13 حيلة مكياج بالمعلقة ! ياللا نتعرف عليهم

ريهام محمود
ريهام محمود
في
مكياج
18124

13 حيلة مكياج بالمعلقة ! كلها حيل بسيطة وسهلة بس مفيدة جدا لمشاكل مكياج كتير بتقابلنا .. يعني بعد كده مش هنستخدم المعلقة للاكل بس لا هنعمل بيها مكياجنا كمان :)

ياللا تعرف حيل المكياج مع بعض بالتفصيل!

  • عشان نتخلص من الانتفاخات تحت العين نجيب معلقتين ونحطهم في الفريز بالليل ونسيبهم لحد الصبح وبعدين بضهر المعلقة نمررها تحت العين من جوه لبره مع ضغط خفيف, الطريقة دي هتخلصك من الانتفاخات تحت العين والميزة في الحيلة دي انها سريعة يعني لو عندك مناسبة او خارجة وعندك انتفاخات الطريقة دي هتخلصك منها بشكل سريع.
عشان نتخلص من الانتفاخات
عشان نتخلص من الانتفاخات
  • لكل البنات اللي بيعانوا من رسمة الايلاينر ومش بيعرفوا يرسموها النهاردة جيبنالك حيلة سهلة جدا هتساعدك ترسمي رسمة ايلاينر عين القطة مظبوطة, هتجيبي معلقة وتحطي ايد المعلقة عند الزاوية الخارجية للعين من تحت وابدأي ارسمي خط الايلاينر اللي تحت, وبعدين عشان ترسمي الخط اللي فوق خلي الناحية الداخلية للمعلقة عند زاوية العين من فوق وارسمي الخط المنحني اللي فوق, بعد كده املي الفراغ بالايلاينر وكملي باقي الرسمة عادي هتبقى سهلة بعد كده.
حيلة مكياج بالمعلقة لرسم الايلاينر
حيلة مكياج بالمعلقة لرسم الايلاينر
  • عشان تتجنبي تلطيخ منطقة تحت العين لما تيجي تحطي الماسكارا على رموشك من تحت, تجيبي معلقة وتخلي الناحية الداخلية للمعلقة ناحية العين وتحطيها تحت الرموش وتطبقي الماسكارا على رموشك عادي المعلقة في الحالة دي هتحمي منطقة تحت العين انها تتلطخ بالماسكارا, وممكن تعملي نفس الطريقة مع الرموش اللي فوق كمان.
حيلة مكياج بالمعلقة لوضع الماسكارا
حيلة مكياج بالمعلقة لوضع الماسكارا
  • لو علبة البلاشر بتاعتك وقعت والبلاشر اتكسر ممكن ترجعيه زي الاول بانك تحطي عليه كام نقطة كحول وتجيبي معلقة وتبدأي تضغطي عليه وتساويه وبعدين تسيبيه لحد ما ينشف هتلاقي البلاشر رجع سليم زي الاول بالظبط, والطريقة دي ممكن تطبيقها على اي مكياج مضغوط عندك اتكسر.
حيلة مكياج بالمعلقة لاصلاح البلاشر
حيلة مكياج بالمعلقة لاصلاح البلاشر
  • ممكن تستخدمي المعلقة عشان تدي الرموش حجم اطول هتجيبي المعلقة وتخلي ضهر المعلقة لجوه والناحية المجوفة في اتجاه الرموش وتبدأي بصوباعك تضغطي على الرموش في اتجاه المعلقة وتطبقي الطريقة على الرموش اللي فوق واللي تحت, وممكن عشان نتيجة احسن تدفي المعلقة بسيط جدااا بالسيشوار وتطبقي الطريقة هتديكي طول طبيعي لرموشك حلو جدا.
حيلة مكياج بالمعلقة لحجم رموش اطول
حيلة مكياج بالمعلقة لحجم رموش اطول
  • عشان تظبطي حواجبك وترسميهم على شكل قوس, هتجيبي المعلقة وتخلي الناحية الداخلية ناحية العين تحت الحاجب وتبدأي ترسمي الحاجب على المنحنى بتاع المعلقة وبعدين تملي الفراغات.
