10 نصايح لوضع الروج هيفرقوا معاكي
من اهم اساسيات المكياج هو الروج اللى مفيش واحدة فينا بتستغنى عنه وعشان بنات حوا بتهتم بجمالكم و بتحرص على انها تجبلكم النصايح المفيدة ليكم جابنلكم افكار ونصايح عملية جدا ومبتكرة للشفايف والروج و يمكن تكون اول مرة تسمعوا عنها ! تعالوا اقرأوا معانا 10 نصايح لوضع الروج هيفرقوا معاكوا….
1– تجنبى فكرة انك انك تمشى لسانك على شفايفك اثناء اليوم حتى لو حاسة انها جافة لان السائل اللى فى الفم او الريق بيخلى شفايفك تكون جافة اكثر .
2 – شفايفك محتاجة حماية من الشمس زى بشرتك بالظبط و ممكن تحميها عن طريق وضع مرطب فاه فيه عامل حماية الشمس و موجود منه فى الصيدليات .
3 – ملمع الشفاه او الليب جلوس بتاعك حاسة انه تقيل و ملزق بزيادة ؟ استعملى فرشاة لوضعه بدل ما تحطيه من علبته علاطول هيبان ارق و اهدى على الشفاه .
4 – لو شفايفك لونها غامق و بتلاقى صعوبة ان لون الروج يفضل ثابت حطى كونسيلر قبل وضع الروج و حددى شفايفك و بعدين حطى الروج فى الاخر .
5 – لو محتاجة تستعملى روج ماط من غير لامعة ممكن تخلطى جزء من الروج بالبودرة العادية و هتلاقى اللامعة مش موجودة و بقى عندك روج ماط و ثابت طول اليوم .
6 – لو عايزة اللون يثبت طول اليوم بعد لما تحطى الروج بتاعك استعملى قطعة تلج و مشيها على شفايفك بس مش كثير عشان تثبتى اللون .
7 – لو حاطة روج لونه قوى و جامد زى الاحمر او الالوان الغامقة اوى متحطيش مكياج كثير فى عنيكى او وشك عشان شكلك مش هيكون حلو البساطة هى احلى حاجة فى المكياج .
8 – حطى بودرة ملمعة فى وسط شفايفك عشان اللون يبان و الضوء ينعكس عليها و كمان هتعمل تدرج جميل للروج و لونه و بيخلى شكل الشفاه جذاب جدا .
9 – استعملى البودرة على شفايفك عشان الروج يثبت معاكى طول اليوم حطى طبقة روج و بعدين طبقة بودرة و طبقة روج تانى .
10 – لو مش عايزة الروج يلزق على الكوباية اللى الزجاج اللى بتشربى فيها و انتى بره او فى مطعم ممكن تجيبى طرف منديل مبلول و تمشيه على المكان اللى هتشربى منه قبل ما تشربى و الروج مش هيلزق .