أهم 6 أسباب لجاذبية برج الجدى

بقلميسرا خالد فيبرج الجدي visibility13485

برج الجدى من الشخصيات والابراج اللى بتتميز بالتوازن فى التفكير والحكمة والذكاء ومشهورين بأنهم شخصيات حساسة و رقيقة و ليهم عالمهم الخاص وبيفكروا مليون مرة قبل ما ياخدوا قرار … شخصيتهم قوية وعندهم اصرار وعزيمة بتخليهم يحاربوا كل الصعاب عشان يوصلوا لهدفهم.. معروفين بالمهارة العالية في القيادة وده لانهم واقعيين وده بيبعد عنهم التهور أو الأخطاء الغير مدروسة.

ليه اتسموا بالجدي؟ ده لأن الجدي معروف عنه خفته ورشاقته و بيميلوا انهم يعيشوا في قطيع بعيد مكتفين بنفسهم وفيهم لمسه انطوائية كمان معروفين بشخصيتهم القوية ..بيلاقوا الأمان في المنحدرات والمرتفعات العالية اللي عشان يوصلولها بيتسلقوها ببطء بس بثبات زي بظبط موصفات البرج ده في الحياة انه بيتحرك للقمة والنجاح بخطوات بطيئة بس أكيد هو هيوصل في الاخر.

ايه معني علامة برجهم؟ هي معقدة شوية, حرف ال V بيرمز للحية الجدي وفيه ديل في الاخر شبه ديل السمكة وده عشان كان زمان بيربطوه بماعز البحر, ده طبعا حيوان خيالي, برج الجدي 22  ديسمبر – 20 يناير.
مميزات برج الجدي
مميزات برج الجدي

تعالوا نشوف مع بعض مميزات برج الجدى ..

1 – عمليين :

الشخصيات دى معروفين بشخصيتهم العملية و استخدامهم للعقل و الذكاء فى كل مواقف الحياة  العملية و الشخصية و فى اى قرار هياخدوه و بيفكروا كتير و بيحسبوا خطواتهم عشان يعرفوا ياخدوا قرار صح .

2 – الطموح :

مواليد برج الجدى شخصيات واثقين بنفسهم جدا و عندهم احلام و طموحات كبيرة  و عالية و بيفكروا دايما  فيها و انهم ازاى يحققوا النجاح  و الطموح ده و يوصلولها لانهم بيفكروا ازاى دايما يأمنوا مستقبلهم  و مستقبل عائلتهم  الجاى. تعالوا نشوف عينة من مشاهير البرج اللي ممكن تخلينا نفهمهم أكتر:

  • إسحاق نيوتن
  • الزعيم الراحل جمال عبد الناصر
  • الرئيس المصري محمد أنور السادات
  • إدغار ألان بو الناقد الأدبي الأمريكي
  •  محمد على كلاي
  • الفيس بريسلي
  • إيهاب توفيق
  • المنجم الفرنسي ذائع الصيت ميشيل نوستراداموس
  • ليلي علوي
  • الهام شاهين
  • دنيا سمير غانم
  • الممثلة اللبنانية نور
  • ياسمين عبد العزيز
  • خالد سليم

3 – الحكمة :

شخصيات عاقلة و ناضجة جدا  و تفكيرها و دماغها مش سهلة و مش بيهتموا بالخيال و الاحلام و الاوهام اللى ممكن تشغل غيرهم  من الناس اللى حواليهم و عشان كده اصحابهم و عائلتهم و اى حد قريب منهم  بيهتموا باخذ رايهم فى كل حاجة فى الحياة  و بيثقوا فى حكمهم و نصيحتهم دايما  .

4 – الالتزام :

الناس دول عشان عندهم احلام و خطط كبيرة و كثيرة فى الحياة فهتلاقيهم دايما بيتميزوا  بالتفكير بالجدية و الالتزام فى كل حاجة  اذا كان فى الشغل او فى الحياة الخاصة و بيعرفوا يحددوا اولوياتهم و الحجات المهمة و رالواجبات اللى عليهم مش بيهملوا فيها ابدا و لا بيخلفوا اى وعد عملوه و عمرهم ما يكسلوا ابدا فى المهام اللى عليهم  .

5 – الصبر :

مواليد برج الجدى لما بيحطوا عينهم على هدف  او حلم معين عمرهم ما بيسكتوا او ييأسوا غير لما يحققوه و عندهم صبر و طول بال جدا و مفيش اى عقبات بتوقفهم .

6 – الحذر :

شخصيات غير متسرعة و بتفكر و تحسب خطواتها جدا و بتعرف مكسبها و خسارتها فى كل حاجة و مش بيحبوا يخشوا فى موضوع فى نسبة خسارة كبيرة ليهم لانهن بيحبوا دايما الاستقرار و عدم الفشل و تقلباته.