حيلة مكياج بالمعلقة لرسم الحواجب
حيلة مكياج بالمعلقة لرسم الحواجب
  • ممكن تعملي روج بنفسك من اي لون ايشادوا عندك تجيبي معلقة وتحطي عليها شوية فازلين وبعدين تخلطي معاه اي لون ايشادوا تختاريه وتخلطيهم كويس مع بعض بفرشة او بصباعك وتطبقي اللون على شفايفك بالفرشة.
حيلة مكياج بالمعلقة لعمل روج
حيلة مكياج بالمعلقة لعمل روج
  • لكل البنات اللي مش بيعرفوا يرسمو الكونتور تقدري بالمعلقة تظبطي رسمة الكونتور بسهولة, تجيبي المعلقة وخلي التجويف الداخلي للمعلقة ناحية جوه على عظمة الخد وابدأي رسم خط الكونتور تحت المعلقة.
حيلة مكياج بالمعلقة لرسم الكونتور
حيلة مكياج بالمعلقة لرسم الكونتور
  • ممكن تعملي تصميم للمانيكير انك تجيبي معلقة وتحطي عليها نقط من المانيكير من اي لونين تختاريهم وتلخبطيهم مع بعض بدبوس بطريقة عشوائية وبعدين تحطي ضافرك على اللون هتلاقي التصميم طلع عندك على الضافر, وبعدين في الاخر نضفي اي مانيكير حوالين الضافر بالاسيتون.
حيلة مكياج بالمعلقة لعمل تصميم مانيكير
حيلة مكياج بالمعلقة لعمل تصميم مانيكير
  • ممكن كمان تستخدمي المعلقة كبالتة الوان انك تحطي عليها الالوان اللي انتي عايزاها عشان ترسمي ضوافرك بالفرشة, الطريقة دي هتسهل عليكي الموضوع جدا.
حيلة مكياج بالمعلقة واستخدامها كبالتة الوان
حيلة مكياج بالمعلقة واستخدامها كبالتة الوان
  • عشان تمنعي المانيكير انه يلطخ الجلد حوالين الضوافر حطي معلقة تحت الضافر وانتي بتحطي المانيكير بالطريقة دي هتحمي الجلد انه يتلطخ باي مانيكير.
حيلة مكياج بالمعلقة لحماية الجلد من التلطيخ بالمانيكير
حيلة مكياج بالمعلقة لحماية الجلد من التلطيخ بالمانيكير
  • لو عندك اي كدمة على الرقبة او الوش ممكن تخففي من حجمها باستخدام المعلقة, حطي معلقة في التلاجة شوية وبعدين حطي الناحية الخارجية للمعلقة على الكدمة وافركيها هتلاقي اثار الكدمة اختفت لانها هتساعد في التخلص من تجمع الدم.
حيلة مكياج بالمعلقة لعلاج الكدمات
حيلة مكياج بالمعلقة لعلاج الكدمات
  • اخر حيلة معانا وهي حيلة قديمة كانت بتستخدم للتخلص من الحبوب بسرعة, تجيبي كوباية وتمليها ماية دافية وتحطي فيها المعلقة لمدة دقايق, اتأكدي الاول ان المعلقة مش سخنة اوي عشان متحرقش بشرتك يادوب بس تبقى دافية وبعدين تحطي الناحية الخارجية للمعلقة على مكان الحبوب وتسيبي المعلقة على الحباية لحد ما تبرد.
حيلة مكياج بالمعلقة لعلاج الحبوب
حيلة مكياج بالمعلقة لعلاج الحبوب

مقالات متعلقه

7 حيل مكياج محتاجة تعرفيهم هتحسن مكياجك

7 حيل مكياج محتاجة تعرفيهم هتحسن مكياجك

خدعة فعالة بالآيلاينر ترفعي بيها الجفون المترهلة في 3 ثواني

خدعة فعالة بالآيلاينر ترفعي بيها الجفون المترهلة في 3 ثواني

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا