مشروبات شتوية .. جربيها
وسط الجو الساقعه بنحتاج من وقت للتانى نشرب حاجه تدفينا و بنزهق من المشروبات التقليدية زى الشاى و النسكافيه و السحلب ،هنقولك على وصفات جديدة سهلة و تدفى وأفكار مشروبات شتوية.
مشروب الكاكاو بجوز الهند
المقادير :
- 3أكواب لبن خالي الدسم
- علبة متوسطة لبن جوز هند غير محلى
- تلتين كوب لبن مكثف محلى
- 2ملعقة كبيرة كاكاو غير محلى
- ملعقة صغيرة فانيليا
- علبة صغيرة كريمة حلويات (للتزيين )
التحضير :
- اخلطي اللبن الخالي الدسم ولبن جوز الهند واللبن المكثف.
- سيبي المزيج على نار متوسطة حتى الغليان.
- استمري في التقليب وأضيفي إليه الكاكاو وقلبي مرة أخرى.
- ارفعي المزيج من على النار وأضيفي إليه الفانيليا وقلبي جيدا.
- صبى المشروب في الأكواب وزينيه بالكريمة المخفوقة
مشروب الشاي بالقرفة و الرمان:
المقادير :
- نصف كوب ماء.
- نصف كوب سكر
- 3 حبات قرنفل
- 3 أعواد قرفة خشب متوسطة الحجم
- ينسون
- 4 أكياس شاي أحمر
- كوب عصير رمان
- ربع كوب عصير ليمون
- شرائح ليمون وأعواد قرفة للتزيين
التحضير :
- امزجي المياه والسكر والقرنفل والينسون ، وسيبي المزيج يغلي على النار.
- قلبي جيدا لحد ما السكر يدوب السكر، وسيبى المزيج يغلي على النار لمدة دقيقة إضافية.
- ارفعيه عن النار وصفيه.
- حطى السائل تانى فى الاناء و ضيفيله أكياس الشاي وانقعيها في السائل لمدة 10 دقائق.
- شيلى الأكياس، وأضيفي عصير الرمان وعصير الليمون.
- حطى السائل تانى على النار لحد ما يغلي.
- صبى المشروب في الأكواب وزينيه بشرائح الليمون وأعواد القرفة.
موكا بالبرتقال
المقادير:
- 1/ 3 كوب عصير برتقال
- قشر برتقالة تقطع شرايح رفيعة
- 7 حبات قرنفل
- 2 كوب ميه
- 2 كوب لبن
- 1/ 2 كوب سكر بني
- 1/ 4 كوب كاكاو
- 2 ملعقة كبيرة نسكافيه
- 2 عود قرفة
التحضير:
- حطّي بشر الليمون والقرفة والقرنفل في قطعة شاش واربطيها، وبعدين حطّيهم في حلة صغيرة مع الميه واللبن والسكر وعصير البرتقال والنسكافيه والكاكاو، وسيبي الخليط على النار لحد ما يغلي.
- ارفعي الخليط من على النار، وارفعي منه قطعة الشاش، وسيبيه لمدة 10 دقائق، وبعدين قدميه.. بالهنا والشفا
شيكولاتة ساخنة على الطريقة المكسيكية
المقادير:
- 3/ 4 كوب شيكولاتة خام مبشورة
- 4 أكواب لبن
- 2 كوب آيس كريم فانيليا
- 3/ 4 كوب سكر
- 1 1/ 2 كوب ميه
- 1 1/ 2 ملعقة صغيرة قرفة
- رشة فانيليا
التحضير:
- حطّي اللبن والسكر والآيس كريم في حلة صغيرة على نار هادية؛ لحد ما الخليط يسخن، وماتخليهوش يغلي.
- بعدين حطّي عليه الشيكولاتة المبشورة والقرفة والفانيليا والميه، وسيبي الخليط على النار لحد ما يسخن، وبعدين صبّيه في الأكواب وقدميه مع صوص كراميل.. بالهنا والشفا
