فوائد و اضرار الويبس مناديل ازالة المكياج

يسرا خالد
يسرا خالد
في
بشرة
6270

كثير مننا بدأ يستعمل مناديل ازالة المكياج المبللة اللى انتشرت فى السوبرماركت و الصيدليات و يمكن عشان بنكسل فى اوقات قبل النوم او بنكون بره البيت و بنحتاج نعدل المكياج بتاعنا بس لازم قبل ما نستعمل اى حاجة نعرف اضرارها و عيوبها زى ما بنعرف مميزاتها عشان منسببش اى اذى لبشرتنا او صحتنا. تعالى اعرفى معانا رأى دكاترة الجلدية و اخصائيين البشرة و افهمى فى السطور اللى جاية فوائد واضرار الويبس مناديل ازالة المكياج.

مناديل ازالة المكياج 1
مناديل ازالة المكياج 1

– مميزات استعمال مناديل ازالة المكياج:

اخصائيين الجلدية دايا بيتكلموا فى اهمية ان احنا نتخلص من اى مكياج و بقاياه على الجلد عشان بيجمع كل الاتربة طول اليوم  وبيسد مسام الوش و بيسبب مشاكل كثير للبشرة من اهمها الحبوب و الرؤوس السوداء و بيسبب التهابات و بقع تحت العين لو مش بنمسح الكحل مثلا قبل ما ننام. المناديل المبللة لازالة المكياج تعتبر حل سهل و سريع عشان نحافظ على نظافة بشرتنا و بتكون دايما فى متناول ايدينا و ممكن ناخدها معانا فى الشنطة و احنا نزلين و بتقلل من علينا هم روتين غسيل الوش بدل ما بنجيب قطنة و مزيل مكياج و نمسح وشنا بتكون هى بديل اسرع . استخدمى نوع رقيق على البشرة و يكون خالى من الكحول .

مناديل ازالة المكياج 2
مناديل ازالة المكياج 2

– عيوب استعمال مناديل ازالة المكياج:

المناديل دى متعتبرش بديل للمياه لان اغلبها بيكون فيه مواد كيميائية عشان تقدر تقوم بمفعول ازالة المكياج و ده معناه انها ممكن تسيب اثر مواد كيميائية على جلدكم خصوصا كمان لو استعملناها كل يوم و احيانا بتخلى بقايا المكياج تكون عالقة بمسام الجلد فبتسده اكثر ما بتنظفه حتى لو انتى مش شايفة ده قدامك.كمان لو كان فيها كحول بتسبب التهاب و جفاف الجلد و البشرة . لازم تتأكدى ان بعد لما العلبة تتفتح تفضل فى مكان نظيف عشان ميدخلهاش اى اتربة او بكتيريا تأثر عليكى . كمان فى مكونتها مواد حافظة عشان تفضل مبلولة و جديدة حتى لو فتحتى العلبة و طبعا المواد دى اكيد بالوقت هتأثر على بشرتك.

مفيش بديل عن غسيل الوش
مفيش بديل عن غسيل الوش

الخلاصة :

لو محتاجة تستعمليها لازم متنسيش تغسلى وشك برده بعد الاستعمال عشان تتخلصى من اى اتربة موجودة على البشرة و تتخلصى من اى مواد كيميائية موجودة فى المناديل دى . طبعا معظمكم هيقول طيب ايه لازمة استخدامها طالما هغسل وشى كده كده . بنات حوا بتقولكم مينفعش نكسل فى بشرتنا و صحتنا و خلينا فى الحاجة الطبيعية المضمونة احسن و ممكن نستخدمها فى الطوارىء او لو كنا برا البيت بس مش كل يوم .

شوفي من هنا اعملى مناديل إزالة المكياج او الـ wipes فى البيت

اعملي بنفسك مناديل إزالة المكياج
اعملي بنفسك مناديل إزالة المكياج

مقالات متعلقه

4 اسباب خطيرة ليه ماينفعش تنامى بالمكياج

4 اسباب خطيرة ليه ماينفعش تنامى بالمكياج

Makeup Remover اعملى بنفسك  فى البيت مزيل مكياج بمكونات طبيعية للبشرة اللى بتعانى من حبوب الشباب

Makeup Remover اعملى بنفسك فى البيت مزيل مكياج بمكونات طبيعية للبشرة اللى بتعانى من حبوب الشباب

7 اسرار لجمال البشرة بيعملوهم الموديلز .. اعرفيهم !

7 اسرار لجمال البشرة بيعملوهم الموديلز .. اعرفيهم !