حقائق علمية عن المرأة تعالوا نعرفها مع بعض!
حقائق علمية عن المرأة يمكن هيكون في منها حاجات اول مره نعرفها … في دراسات كتير اتعملت عن المرأة استنتجوا منها شوية حاجات عن تكوين وشخصية المرأة , ومش بس كده كمان الاختلافات السلوكية والبيولوجية بين المرأة والرجل.
تعالوا مع بعض نتعرف علي حقائق علمية عن المرأة:
- من اول الحاجات اللي اثبتتها الدراسات ان النمو عن المرأة اسرع من الرجل, يعني البنت الصغيرة ما بين 11 و12 شهر تبدأ تمشي , ولكن الموضوع بيختلف وبيتأخر شوية عند الولد بيبدأ يمشي من سن 12 او 14 شهر.
- الدراسات اثبتت ان المرأة بتتحمل التعب والارهاق اكتر من الرجل والسبب في ده ان جهاز المناعة عند المرأة اقوى من الرجل وده بيحميها من الامراض وبيساعدها على تحمل التعب والارهاق بشكل اكبر من الرجل بكتير.
- المرأة ممكن تتعرض للاكتئاب اكتر من الرجل وده بسبب ان هرمون الاستروجين اللي بيساعد في افراز مادة السيروترين ودي المادة المسئولة عن الحالة النفسية بيتم افرازها عند المرأة بطريقة مختلفة عن الرجل وده بيخليها تتعرض للاكتئاب اكتر من الرجل.
- المرأة بتتميز عن الرجل انها بتقدر تفسر تعبيرات الوجه اكتر من الرجل , وعندها قدرة عجيبة انها تحس بمشاعر الخوف او الحب او الكره وغيرها من المشاعر ودي يمكن اللي بنسميها الحاسة السادسة موجودة عند اي ست.
- بتتميز المرأة كمان عن الرجل ان ليها اذن موسيقية وحس فني اعلى من الرجل.
- من الحاجات اللي اثبتتها الدراسات كمان هي ان حاسة اللمس عن المرأة اقوى بكتير من الرجل, ومش بس حاسة اللمس كمان حاسة الشم اقوى بكتير عن المرأة عن الرجل.
- علامات كبر السن والتجاعيد بتبان على المرأة بشكل اسرع من الرجل وده بسبب ان سمك بشرة المرأة اقل من سمك بشرة الرجل عشان كده بتتأثر بشكل اسرع.
- ومن الحاجات الغريبة اللي اكتشفتها الدراسات ان المرأة بتستيقظ اكتر من مرة عن الرجل خلال ساعات الليل, وكمان بتجيلها كوابيس اكتر من الرجل.
- كمان من الحاجات اللي بتتفوق فيها المرأة عن الرجل انها ممكن تتعلم اللغات بشكل اسرع عن الرجل, وكمان متفوقة عليه في التخصصات العلمية, لكن الرجل ممكن يتقوق على المرأة في الرياضة بس.
- ومن الحقائق اللي اثبتتها الدراسات ان المرأة بتعتذر بسهولة اكتر من الرجل, وطبعا دي حاجة معروفة دايما الست هي اللي بتاخد مبادرة الاعتذار في كل الاحوال يمكن عشان عاطفية بشكل اكبر من الراجل, عشان كده اغلب الرجالة مش بيعتذروا بسهولة.
- اتثبت كمان من الدراسة ان وزن مخ الرجل اكتر من مخ المرأة لكن بنسبة قليلة.
- ولكن الغريب بقى اللي اثبتته الدراسات ان الراجل بيتكلم اكتر من الست مع انه دايما يقولوا على الست انها بتتكلم كتير “ورغاية” لكن الدراسات اثبتت العكس تماما ان الراجل بيتكلم اكتر ما بيسمع.
حابين نوضح إن ديه معمولة علي عينة وطبعا الكلام لا ينطبق بنسبة 100% علي الستات أو الرجالة.. وبعد الحقائق دي كلها بقى واضح ان الدراسات انصفت المرأة عن الرجل وطلع عندنا مميزات كتير عن الرجالة :)
