فساتين سهرة 2016 !
زى ما جبنالكم قبل كده موضة فساتين زفاف 2015 المرة دى جايبنلكم عشان خاطركم بس احدث فساتين سواريه و سهرة للسنة الجديدة 2015\ 2016 مخصوص ليكم بنات حوا الجميلات بعد رحلة بحث فى محلات الموضة العالمية عشان نعرفلكم ايه اجدد و احلى الالوان و الموديلات للسنة الجديدة فى الفساتين . تعالوا شوفوا و اتفرجوا معانا على فساتين سهرة 2016 …
فستان فيورينا مصنوع من الحرير و الدانتيل اللى بيزين منطقة الصدر و الاذرع مع جزء شفاف بسيط عند الرقبة و الجيب تحتها قطعة مصنوعة من التل عشان تديها منظر جميل و منفوش فستان قمة فى الرقة و الشياكه.
فستان لودين من الفساتين المرميد او ستايل عروس البحر اللى بيدى الجسم شكل جميل و رفيع الفستان مطرز كله بالدانتيل و لونه روز فاتح من اجمل الالوان اللى نزلت السنة دى لسه مستمرة السنة الجاية و مناسبة جدا للشتاء و الصيف .
فستان لافيلا مصنوع من الحرير و التطريز بالدانتيل فى منطقة الصدر و الوسط و الحركة دى بترفع الوسط جدا و لونه زهرى فاقع مناسب لكل الوان البشرة .
فستان نايلا الاسود لعشاق اللون الانيق ده مطرز بورود الدانتيل و نص الفستان شفاف و الحركة دى طالعة موضة و مميزة جدا .
فستان اجار من الفساتين المميزة عشان الريش ده من احدث صيحات الموضة فى الفساتين و كمان تفصيلة الفستان بترفع الوسط و تظهر جماله ده غير لونه الرائع اللى بيحبه بنات كثير .
فستان نايا للبنات اللى بيحبوا يلبسوا كذا لون مش لون واحد فى الفستان الفستان نبيتى مع بيج و الجيب بتاعته منفوشة و رقيقة مصنوعة م الحرير و الصدر مطرز بالاحجار الكريمة مع حزام دهبى انيق .
فستان لاليسا المصنوع من الدانتيل الرقيق و مطرز من الوسط و على الظهر بشكل جميل مع حزام و فتحة فى الظهر .
فستان لانديتا لعشاق اللون الاحمر الجرىء مصنوع بأكمام من الدانتيل و جيب درابيه بتديله شكل انسيابى رائع .
