فساتين زفاف 2015
فستان فرحك بيكون اول حاجة بتشغل بالك حتى من و انتى صغيرة و لما يجى وقت اختياره بتركزى فى كل التفاصيل و تدورى فى كل الاشكال و الموديلات عشان تبقى اميرة يوم فرحك . بنات حوا جايبلكم تشكيلة من الفساتين الاكثر مبيعا من اشهر بيوت الموضة فى 2015 لكل عرايسنا الحلوين تعالوا شوفوا معانا فساتين زفاف 2015 ….
فستان كالا فستان معمول بطبقات بالدانتيل الجميل و التطريز الرائع اللى تحت على اطراف الفستان بيديله رقة زيادة.
فستان كاميرون معمول بالتول و الدانتيل و مليان تطريز بالاحجار الكريمة و فتحة فى عند الرقبة و فى الظهر كمان نفس الفتحة و الظهر فيه تطريز بالزهور .
فستان كاناس من غير اكمام و ستايله مرمايد او عروس البحر و القماش تل و دانتيل و برده مرصع بالاحجار الكريمة و فى شغل كثير بالاحجار عند الصدر و الرقبة بيدبله اناقة زيادة و الجيب اللى تحت بتاعته مصنوعة من التل فقط و احلى حاجة فى الفستان الشغل اللى فى الظهر.
فستان سيريليا المميز جدا اللى داخل فىيه اللون الازرق الرقيق فى تطريز الوزود اللى بيخليه فستان مميز زى فساتين الاميرات و كمان الجيب الواسعة بتاعته المصنوعة من التل بتخليه احلى .
فستان سيسيرا رقيق و رومانسى جدا بالتطريز الدانتيل اللى على الصدر و القماش الرقيق اللى بيغطيه الدانتيل كله فى تطريز هادى من اوله لاخره .
فستان شاليس مميز جدا لاى واحدة مش بتحب الشغل الكثير و التطريز و فى نفس الوقت بيديها شياكة رائعة عن طريق الكمام التول اللى مطرزة برقة و باقى الفستان سادة بس تحفة.
فستان ياسيل مناسب لارق اميرة لانه هادى و رقيق و مصنوع من حرير الاورجانزا اللى بيديله رومانسية خصوصا مع الجيب الواسعة اللى زى الاميرات .
فستان اتيك معمول من التول و الاحجار الكريمة اللى مطعمة فى الفستان فى منطقة الوسط و ليه شال رائع مطرز بالدنتيل بيديله شكل مختلف عن اى فستان تانى .
