ازاى تكسب قلب انثى برج الجدى؟!

ازاى تكسب قلب انثى برج الجدى؟!

بقلميسرا خالد فيبرج الجدي visibility28390

انثى برج الجدى تعتبر شخصية قوية، بتحارب الصعاب ودايما بتعمل كل حاجة تقدر عليها عشان تتخطى كل الحواجز عشان توصل لهدفها وتحقق طموحاتها واحلامها اللى ملهاش حدود و محدش بيقدر يوقفها عنها ابدا …دايما غيرها  من الناس اللى حواليها بيحسدها على قوة شخصيتها واصرارها ومهاراتها في القيادة وتفوقها العلمي والعملي او الشخصي، شخصية جد جدا تقدر تواجه اي احباط او مشكلة بتقابلها بمنتهى الحزم و القوة و عشان تقدر تكسب شخصية زى دى لازم ليها تكتيك معين اكيد ! تعالوا اعرفوا معانا ازاى تكسب قلب انثى برج الجدى …

ازاى تكسب قلب أنثى برج الجدى
ازاى تكسب قلب أنثى برج الجدى

1 – النجاح و العملية :

اكثر طريقة فعالة لجذب انثى برج الجدى هى انك تقرب لذكائها و تفكيرها العملى اظهر قدامها انك شخص ناجح و مؤثر فى الاخرين و هى هتكون منبهرة بشخصيتك جدا و حاول تعرفها على علاقاتك و ناس كثير دايما .

2 – الطموح :

عشان تأثر على قلب انثى برج الجدى لازم تحس انك شخص ناجح و ليك طموحاتك و احلامك اللى بتسعى دايما لتحقيقها و انك بتشتغل دايما و مش بتلعب و تضيع وقتك فى تفاهات و انك بتحقق ذاتك و مستقبلك باهر قدامك .لأن هي نفسها طموحها كبير ولازم تحس إن فيها بنكم تشابه وحاجات مشتركة عشان تطمنها وتثق فيك.

3 – الجرأة :

البنات فى البرج ده من الصعب جدا انهم يبينوا مشاعرهم لحد عشان كده بنجذبوا للرجل الجرىء اللى بيصارحهم بمشاعره و دايما ياخد هو الخطوة الاولى و لكن برده من غير ما تضغط عليها او تخوفها و تبعدها لانك لو ضغط عليها ممكن تخسرها للابد. امرأة الجدي صعب إنها تاخد أي قرار في حياتها إلى لما تكون جاهزة ومتأكدة فما بالك بقي بقرارات الارتباط؟! لازم يكون عندك صبر وطولة بال عشان تقدر توصل لقلبها..

4 – غازل ذكائها:

مش كل تكتيكات المغازلة تنفع لأنثي الجدي.. بلاش المغازله الصريحة عشان ممكن تخجل قوي منها وكمان خلي بالك من أي تعليق وقح لانه مش ده الإسلوب الأمثل معاها.. هي كمان بتكره إن حد يهزر معاها بشكل يهينها أو يسخر منها فتنجب ده تماما… و انت بتتناقش معاها حاول تكلمها فى مواضيع مهمة و شيقة عشان تشغل تفكيرها و تجذب ذكائها حاول تتكلم معاها فى السياسة و الاقتصاد و القضايا العامة اللى بتحصل و هى هتقربلك جدا.. بمعني أصح غازل ذكائها..

5 – بلاش تسرع :

لو عايز بنت من برج الجدى تحبك بلاش تتسرع و تكلمها من اول ما تعرفها لان البنات فى البرج ده بياخدوا وقت عشان يفكروا و يقرروا و يستريحوا للى قدامهم و بيحبوا جدا الرجل اللى بيقدرهم و يحترمهم و ميتسرعش فى مشاعره و لا يستخف بمشاعرهم .حاول تكون صديق ليها و انتهز الفرصة انك تضحكها دايما .

اخر حاجة بقي مش محتاجين نقول إن من اهم المفاتيح لقلب أي بنت هو الأهتمام والحنية.. وإن ده من الأساسيات عشان تقدر تستحوذ علي اهتمامها وتسلملك حياتها.

طبعا المشاعر دي حاجة مش بإيدينا يعني مش شرط انك تنفذ الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل بنات برج الجدي، لكن دي محاولة مننا عشان نفهمك طبيعة انثي الجدي وتخليك تتعامل معاها بالشكل المناسب. أهم نصيحة من بنات حوا عشان تكسب قلب أي بنت هي إنك متمثلش وإنك تخليها تنجذب لشخصيتك الفعلية مش شخصية إنت بس بتعيشها عشان تجذبها ليك, لانك غصب عنك وبعض فترة هترجع لشخصيتك الأصلية ووقتها ممكن تحصل مشكلة كبيرة لما تحس إن مش ديه الرجل اللي هي حبته …