سيطرى على جوعك فى الشتاء بالخطوات دى

آية حسان
آية حسان
8547
كام وحدة فينا بتشتكي من مشكلة زيادة الوزن فى الشتا؟؟ ده لأننا بنجوع اكتر من اى وقت تانى فى السنة عشان جسمنا بيبقى عايز يتدفى و بيستمد الدفىء ده من الاكل، هنعرضلك هنا 14 نصيحة تخليكي تسيطرى على جوعك وتاكلى من خلال نصائح مفيدة جدا و من غير ما تقلقى من زيادة الوزن في الشتا..

يلا نتعرف علي طرق السيطرة على الجوع:

زيادة الوزن في الشتا
زيادة الوزن في الشتا

1- ركزى على انك تبقى شبعانة بأنك تملى معدتك بحاجات متزودش الوزن بس تشبع فى نفس الوقت زى انواع الفاكهة المختلفة اللي مش بتسبب في زيادة الوزن (التفاح الجوافة – البرتقال – البطيخ – الكيوي). الممنوع والمسموح من الفواكه والمشروبات فى الرجيم

2- كلى خضار متنوع كتير فى شكل سلطة علشان يبقى افيد. 9 اكلات مفيدة جدا للصحة! اتعرفي عليهم

3- كلى سمك كتير لأنه غنى ب “الاوميجا3” المفيد ،وسعراته الحرارية قليلة جدا.

4- تناولى منتجات ألبان بس تكون منزوعة الدسم زى اللبن الرايب و الجبنة القريش و غيرها و حاولى تبعدى عن انواع الجبنة اللى فيها دهون زى الجبنة الرومى.

5- كترى من تناول الاغذية اللى فيها ألياف زى الخس و البقوليات زى الشوفان.

6- تناولي المخبوزات المصنوعة من الدقيق الأسمر.

7- تناولي الكثير من المشروبات الدافئة من غير  لبن أو قللي من اللبن والسكر.

8- تناولى المكسرات لكن حاولى تبعدى عن المكسرات المحمصة او المملحة لان فايدتها اكبر وسعراتها الحرارية اقل.

9- اهتمى بممارسة الرياضة يوميا ، ممارسة الرياضة مهمة جدا طول ايام السنة وخصوصا فى الشتاء لأنه فيه بنميل دايما للكسل و قلة الحركة، ممارسة الرياضة هتمنضلك استمرار الشكل الحلو لجسمك و حرق السرعات الحرارية الناتجة عن الاكل الكتير على مدار اليوم و هتخليكى بحاجة لشرب كميات كبيرة من السوائل اللى بتملأ المعدة و تسبب احساس بالشبع. تخلصي من الكرش في دقيقتين بس يوميا!

10- اهتمى بتناول الأطعمة الدافئة وخاصة أنواع الشوربة المختلفة اللى سرعاتها الحرارية قليلة زى شوربة العدس و شوربة الخضار و غيرها.

11- حاولى تتناولى وجبات متوسطة كل 3 الى 4 ساعات على مدار اليوم ، ده هيخلى في احساس مستمر بالشبع و عدم الحاجة للأكل بعكس الاكل مرتين او 3 بس فى اليوم لانه بيبقى فيهم احساس بالجوع و ده بيسبب الشعور بالنهم و بالتالى تناول كميات اكبر تسبب زيادة الوزن. رجيم اللقيمات

12- افضل الطرق هى تناول وجبتين رئيسيتين هما الفطار و الغذاء مع تناول 4 وجبات خفيفة على فترات متباعدة طول اليوم.

13- اشربى مياة كتير لأنها بتملأ المعدة و تسبب الاحساس بالشبع ، و كمان مفيدة جدا للكليتين و اخراج الأملاح الزائدة من الجسم.  فوائد شرب المياه

14- البسى هدوم مناسبة للجو تدفيكى علشان تقللى الحاجه للحصول على الدفىء من الاكل.

مقالات متعلقه

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك

افضل 8 وجبات خفيفة بعد التمرين لانقاص الوزن وزيادة العضلات

افضل 8 وجبات خفيفة بعد التمرين لانقاص الوزن وزيادة العضلات

وصفات سناكس صحية من غير زيت

وصفات سناكس صحية من غير زيت