إزاي تخلي عيونك اجمل واحلي طبيعيا؟

يسرا خالد
يسرا خالد
في
صحة
32052

العيون وجمالها ..هى اول حاجة بتكون واضحة فى وشنا وأول حاجة لما بنيجي نكلم حد دايما بيركز فيها .. والعناية بيها من اساسيات اهتمامنا  بجمالنا عشان كده لازم تحرصى ان عينيكى تبان جميلة و صحية و مضيئة علاطول . ساعات عيوننا بتتأثر بالارهاق و قلة النوم و لخبطة الاكل و بتبان مطفية من غير ما نحس . جايبنلكم النهاردة وصفات ونصايح هتساعدكم على التغلب على المشكلة دى تعالوا اعرفوا معانا نصائح للحصول على عيون صحية و جميلة ..

نصائح للحصول على عيون جميلة و صحية
نصائح للحصول على عيون جميلة و صحية

التغذية :

الغذاء الصحى دوره مهم جدا عشان نحافظ على جمال عيوننا و ان احنا نحافظ على نسبة الزنك و فيتامين اى و ايه و سى بيقلل بنسبة 35% من اصبات عيوننا بالامراض .

طيب ايه الاكل المفيد عشان احافظ على جمال عينيه ؟

1 – الفاكهة اللى مليانة فيتامين سى زى البرتقال و الليمون و المانجا و الفراولة .
2 – الخضروات اللى فيها فيتامين أ زى الجزر و البابايا و السبانخ .
3 – الاكل اللى غنى بالزنك زى الزبادى و الحبوب و الفراخ و الديك الرومى .
4 – المكسرات زى اللوز و حبوب عباد الشمس اللى مليانين بفيتامين اى.

طيب وايه اللي مفروض اعمله ايه عشان عينيه تبان اجمل واحلي؟

– لازم تنامى مش اقل من 8 ساعات فى اليوم .
– لازم تحرصى على التمرينات عشان الرياضة بتوصل الدم للعيون و بالتالى الاكسجين اللى بيساعد على نضارتها .
– تجنبى انك تفركى فى عنيكى طول اليوم و استخدمى القطن فقط انك تنضفيها او تمسحى منها المكياج .
– متناميش من غير ما تمسحى مكياج عنيكى عشان تحت عنيكى ميبقاش اسود و تظهر الخطوط الرفيعة .
– البسى نظارات فى وقت الشمس الزيادة فى الصيف عشان تحافظى عليها من الاشعة الفوق بنفسجية .

ايه الوصفات اللى ممكن احافظ بيها على جمال عنيا ؟

الفراولة :

الفراولة المجمدة من احسن انواع مضادات الاكسدة و مضادات التجاعيد و من اهم الحجات اللى ممكن تشيل الارهاق من العيون و تديها ضى و تنورها بشكل جميل . هتسيبى الفراولة تتجمد فى التلاجة و بعدين تقطعيها شرائح صغيرة و تسيبيها تحت عنيكى 5 دقائق و بعدين تغسلى وشك و تحطى كريم ترطيب . الفراولة هتساعد ان الجلد اللى حوالين عنيكى يبان اصغر و انعم و بالتالى هيخلى شكل عنيكى جميل و على الفكرة الفراولة موجودة كمكون اساسى فى معظع كريمات العيون اللى بنشتريها .

فراولة
فراولة

اللبن :

اللبن الساقع يعتبر عنصر رئيسى فى تفتيح و تنوير البشرة خصوصا الجلد الرقيق اللى حوالين العيون و بيقلل من شكلها المرهق . هنجيب كوب لبن ساقع جدا يدوب قبل ما يتجمد و نحط جوه الكوب قطع قطن و ننقعهم فيه شوية لمدة دقيقة و بعدين نسترخى و نقفل عنينا و نجيب قطع القطن دى و نسيبها على عنينا لمدة ربع ساعة و بعدين نغسل وشنا و نرطبه .

لبن
لبن

النعناع :

ورق النعناع اصبح عنصر مشهور جدا للعناية بالبشرة و كان بيستخدموا الهنود القدماء للحفاظ على جمال عنيهم دايما و استعماله هيساعدك على الحصول على عنين براقة جذابة طول اليوم و مش هتحتاجى اى كريمات ترطيب بعده . هتجيبى شوية ورق نعناع و تطحنيه كويس و تزوديله شوية مياه و بعدين نزودلهم قطرات زيت لوز و عسل ابيض و نحط الخليط حولين عنينا كانه كريم و ننام بيه و نغسله الصبح .

نعناع
نعناع

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

نصايح لصيام صحي في رمضان

نصايح لصيام صحي في رمضان

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك