وصفات للبشرة من الشاى الاخضر !
الشاي الأخضرمعروف بفوائد صحية مختلفة و كتيرة لانه بيحتوي على نسبة هائلة من مضادات الأكسدة اللى تساعد على تقليل مخاطر الإصابة بأنواع السرطان، الوقاية من انسداد الشرايين والأوردة وخفض ارتفاع مستويات الكوليسترول فى الدم وطبعا كلنا عارفين اهميته فى التخسيس و القضاء على الدهون.
بس معظمنا مبيعرفش فوايد تانية للشاى الاخضر وعن اهميته للجمال والبشرة.. . انه بينقي البشرة, بيشيل البقع السودة, بيقضي على الانتفاخات اللي تحت العين وبيأجل ظهور التجاعيد … طبعا ديه كلها فوايد مهمة قوي لبشرتنا وكلنا بنحتجها عشان جمال وشنا ونضارته.. عشان نوصل للنتايج ده من الشاي الأخضر بيبقي ليه طرق استعمال تانية غير إننا نشربه زى الشاى العادى …
هنا فى المقال ده هتعرفى استخدامات و وصفات للبشرة من الشاى الاخضر … يلا نبدأ؟
خلطة الشاي الأخضر لازالة التصبغات والبقع:
لازالة البقع السوداء من بشرتك، أخلطي ملعقة من اللبن مع ملعفة تانية من عصير الليمون.
وأضيفي ليهم ملعقتين من الشاى الاخضر المغلى المركز.
ضيفى الشاى لخليط اللبن و الليمون و قلبى لحد ما تمتزج المكونات ببعضها.
حطى الخليط على البشرة لمدة 15 دقيقة، بعدها اغسلي وجهك بالماء البارد.
خلطة الشاي الأخضر لتخفيف انتفاخ العينين:
للتخلص من إنتفاخ العينين، هتحتاجى كوباية من الشاي الأخضر و حطيها في الثلاجة لحد ما يبرد.
بللى قطعة من القطن في الشاي الأخضر وحطيها على عينيك لمدة 15 دقيقة مع الاسترخاء.
كرري هذه الخلطة 3 مرات في الاسبوع لنتيجة مذهلة.
خلطة الشاي الأخضر لتنقية البشرة:
للحصول على بشرة نقية خالية من الشوائب، أخلطي ملعقة كبيرة من مسحوق الشاي الأخضر مع بيضة وملعقة كبيرة من العسل و قلبيهم لحد ما تحصلى على مزيج متماسك
حطى الخليط على وجهك لمدة 30 دقيقة.
اغسلى وشك بالماء البارد كويس لحد ما يتم ازلة الخليط كله، و بعدين جففى الوجه بفوطة ناعمة .
كررى الوصفة مرة كل أسبوع ..
خلطة الشاي الأخضر لمنع ظهور التجاعيد:
اخلطي مقادير متساوية من الشاي الأخضر، والشاي الأبيض، مع البابونج الناعم، وأضيفي إليهم القليل من العسل.
حطى الخليط على وشك لمدة نصف ساعة تقريباً،
اغسلى وشك بالماء البارد ، و جففيه بفوطة ناعمة .
كرري هذه الخلطة مرة في الأسبوع ..
للتخلص من حب الشباب نهائيًا و تنقية البشرة من السموم و علشان بشرتك تبقى نضرة وفيها جاذبية ، حضري ماسك الشاي الأخضر بالطريقة دى :
طريقة تحضير ماسك الشاى الاخضر :
اخلطي أوراق الشاي الأخضرالمطحونة مع الحليب والعسل.
اتركى الخليط لمدة 20 دقيقة على البشرة.
اشطفى بشرتك كويس بالماء تنقية البشرة من السموم ويمنحك نضارة وجاذبية.
