العروسة المحجبة اعرفي ازاي تختاري لفة الطرحة المناسبة

بقلمريهام محمود فيموضة وأزياء visibility22145

العروسة المحجبة دايما بتقابلها مشكلة اختيار لفة الطرحة المناسبة,  لان الطرحة بالنسبة للعروسة المحجبة مهمة جدا لانها بتظهر جمال الوش وبتكمل طلتها عشان تظهر في اجمل صورة في ليلة العمر, عشان كده هنقولك النهاردة ازاي تختاري لفة الطرحة المناسبة ليكي , لان كل وش وليه اللفة اللي تناسبه الوش المدور ليه لفه والطويل والبيضاوي وكمان لفة الوش النحيف بتختلف عن الوش المليان وهكذا يعني لما تيجي تختاري اللفة لازم تحطي اعتبارات كتير للاختيار الصح ومش بس كده كمان لفة الطرحة لازم تكون لايقة على ستايل الفستان.

نبتدي الاول مع اللفة المناسبة لكل وش:

  • بالنسبة للعروسة اللي وشها مليان انسب لفه طرحة تليق عليها بتكون لفة الحجاب الكاملة بتلفي تل خفيف حوالين الوش وتكون اللفة على الدقن وتبعدي خالص عن اللفة الاسبانش لانها بتبين عيوب الوش.
لفة الطرحة للوش المليان
لفة الطرحة للوش المليان
  • اما الوش المثلث انسب ربطة طرحة ليه هي اللي بتكون مسحوبة على ورا وممكن تستخدمي فيها التل الكريستال او الاوراجانزا اللفة دي هتديكي استدارة لوشك حلوة قوي, وممكن تحطي تحطي اكسسوار او ورد ورا الودن عشان تديكي استدارة اكتر لوشك.
لفة الطرحة للوش المثلث
لفة الطرحة للوش المثلث
  • بالنسبة للوش الطويل والمربع انسب لفه طرحة ليهم تلبسي باندانا عشان تخففي من اتساع الجبهة , وابعدي عن اللفة العالية لانها هتزود طول الوش .
لفة الطرحة للوش المربع والطويل
لفة الطرحة للوش المربع والطويل
  • الوش الصغير ابعدي عن اللفات الضخمة واختاري ابسط اللفات لانه اللفة الضخمة هتاخد من حجم الوش.

لفة الطرحة

  • وبالنسبة للوش المدور ابعدي عن اللفات الجانبية لانها هتزود من حجم الخدود واختاري لفة تكون عالية, او اللفة المسحوبة لتحت اللي بتكون واخدة شكل ديل حصان .
  • اما بقى الوش البيضاوي ده يعتبر المحظوظ فيهم كلهم لانه بيليق عليه كل لفات الطرح بيناسبه اي لفه من اللي قولنا عليهم .

ودي مجموعة تانية من لفات طرح العروسة المحجبة اللي ممكن تختاري منها اللي يناسبك:

لفة طرحة العروسة المحجبة
لفة طرحة العروسة المحجبة
لفة طرحة العروسة المحجبة
لفة طرحة العروسة المحجبة
لفة طرحة العروسة المحجبة
لفة طرحة العروسة المحجبة
لفة الطرحة
لفة الطرحة
لفة الطرحة
لفة الطرحة
لفة الطرحة
لفة الطرحة

– بالنسبة لانسب انواع الاقمشة لطرحة العروسة هي التل بانواعه زي الكريستال او الستان , ولازم تخلي بالك انه الطرحة تكون داخل فيها من خامة الفستان, لو الفستان خامته من التل لازم تدخلي في لفة الطرحة بتاعتك التل, لو الفستان من الستان لازم الطرحة تدخلي فيها الستان.

– بالنسبة لاكسسوارات الطرحة من الاكسسوارات اللي رجعت موضة تاني بعد ما اختفت فترة هي التاج بكل انواعه واشكاله سواء المرصع  بالماس او اللولي.

ومن الاكسسوارات كمان الموضه جدا للعرايس اللي بتحب الاختلاف وفي عرايس كتير فعلا بدأت تستخدمها هي الورود بيكون تاج ورد على الطرحة شكله مختلف وجديد.

دي مجموعة للتاج الورد على الطرحة ممكن تنفذيها او تاخدي منها افكار وتعملي انتي فكرة حسب اختيارك:

تاج ورد
تاج ورد
تاج ورد
تاج ورد
تاج ورد
تاج ورد
تاج ورد
تاج ورد
تاج ورد
تاج ورد
تاج ورد
تاج ورد
تاج ورد
تاج ورد
تاج ورد
تاج ورد