فوايد زيت السعد لازالة الشعر نهائيا!
اتكلمنا قبل كدة عن الطرق المعروفة لإزالة الشعر نهائيا زي الليزر , النهرده هنتكلم عن موضوع انتشر الكلام عنه في الفترة الاخيرة, هنتكلم عن ” زيت السعد “… الكلام زاد عن فوائده واستخداماته وبقى فى اهتمام كبير بيه واسئلة كتير عن اذا كان بيسبب أضرار ولا لا .. هنا فى المقال ده هنعرفك كل اللى محتاجه تعرفيه عن ازالة الشعر نهائيا بزيت السعد وايه هى فوائده التانية و وصفات سهله لاستخدامه …
1- ايه هو “زيت السعد”؟
زيت السعد هو واحد من اهم الزيوت اللى انتشرت مؤخرا ولاقت شهرة كبيرة جدا، و ” نبات السعد ” هو نبات من فصيلة النباتات السعدية و الى بتضم 600 نوع مختلف من النباتات ، و زى ما فى انواع مفيدة جدا من ” نبات السعد ” كمان فى انواع ضارة لو تم استخدامها او التعرض ليها زى ” السعد المستدير ” ، و نبات ” السعد ” هو فى نوع منه اللى بيطرح فاكهة ” حب العزيز” ، والشائع انه اللى بيتم استخدامه هو ” زيت نبات السعد ” ، لكن ده غلط لأنه اللى بيتم استخدام جدا هو اما البذور او الاوراق فقط اللى بيتم خلطها مع زيوت تانية علشان تكون ” زيت السعد ” . وممكن تلاقيه فى صورة كريم عند العطارين الكبار او الصيدليات الكبيرة .
2 – فوائد “نبات السعد”
بيستخدم ” نبات السعد ” فى علاجات كتيره جدا فى الطب البديل زى علاج الغثيان ، و التخفيف من حدة الالم ، و بيساهم فى علاج الحمى و انواع من الالتهابات وبتدخل مستخلصاته فى تركيب انواع كتير من الادوية . و اشتهرت مستخلصات ” نبات السعد ” بفاعليتها فى ازالة الشعر و التخفيف من نموه بشكل كبير ، و فى دراسات علمية كتير اتعملت مؤخرا بتأكد فعالية ” نبات السعد ” فى ازالة الشعر نهائيا من الجسم بعد فترة استعمال طويلة.
3- ازالة الشعر نهائيا بزيت السعد :
فى اكتر من وصفة للتقليل من نمو الشعر الزائد او ازالته تماما باستخدام ” نبات السعد ” و بأكتر من طريقة ، هنقولك هنا على اسهل الطرق و الاكتر فعالية:
الطريقة الاولى لاستخدام زيت السعد:
- هاتى مقدار مناسب من ” نبات السعد ” و اطحنيه كويس لحد ما يبقى فى صورة بودرة ، بعدين حطيه فى حلة و حطى عليه كوباية مياة وحطيه على النار .
- سيبيه يغلى كويس لحد ما السائل كله يتبخر ، هتلاقى النبات اترسب فى آخر الحلة و بقى شبه العجينة او الكريم .
- خدى الكريم اللى اتكون ده و حطيه على الجسم بعد نزع الشعر، و ادهنى الجزء اللى تم ازالة الشعر منه بشكل متكرر و لمدة 7 ايام ، و هتلاحظى تأخر نمو الشعر و انه كثافته قلت بشكل كبير جدا .
الطريقة الثانية لاستخدام زيت السعد:
- اخلطى مقدار معلقتين او تلاته من ” بودرة نبات السعد ” – و دى ممكن تلاقيها عند العطار – مع كمية مناسبة من زيت الزيتون .
- انقعى خليط البودرة مع زيت الزيتون لمدة يوم كامل و استخدميه بعد ازالة الشعر مباشرة قبل ما تغسلى المنطقة اللى تم ازالة الشعر منها ، الطريقة دى فعالة و سريعه جدا و هتلاقى فرق كبير.
شوفي كمان وصفات الكركم لازالة الشعر الزائد من الوجه بدون الم
