دليلك عن حنة الشعر

بقلمسارة جمال فيشعر visibility6595

حنة الشعر مشهورة من زمان إنها من اضمن الوسايل عشان تلوين الشعر مين غير أي ضرر أو تأثير سلبي علي الشعر لكن بالعكس حنة الشعر بتغذيه وبتتقله وبتقلل من تساقطه وكمان بتعالج التهبات فروة الراس وبتحل مشكلة القشرة يعني فوايدها كتيرة قوي واهم حاجة إنها مفيش فيها الكيماويات اللي في الصبغة لانها عبارة عن نبات طبيعي .. من اختلافتها برده عن الصبغة إنها بتعد وقت اطول وصعب جدا ازالتها من الشعر وكمان إن طريقة وضعها اصعب بكتير وكل ما كان الشعر اطول كل ماكان الموضوع اصعب وفوضوي.

يعني لو حابة تلوني شعرك بس تلوين دائم.. وكمان تحافظي علي جماله وصحته ولمعانه يبقي تعالي اقري معانا وشوفي إذا ممكن تستعملي حنة الشعر.

طريقة استعمال حنة الشعر:

1- البسي جوانتي بلاستك واخلطي معيار 150 جرام أو أكتر علي حسب طول شعرك مع كمية ماية سخنة لحد لما تعمل عجينة زي ما موضح بالصورة كده.

حنة الشعر

2-إغسلي شعرك من الزيوت والكريمات ونشفية كويس, ويستحسن أنك تكوني غسلاه قبلها بيوم وتكوني محافظة علي نضافته.

3- تاني خطوة هو استعمال الفازلين, وده ضروري جدا عشان نحافظ علي الودان والاورة والرقبة من انهم يتصبغوا من الحنة.

4- هنبدأ نحط الحنة علي الشعر, هنبدأ من فوق نمسك الخصلة ونحط الحنة بالمشط عليها من الجذور للأطراف, بعد ماتخلصي كل خلصة اتنيها وارميها على قدام وكملي اللي وراها, بعد كده ممكن تلبسي بونيه أو تلفي شعرك بكيس بلاستك لمدة من ساعتين ل 6 ساعات.

5- اغسلي شعرك كويس ويفضل انه يكون في الحوض ومش في الشور وكمان استعملي بلسم مش شامبو بس, وكرري غسيل شعرك مرتين أو 3 مرات.

بكدة تكوني خلصتي عملية حنة الشعر بشكل منظم وحصلتي علي لون شعر جذاب وبطريقة طبيعية وكلها فوايد لشعرك..

حنة الشعر
حنة الشعر