رجيم للامهات اللى بترضع !

بقلميسرا خالد فيتخسيس الوزن visibility1795

بتشتكى بعض الامهات المرضعات وخصوصا اللى لسه والدين من ان بتقابلهم مشكلة زيادة الوزن و بيربطوا ده دايما بسبب الرضاعة و انهم خايفين يعملوا رجيم عشان ميأثرش على البيبى و على صحتهم.. حبينا الأول نوضح نقطة مهمة إننا نجاوب علي السؤال ده, هل الرضاعة الطبيعية بتزود الوزن؟ ولا بنتقصه؟

الرضاعة الطبيعية اثبتت إنها بتنقص الوزن لانها بتخلي الأم تفقد سعرات حرارية كتير أثناء الرضاعة. لكن السبب الحقيقي في زيادة الوزن وقت الرضاعة هو كمية الاكل اللي الام ممكن تاكلها عشان تعوض الرضاعة وتكتر اللبن زي ماالصحاب والقرايب دايما بينصحوا في الفترة ديه. عشان كده النتيجة بتكون زيادة الوزن بيشكل كبير. فالنصيحة لكل أم بترضع إنها تستغل وقت الرضاعة في انقاص وزنها ومش العكس, بأنها تاكل بالمعقول ويكون كله أكل صحي, واهم حاجة السوايل الكتيرة لأنها هتفرق في كمية اللبن.

..بناء على طلبكم جايبنلكم رجيم للامهات اللى بترضع و آمن و صحى تعالوا نشوفوا سوا…

رجيم مناسب للام و الطفل
رجيم مناسب للام و الطفل

نصائح مهمة قبل ما تعملى الرجيم ده :

– لازم يكون مر على وقت الولادة شهرين (60 يوم) عشان يكون الجسم أكتسب عافيته.

-لازم نقلل من تناول الطعام اللى فيه النكهات اللاذعة لأنها بتأثر على طعم اللبن اللى بيرضعه الطفل وده ممكن يسببله له بعض المشاكل الهضمية والأطعمة دى زى الشطة الفلل الحار – الثوم – البصل –المخل.

-حاولى تقللى من أكل الحلويات و تقليل السكر في العصائر والمشروبات الساخنة زى الشاي والقهوة.لأن مادة الكافين الموجودة في المشروبات المنبهة بتعمل على عدم انتظام أوقات نوم الطفل.

طيب ايه هي وجبات رجيم للامهات اللى بترضع ؟

وجبة الفطار :

وجبة الفطار هتكون ثابتة طول فترة الرجيم و هي عبارة عن شريحتين توست أسمر و خمس ملاعق فول و ثلاث ملاعق من جبن القريش أو بيضة مسلوقة و طبق سلطة خضراء.

وجبتي الغذاء و العشاء :

اليوم الأول :

الغذاء : طبق مكرونة لازانيا متوسط و طبق سلطة خضراء. العشاء : نصف رغيف بلدي و 50 جرام من جبن القريش و كوب حليب خالي الدسم.

اليوم الثاني :

الغذاء : خمس ملاعق أرز بسمتي و قطعتين لحم بالكاري و طبق صغير من خضار السوتيه و طبق سلطة خضراء. العشاء : ثمرتين فاكهة و كوب من الحليب الخالي الدسم.

اليوم الثالث :

الغذاء : خمس ملاعق أرز أبيض و شريحة دجاج مشوي و طبق خضار سوتيه و طبق سلطة خضراء. العشاء : ربع رغيف بلدي و نصف علبة تونة بدون زيت و كوب من عصير الجوافة أو البرتقال بدون سكر.

اليوم الرابع :

الغذاء : خمس ملاعق مكرونة مع كرات اللحم و طبق سلطة خضراء. العشاء : ربع رغيف بلدي ، بيضتين مسلوقتين و كوب من الحليب الخالي الدسم.

اليوم الخامس :

الغذاء : ساندويتش مكون من شريحتين توست أسمر و شريحة ديك رومي أو تونة أو لحم بارد أو صدر دجاجة و شريحة جبن شيدر و شريحة طماطم و شريحة بصل و شريحة خس. العشاء : ثمرة فاكهة و علبة زبادي خالي الدسم و طبق صغير من السلطة الخضراء.

اليوم السادس :

الغذاء : خمس ملاعق أرز بالبصل و الطماطم و سمكة مشوية و طبق سلطة خضراء. العشاء : ربع رغيف بلدي و ثلاث قطع من جبن القريش و كوب من الحليب الخالي الدسم.

اليوم السابع :

الغذاء : خمس ملاعق أرز بسمتي و صدر ديك رومي و سبع ملاعق فاصوليا بيضاء و طبق سلطة خضراء. العشاء : ربع رغيف بلدي و أربع ملاعق فول و كوب عصير جوافة بالحليب الخالي الدسم.

الوجبات الخفيفة :

بيضة مسلوقة و ثمرة فاكهة أو علبة زبادي خالي الدسم و ثمرة فاكهة أو ثمان حبات موز. يتم تناول الوجبات دى بين كل وجبة و وجبة بعد ساعتين من كل وجبة.

السناكس :

الهدف من وراء السناكس هو الغذاء المتكامل للام أثناء فترة الرضاعة و عشان متحسش بالجوع أو إحساسها بالهبوط و السناكس ممكن تكون ثمرة جزر أو حبتين خيار.

واهم حاجة زي ماقلنا السوايل والماية علي مدار اليوم… إنتي في ايديك إنك تستغلي الفترة ديه بأنك تتخلصي من الوزن اللي كسبتيه أثناء الحمل.. نصيحة كمان وقت الفطام, بلاش الفطام المفاجيء لأن ده ممكن يسبب ترهل للصدر, الاحسن الفطام التدريجي المعروف..