معالجة الحبوب فى المناطق الحساسة
كثير مننا بيشتكى من الحبوب و البثور و الالتهابات اللى بتظهر بعد ازالة الشعر أيا كان الطريقة اللى بنستخدمها و حتى لو جلدنا مش حساس ساعات بنواجه المشكله دى و زى ما اتكلمنا قبل كده فى بنات حوا عن ازاى نحافظ على نظافة المنطقة الحساسة و نتجنب ظهور الحبوب انهارده بناء على طلبكم هنتكلم عن ازاى نتخلص منها بطرق طبيعية و نقلل من ظهورها . تعالوا اعرفوا معانا طرق طبيعية لمعالجة حبوب المنطقة الحساسة ….
1- البيكينج صودا :
تعتبر حل سهل و متوفر عندنا كلنا و فائدتها كبيرة لانها مضادة للالتهابات و بتمنع اى تهيج فى الجلد و بتساعد على تهدئة الجلد و قفل المسام . ممكن نستعملها كحل للمشكلة بالطريقة دى :
هنجيب كوب مياه و نخلط فيه معلقة بيكينج صودا و نعمل خليط و نبدأ نوزعها على المنطقة اللى فيها حبوب و نسيبها 5 دقائق و بعدين نشطفها بمياه ساقعة عشان نساعد فى قفل المسام و ممكن نكرر العلاج ده مرتين فى اليوم لحد ما الاحمرار يهدى .
2 – الصبار او جيل الالوفيرا :
له خصائص مضاده للجراثيم وبيقلل احمرار وتهيج الجلد ، وبيساعد علي الشفاء من الجروح لان من مكوناته حاجة اسمها لاكتات المغنيسيوم اللى تساعد على تخفيف الإحساس بالحكة – الهرش و فعالة في علاج الطفح الجلدي . الجل ده متوفر فى الصيدليات بأنواعه المختلفة و اسعاره المعقولة جدا و يعتبر مكون طبيعى مفهوش اى حاجة كيميائية . ممكن كمان لو متوفر عندك نبتة الصبار نفسها و نقطعها و نستخرج منها الجل او السائل ده اللى بيكون موجود جواها جاهز .الصبار كمان متوفر فى شكل صابونة بالصيدلية .
الطريقة : هنغسل المنطقة المصابة كويس و ندهن الجل و ننام بيه و نصحى تانى يوم نغسله و هنحس بفرق و ترطيب عالى و هدوء فى البشرة و عل فكرة ممكن نستخدمه للحبوب اللى فى الوش كمان او اى منطقة فى الجسم .
لو عندك هلام او جل الصبار نفسه من النبات ممكن نخلطله نقط عصير ليمون عشان نزود المفعول و نعمل نفس الطريقة و نغسله الصبح .
اما الصابونة صابون الصبار العضوي مرتين في اليوم بيساعد علي الحد من حب الشباب والحفاظ على جلد نظيف . و نتتأكد من أن الصابون بيحتوي على الجليسرين كمان قبل ما نشتريه .
3 – صابون الغار:
يحتوي صابون الغار على مواد طبيعية بيتكون من مجموعة من الزيوت الاساسية اللي بتستعمل في الأغلب للمناطق الحساسة. و مش بيستعملوا مواد صناعية أثناء انتاجه. ومن أهم مكوناته زيت الزيتون، زيت الحبة السوداء، وزيت النخيل، وزيت بذور القطن، وغيرها من الزيوت التانية. ممكن نشتريه من بعض الصيدليات او من العطار . الصابون ده بيحمى من حب الشباب و كمان بيفتح جدا المنطقة الحساسة لانه بيخلصك من خلايا الجلد الميتة .
ممكن نستعملع عادى زى الصابون و ننظف بيه المنطقة الحساسة او هنجيب زجاجة ماء ورد وكوب مياه وقطعة صابون الغار ونقوم ببشر الصابونه واضافة ماء الورد و نقوم باضافة الماء و نسيبه للصبح و بعدين نخلطه تانى فى الخلاط و بعدين نحطه فى عبوه للاستخدام و فى طريقة تانية لاستخدام صابون الغار فى تبييض البشره و تقلبل الاحمرار و الحبوب وهي ان احنا نجيب صابون الغار ونبشره فى اناء ونضيف اليه زيت الزيتون وماء الورد مع زيت اللوز المر وزيت الخروع ونقوم بالخلط و بعدين وضع الخليط على الجسم و نسيبه على الجسم لمده لاتقل عن ساعتين و نفرك الجسم بالملح والليمون .
ملحوظة : لو الحبوب مستعصية او بتزيد او بتسببلك الام او نزيف لازم تستشيرى الطبيب او تستخدمى كريمات علاجية ممكن تجيبيها من الصيدلية بسهولة .
