أزاى تتخلصى من السيلوليت بطرق طبيعية؟

يسرا خالد
يسرا خالد
20702

السيلوليت من اكثر المشاكل اللى بضايقنا مهما كان وزننا رفيعين او مليانين كلنا ممكن نتعرض للمشكلة دى السيلوليت هو الكتل الدهنية اللي بتظهر تحت الجلد خصوصا في منطقة الفخدين،. الكتل الدهنية دى بتشبه قشرة البرتقال بترجع إلى العادات الصحية السيئة..تعالى اعرفى معانا ازاى تتخلصى من السيلوليت بطرق طبيعية؟

ايه هى أسباب ظهور السيلوليت ؟

أسباب السيلوليت متتعدش و من اهمها عامل الوراثة اللي بيلعب دوركبيرفي المشكلة و كمان هرمون الإستروجين الموجود عند البنات و السيدات اللى اقل من 50 سنة   اللى بيعزز من زيادة السيلوليت. كمان من الاسباب تناول الأطعمة اللي فيها الكثير من المواد المصنعة والملونات والإكثار من الحليب ومشتقاته كاملة الدسم وتناول أكثر من ثلاثة أكواب من المشروبات اللى فيها الكافيين، بيزيد من ظهور الدهون تحت الجلد. و كمان من اهم الاسباب القعدة الكتير و قلة الحركة اللى بتقلل من وصول الدم للجزاء دى ف الجسم و بالتالى بتتجمع الدهون و تسبب السيلوليت.

طرق طبيعية للتخلص من المشكلة :

من اكثر الحجات اللى متجربة و ناجحة فى التخلص من السيلوليت هى القهوة لانها مضاد للاكسدة و منشط للدورة الدموية قوى جدا و اللى لو استعملناها مرتين فى الاسبوع بالطريقة الجاية دى هتخلصنا من المشكلة بسرعة جدا .

1 –وصفة القهوة :

– قهوة
– ملح
– زيت جوز هند
– ورق بلاستيك من اللى بيتلف على الجسم .

– هتعملى فنجان قهوة بالطريقة العادية بس هتقللى فيه المياه جدا و تزودى القهوة و تضيفله مقدار قليل من الملح و تقلبى و بعدين نزود جوز الهند و عايزين نعمل فى الاخر معجون من الخليط كله و بعدين نبدأ بفرده على الجلد و نعمل بيه مساج بحركات دائريه لتنشيط الدورة الدموية و فى نفس الوقت نضغط على الجلد و احنا بنعمل المساج .
– خنجيب الورق البلاستيك اللى اتكلمنا عليه قبل كده فى اللف التنحيفى و نربطه على الجسم و نسيبه نصف ساعة . هنستحمى بمياه دافيه و ندهن جسمنا باى زيت عطرى بنحبه زى زيت اللافندر مثلا اللى كمان هيفيج من تقليل الخطوط البيضاء او زيت الليمون اللى بينشط الدورة الدموية او زيت الروزمارى اللى بينظف الجلد من اى سموم .
– ممكن كمان نجيب زيت لوز او زيتون و نخلطهم مع الزيوت العطرية و ندلك بيهم الجسم و منغسلهمش بمقدار 1 معلقة زيت زيتون مع 6 نقط زيت عطرى .اقرأوا عن الزيوت العطرية و خلطتهم فى بنات حوا.
– بعد تكرار العلاج ده جلدك هيتشد و يكون صحى و لامع اكثر و دورتك الدموية هتكون انشط و هتقلل من ظهور السيلوليت و الدهون .

ملحوظة مهمة : الوصفة دى ممنوعة للحوامل .

وصفة القهوة
وصفة القهوة

نصائح للتخلص من السيلوليت :

1 – الاكل الصحى :

ابعدى عن المأكولات اللى مليانة دهون كثير و نشويات مش مفيدة و خصوصا المأكولات الجاهزة و السريعة و حاولى تقللى من كميتها عن طريق سحب كميات منها من وجباتك و تبديلها بالخضار و الفاكهة لان مفيش اى وصفة او علاج هينفع من غير تغيير عاداتك الغذائية الخاطئة .

2 – شرب المياه :

المياه عامل مهم جدا فى التخلص من السموم و الدهون اللى فى الجسم . حاولى تشربى من 2 الى 3 لتر مياه فى اليوم عشان كمان جلدك يحصل على الترطيب المناسب .

3 – الرياضة :

من اهم اسباب تجميع و تكوين السيلوليت فى الجسم هى عدم الحركة و عشان نتخلص منها لازم نتحرك و نمشى و نلعب رياضة عشان نساعد جسمنا فى تنشيط الدورة الدموية . حاولى تتمشى نصف ساعة على الاقل او تلعبى تمارين سهلة فى البيت .

4 – المساج :

طريقة رائعة لتنشيط الجسم و تحريك الدورة الدموية فى المناطق اللى متجمع فيها الدهون . اشترى فرشاة مساج او لوفة مساج من الصيدلية و اعملى بيها مساج فى حركات دائرية تحت الدش فى المياه الدافئة للمناطق اللى متجمع فيها السيلوليت فى جسمك لمدة 5 دقائق يوميا .

5 – النوم :

لازم تحصلى على عدد ساعات مناسبة من النوم و الراحة عشان جسمك يكون نشيط و تقدرى تتحركى كثير خلال اليوم و كمان ده هيساعد فى عدم امتصاص السموم للجلد .

6 – التوتر :

البنات اللى مستوى الاستروجين عنده عالى جسمهم بيخزن دهون اكثر و الاستروجين نسبته بتزيد فى الجسم لما نكون متوترين و مضغوطين . حاولى تبعدى عن الحجات اللى بتسببلك توتر كثير .

شوفي كمان طرق طبيعية لتخسيس منطقة الوسط والكرش

تخسيس منطقة الوسط والكرش
تخسيس منطقة الوسط والكرش

مقالات متعلقه

ازاي تستخدمي خل التفاح للتخلص من السيلوليت

ازاي تستخدمي خل التفاح للتخلص من السيلوليت

7 طرق غير تقليدية لاستخدام زيت جوز الهند لتخسيس الوزن

7 طرق غير تقليدية لاستخدام زيت جوز الهند لتخسيس الوزن

ازاي تستخدمي زيت جوز الهند لعلاج السيلوليت

ازاي تستخدمي زيت جوز الهند لعلاج السيلوليت