موضة المانيكير المات و ازاى تحولى المانيكير اللامع لمانيكير مات؟
بعد ما اتكلمنا عن أحدث تقاليع المانيكير المرصع بالأكسسوار, حابين النهرده نفرجكم موضة المانيكير المات #matte يعني المانيكير الغير لامع, المطفي.. موضة المانيكير المات بدأت تنتشر قوي وتقريبا كل شركات المكياج اللي بتنتج مانيكير بدأوا ينزلوا نوعين من كل الألوان, المانيكير اللامع اللي كلنا بنستعمله وكمان اللون المات.
طيب هل معنى كدة انة انزل اشترى من كل الالوان اللى بحبها مانيكير تانى بس المات بدل اللامع؟ بنات حوا النهرده جيبالك الحل عشان تحولى اى مانيكير لامع لمانيكير مات.
الطريقة الاولى:
– فية اختراع جديد زى المانيكير التوب كوت و البيز كوت اسمة المات توب كوت, شكله شبة المانيكير الشفاف بس لونة مايل للبياض, ده تحطية على اى لون مانيكير عندك تحولية للون المات… وده طبعا مفيد وموفر اوي بدل ماتشتري من اللون اللي بتحبيه مرتين وبيدي نفس التأثير بظبط كأنك حطه مانيكير مات في الاساس.
الطريقة التانية:
– باستعمال نشا الذرة مع المانيكير الشفاف او مثبت المانيكير, اخلطى شوية منهم و قلبيهم بالفرشة هيديكى نفس اللون المايل للبياض بتاع المات توب كوت, و استعملية فوق لون المانيكير بتاعك هيحولة للون مات او مطفى.
موضة المات اشتهرت إن شكل أو قصة الظفر بيكون حاد ومش مدور أو بيضاوي, لكن بيليق أكتر علي المربع والمدبب.. ممكن تشوفوا أشكال الأظافر من هنا
وكمان عشان طبيعة المانيكير ده إن لونه مطفي هنلاقي إن موضة الأكسسوار بتليق عليه أكتر من المانيكير اللامع, لانها بتعمل تناقض مع شكل وطبيعة المانيكير.. ولو مش اكسسوار هنلاقي إن ممكن نعمل صباع واحد بلون مختلف أو يكون فيه جلتر أو رسمة..
اتفرجوا علي الألبوم جبنالكم أكتر من 25 شكل ورسمة للمانيكير المات وإن شاء الله ينال اعجابكم وتستوحوا منه أفكار جذابة للمانيكير بتاعكم.