أيه هي عيوب برج الجدى؟
برج الجدى اتكلمنا عنه قبل كده وقلنا ايه هي مميزاته وانه من الابراج اللى بتتميز بالتوازن فى التفكير و الحكمة و الذكاء.. النهرده جيبين الجانب الاخر من شخصيته عن عيوب برج الجدي و مين فينا مفهوش عيوب ؟ نتمني إن كل أصحابنا مواليد برج الجدى ميزعلوش مننا :) ويخدوا الكلام ده بصدر رحب ويفكروا فيه… عشان ده فعلا ممكن يساعدهم لو الصفات السلبيه ديه عندهم… يلا نبدأ؟
يا ترى أيه هي عيوب برج الجدى؟!
1 – التشاؤم :
مواليد برج الجدى عندهم ميل للنظرة التشاؤمية للحياة و بيكون صعب عليهم احيانا يمشوا عكس التيار ومهما كاتوا طموحيين او ناجحين وبيحققوا حاجات في حياتهم بيبقوا دايما شايفين نفسهم مقصرين ومش ناجحين وإن فيه أكتر بكتير من اللي وصلوله وده اللى بيخليهم عندهم احباط و اكتئاب ونظره تشاؤمية.
2 – العند :
الشخصيات من مواليد البرج ده عندهم حس عالي بالثقة بالنفس و عندهم عند شديد خصوصا فى افكارهم و ارائهم و قرارتهم اللى مش بيحبوا يتخلوا عنها او يغيروها ابدا لانهم واثقين انها هى الصح ومفيش غيرها ينفع, هما محتاجين أكتر يفكروا في أراء الاخرين عشان تشبثهم بأراهم اوقات بيعملهم مشاكل وممكن يولد شعور عدم الثقه بينهم وبين اللي بيحبوهم.
3 – الخجل :
بيعرفوا جدا يتكلموا مع الناس و يتعاملوا معاهم لكن طبعهم الحساس والرقيق ساعات بيقلب بخجل زيادة او كسوف من المواقف الاجتماعية و ده ساعات بيكون مش فى صالحهم فى مواقف كثير خصوصا انهم مش بيعرفوا يفتحوا قلبهم حتي لاصحابهم القريبين ولا يحكوا لهم على حاجة إلابعد وقت طويل.
4 – التركيز الزيادة مع النفس:
اول حاجة بيفكروا فيها هى نفسهم و ازاى اى مناسبة فى الحياة بتحصل حواليهم ممكن تأثر عليهم و ساعات بتكون حاجة كويسة و بيكون فيهم نصاحة واستعداد للمواقف بس اوقات تانية بتقلب بأنانية شديدة بتضايق ناس كثير حواليهم لانهم بيركزوا مع نفسهم بس وبينسوا الناس التانية.
5 – قلبهم مش سهل الوصول له :
مواليد البرج ده مش سهل عليهم يقربوا فى حد او يثقوا فى حد و بيخلوا دايما مساحة بينهم و بين الناس التانية بتحسسهم بالامان و الارتباط العاطفى مش حاجة سهلة عليهم خالص و مش اى حد يحصل على قلبهم .
6 – مزاجيين :
مزاجهم متقلب جدا و ممكن يكونوا بضحكوا و يهزروا فى وقت و فجأة يقلبوا لمزاج مش لطيف و قريفة و التقلبات دى بتبوظ عليهم حجات كثير فى الحياة و بتخلى تصرفاتهم احيانا غير متزنة .
