حيل جديدة للبشرة والمكياج اتعرفي عليهم
بنات حوا جيبلكم مجموعة جديدة من نصايح سريعة و حيل للبشرة والمكياج , جربي معانا واتأكدي إنك بتحطي مكياجك وبتعتني ببشرتك بالشكل الصح اللي يبينك في احلي صورة..
لو عينيكي مرهقة وتعبانة أو عندك هالات سودة
معظم كريمات العيون بتحتوي علي كافيين وده عشان الكافيين بيساعد في تقليص الأوعية الدموية حوالين عينيك، وبالتالي بيقلل الانتفاخ والدوائر السوداء. بدل ماتستعملي الكريمات جربي إنك بعد ماتشربي الشاي, سواء كان شاي اسود أو اخضر, سيبي فتلة الشاي لحد لما تبرد وبعدين حطيها علي عينك لمدة 15 دقيقة.. اعملي ده كل يوم لو حابة أو علي الاقل مره كل اسبوع لانه مفيد جدا عشان عينكي. شوفي وصفات وماسكات تانية للهالات السودة
لو حطه روج بلون تقيل وعايزة تظبطي الرسمة
بفرشة الرسمي حوالين شفايفك بالكونسيلر, ده هيبرز رسمة شفايفك وهيخلي حوالين شفايفك نضيف وإن الروج ميبهتشي عليه. شوفي كمان إزاي تخلي الروج يثبت طول اليوم!
المانيكير اللامع الجلتر
حطي طبقة المانيكر وبعدين بفرشة ايشادو حطي طبقة من ايشادو جلتر وبعد كده حطي عليه مانيكير لامع عشان تثبتيه.شوفي كمان رسم الاظافر خطوة بخطوة بأشكال كتير
طرق تنضيف فرش المكياج
يا إما تيجيبي منظف فرش من محلات المكياج وده بنرشه علي طرف الفرشة ونمشيها علي منديل قدام وورا, يا إما بشامبو البيبي مع ماية دافية,هننقع الفرش فيه لمدة 30 ثانية وبعدين هنشطفها بماية باردة. هترجع كأنها جديدة. ايه هي أنواع فرش المكياج و استخدامتهم ؟
تقشير الشفايف
اد إيه مهم, خصوصا في الجو الساقعة وإن شفايفنا بتنشف كتير وبتعاني من الجفاف, طريقة سريعة وبسيطة لتقشير الشفايف, جيبي بلاستر شفاف ولفيه على صوباعك بحيث إن تبقي الطبقة اللازقه من بره, وبلمسات رقيقة جدا خليها تلمس شفيفيك هتشيل الطبقة الميته الناشفة من علي الشفايف وبكده تكوني عملتي تقشير سريع. شوفي طريقة تانية لتقشير الشفايف
وضع الماسكرا بشكل جذاب
أول طبقة تكون على الرموش من تحت لفوق, وبعدين حتي طبقة كمان من فوق لتحت اخر طبقة تكون لرموشك اللي تحت, ولو مش عارفة تظبطي الرموش اللي تحت وخايفة الماسكرا تلغبط تحت عينيك جربي حيلة المعلقة. دليلك لوضع المسكارا بالخطوات
عشان تعملي لوك رقيق وطبيعي للروج
هنحط طبقة الروج علي الشفايف من جوه بس. وبعدين بصوابعك وزعيها علي باقي الشفايف هتدي شكل رقيق قوي للروج ولون طبيعي أكتر.
وضع البودر بالطريقة الصح
وضع البودر اللوس يكون كالأتي, حطي الفرشة بوضع افقي في البودر, وبعدين اخبطي حرف العلبة عشان تنزل الزيادة, وبعد كده تحطيها علي وشك بشكل افقي وتضغطي ومش بشكل مايل.
اعملي الروج بتاعك باللون اللي بتحبيه
لو عندك بلاشر أو أيشادو بتحبيه, إنتي ممكن تعملي منه احمر شفايف كمان .. اخلطي شوية منه في معلقه مع فازلين أو مرهم ترطيب الشفايف بفرشة وبعد كده استعمليه علي شفايفك كروج!
ارسمي ضوافرك بالمانيكير بطريقة سهلة
أول حاجة هتحطي طبقة base coat زي ماكلنا قبل كده عشان نحافظ علي ضوافرنا, وبعد كده هنحط طبقة باللون الاساسي في الصورة هي اختارت لون ابيض.
تاني خطوة جيبي طبق صغير وحطي فيها نقطتين من الألوان اللي بتحبيها وبفرشة سنان صغيرة حطيها علي المانيكير اللي في الطبق وبعدين حطيها علي اظافرك.. بكدة تكوني عملتي رسمة المانيكير المنقط بأسهل طريقة.
