10 تسريحات تجنن للشعر الكيرلي
بنات حوا صاحبات الشعر المجعد او الكيرلى الطبيعى عارفين ان ساعات الموضوع بيكون مزعج على اد ما هو جميل احيانا لان فى اوقات كتير بيكون مش عندنا وقت نفكر فى تسريحة مناسبة تخلى شعرنا شكله حلو و تكون سريعة و تنفع لاى مناسبة اذا كانت خروجة او مشوار خفيف . متفكروش تعملو شعركم عند الكوافير لانكم مميزات جدا و عشانكم و عشان جمال شعركم جايبنلكم افكار تسريحات تجنن و سريعة و شكلها حلو اوى ليكم انتم بس يا صاحبات الشعر الكيرلى تعالوا شوفوها معانا و يارب تعجبكم …
ولو إنتي شعرك مش كيرلي ونفسي تعمليه شوفي من هنا 7 طرق لعمل الشعر كيرلي في البيت
التسريحة دى منتهى الرقة و الرومانسية و مناسبة لاى وقت لو يوم شغل او خروجة بليل هتليق على كله .
تسريحة اللفة الثلاثية ! تسريحة كلاسيكية تنفع على ربطة ديل الحصان العادية .
التسريحة دى لما تكونى مشغولة و مش لاحقة تسرحى شعرك ممكن تلجأى للضفاير الجميلة دى اللى هتنقذك و توفر وقتك و تخلي شكلك تحفة !
لو بتدورى على تسريحة للمناسبات و مش عايزة تروحى كوافير يبقى هى دى المناسبة ليكى جدا هترفعى شعرك بشياكة و مش هتحتاجى وقت خالص ولا مجهود .
التسريحة دى اسمها نص ضفيرة و مناسبة جدا للوقت اللى هتخرجى تتفسحى فيه مع اصحابك و هتتحركى كثير و تكونى مشغولة و متنسيش تحافظى على ترطيب شعرك لو هتعمليها .
اعملى لنفسك تاج من شعرك الكيرلى الجميل بالتسريحة دى !
اعملى لنفسك شينيو شيكو استخدمى توكة رقيقة و اسبراى مثبت للشعر و تقدرى تجيبيه من اى صيدلية كبيرة و كل ده من غير اى كوافير و كله من شعرك الكيرلى المميز !
رايحة حفلة او عيد ميلاد ؟ يبقى هى دى التسريحة المناسبة ليكى فى اليوم ده اسمها كريس كروس ممكن تزوديلها توكة بتلمع و فيها جليتر عشان تخلى اللوك بتاعك اخر شياكة .
تسريحة الكحكة الكلاسيك اسهل واحدة انك تعمليها من غير اى مجهود و احلى واحدة !
تسريحة الضفاير اللى ممكن يكون شكلها صعب شوية بس ممكن تفضلى عملاها كذا يوم و هتساهل عليكى لو مستعجلة و شكلها جميل و شيك !