامات الشيخوخة عشان كده حاولي انك تدخلي الصويا في نظامك الغذائي سواء تشربي لبن الصويا او تاكلي الجبنه اللي معمولة من فول الصويا او فول الصويا نفسه.
- الاسماك اللي فيها اوميجا 3 زي التونة والسلمون فيها كمية كبيرة من الكولاجين.
- في كمان فواكه بتزود نسبة الكولاجين وبتساعد في اعادة تكوينه في الجسم منها البرتقان والليمون والجريب فروت لانها غنية بفيتامين ج.
شوفي كمان 8 حاجات غير متوقعة ممكن تأثر على جمال بشرتك !
