نصايح العناية بالشعر في الشتا!

ريهام محمود
ريهام محمود
في
شعر
6557

هقولكم النهاردة طريقة العناية بالشعر في فصل الشتا بشكل خاص لانه برودة الجو في الفصل ده بتسبب جفاف الشعر ده غير اننا بنكون طالعين من الصيف والشعر بيكون تالف من حرارة الجو والرطوبة وتعرضه للشمس او ملح البحر.عشان كده الشعر بيكون محتاج عناية خاصة الفترة دي عشان نعالج كل اثار الصيف و طرق العناية بالشعر في الشتا.

هقولكم شوية نصائح بسيطة وفعالة جدا عن العناية بالشعر في الشتا :

  • اول حاجة لازم نحاول نقص اطراف الشعر كل فترة عشان نتخلص من الاطراف المتقصفة لاننا لو سيبناها هيبدأ التقصف يبقى في الشعر كله عشان كده ضروري جدا نقص الاطراف بانتظام.
  • تاني حاجة نختار الشامبو المناسب لشعرنا يعني الشعر الجاف نستخدم له شامبو للشعر الجاف ولو شعرك دهني اختاري شامبو للشعر الدهني لانه احيانا بنقع في غلطة استخدام شامبو لكل أنواع الشعر أو للشعر العادي مثلا.. بس ده بيضر شعرنا لان كل شامبو بيكون فيه مكونات مختلفة عن التاني مناسبة لكل شعر, وبالنسبة للشعر المصبوغ استخدمي شامبو خاص للشعر المصبوغ او الشامبو الخاص بالشعر الجاف لان بيكون فيهم مكونات مغذية ومفيدة للشعر وبتعيد للشعر رطوبتة بعد الصبغة.
  • وبالنسبة لبلسم الشعر هو مهمته الاساسية تنعيم وترطيب الشعر لكن مش بيغذية, عشان كده لما تستخدميه متحطيهوش على فروة الرأس حطيه على الشعر بس بعيد عن الفروة, لانك لو حطتيه على فروة الرأس ده بيغطي جذور الشعر ويخلي عليه دهون كتير زيادة عن اللزوم والشعر بعدها يتساقط.
  • احرصي انك تغسلي الشعر كويس بانتظام عشان تنضفي فروة الراس وتديه فرصه يتنفس بس مش اكتر من مرتين في الاسبوع عشان تسيبي الشعر يتغذي من الدهون الطبيعية اللي بتفرزها فروة الرأس.
  • بعد غسل الشعر الافضل تحطي عليه كريم مرطب مناسب لشعرك لان ده بيعمل زي طبقة عازلة بتحميه من الجو.
  • حاولي تستخدمي مره في الاسبوع ماسك مغذي مناسب لشعرك.
العناية بالشعر في فصل الشتاء
العناية بالشعر في فصل الشتاء

من افضل الزيوت المفيدة والمغذية للشعر هي زيت جوز الهند, وزيت اللوز, وزيت الزيتون.

ممكن تستخدمي زيت الزيتون كماسك للشعر بس ادهني شعرك وفروة الرأس كويس بالزيت وغطيه بطاقية او كيس وسيبيه نص ساعة على شعرك وبعدين اغسلي شعرك بالشامبو, وبالنسبة لزيت جوز الهند وزيت اللوز تطبقيهم على شعرك بنفس الطريقة, وممكن كمان تعملي خلطة زيوت منهم هما التلاتة وحطيها على شعرك كمان بنفس الطريقة مع الاستمرار على الوصفة هتفرق معاكي جدا وهتحسي شعرك بقى انعم.

مقالات متعلقه

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

طريقة ازالة وصلات الشعر بسهولة بحيلة بسيطة

طريقة ازالة وصلات الشعر بسهولة بحيلة بسيطة

افضل زيوت لعلاج اطراف الشعر المتقصفة

افضل زيوت لعلاج اطراف الشعر المتقصفة