اعملي مكياج العروسة لنفسك في البيت

يسرا خالد
يسرا خالد
في
مكياج
10279

يوم الفرح .. احلي واهم يوم في حياة كل بنت اللي بيبقي نفسها تطلع فيه جميلة ومفيهاش غلطة.. طبعا مش كلنا بيعدي علينا اليوم ده زي مابنتمني لسببين اولهم إن الكوافيرات ومراكز التجميل دلوقتي بقت اسعارها خيالية.. أنا بسمع دلوقتي اسعار بتوصل لألاف الجنيهات للمكياج بس! ببقي مش مستوعبة ليه وإزاي!.. تاني حاجة بقي إن معظم البنات في النهاية مش بتطلع زي ما بتكون متخيلة نفسها.. عشان كده النهرده بنقدملك الحل لو إنتي حابة تعملى لنفسك المكياج فى البيت يوم خطوبتك أو فرحك بمنتهى السهولة و تبانى بسيطة و رقيقة تعالوا يا بنات يا حلوين اعرفوا معانا خطوات مكياج العروسة فى السطور الجاية…

1- اولا وقبل كل حاجة نضفي بشرتك كويس و حطي مرطب قبل اي مكياج عشان تكون بشرتك طرية ونضرة.

2 – بعد كدة حطي خافي العيوب الكونسيلر قبل كريم الاساس ولو كنتي بتستعملي كريم بشكل بودرة مضغوطة او بودرة مائية يفضل انك تحطي بودرتك المائية او كريمك المضغوط قبل الكونسيلر وحاولي انك توزعي بودرتك المائية بالاسفنجة الخاصة كويس وبعدها سبيه ينشف. نحط البودرة الشفافة على كريم الأساس على الوش كله وبفرشاة كبيرة نزيل البودرة الزايدة وبعدين نحط بودرة لامعة تحت العين و نوزع كله بفرشاة  و سفنجة مخصوصة للدمج.. شوفيأفضل انواع وماركات كريم الاساس والكونسيلر
وتوزيع الـFoundation على الرقبة مهم جداً وبلاش نهملها عند وضع كريم الأساس،وتكون بنفس درجة الوش.

3 – بقلم أسود نحدد تحت العين لوالعين صغيرة لكن لو العين الكبيرة بيكون القلم داخل العين. نحدد من فوق العين بعد من منابت الرموش عشان نوسع العين وتعطي فرصة لحط “eye shadow” بشكل أفضل. شوفي ازاى تختارى رسمة العين المناسبة

4 – اول حاجة لازم يكون ايشادو العروسة لونه هادي ومش اوفر عشان يكون اجمل على شكل وش اي عروسة واي بنت ودايما تكون الالوان الهادية هي الاجمل عشان تكون طبيعية اكتر وتدي لوك احلى من الالوان الغامقة قوي اللي بتغير شكل الوش خالص وتحس البنت في فرحها كأنها مش هي وزي ميكون مهرج ومش عروسة وديه بتبقي اكبر غلطة ممكن يعملها الكوافير في العروسة. عشان نحط الايشادو اول حاجة حطي تحت الحاجب ايشادو ابيض عادي ويعني مش لامع كدة او ممكن تحطي الامع لو انك بتعرفي تعملي الميكب بصورة صح بس لو كنتي مبتدئة فلازم تحطي ايشادو العادي الاول “المت” عشان تعرفي تضبطيه وممكن بعدها تحطي الامع وده يكون في النهاية .

خطوات المكياج 5
خطوات المكياج 5

5 – نيجي بقى على طريقة عمل حواجب العروسة وزي مانتو عارفين يابنات ان اكتر العرايس تبقى حواجبهم شقرة وجميلة وانا هشرحلكو ازاي تعملو حواجبكم زيهم ودي تبقى بعد متحطي كريم الاساس والكونسيلر .هتحتاجي ماسكرة حواجب وطبعا بالون البني او الاشقر حسب رغبتك بس اكتر الكوافيرات بتستعمل اللون البني عشان يكون مناسب اكتر لدرجة لون الوش يعني مهما كانت سمرة او بيضة هتكون لون حواجبها مناسبة لوشها .وهتحتاجي قلم بني عشان تحديد حواجبك و بودرة حواجب شقرة. شوفي طريقة رسم الحواجب بالخطوات والصور

نيجي بقى على طريقة عمل الحواجب خطوة بخطوة :
اولا حديدي حواجبك بالقلم البني بعد كدة حديديهم بالكونسيلر بالفرشة الصغيرة من تحت الحاجب ومن فوق كمان عشان يتضبطو عندك اكتر بعدها بقى حطي لحواجبك ماسكرة الحواجب الخاصة بالون البني او الاشقر حسب رغبتك بالون ويعني انك تمشطيهم لفوق زي متعملي بطريقة الرموش عشان يتلونو كويس .

 6 – وبعد كده الماسكرا نشد الجفن ونحطها عكس الرموش عشان الرموش كلها تتغطى بالماسكرا.. لازم تستخدمي رموش صناعية وهي سهلة جدا.. بتلزقي الرموش في أول العين وفي الطرف.. وبعد كده نحط ماسكرا، وعشان تكون الرموش شكلها طبيعي تغمضي عينك لمدة 3 دقائق لتثبيت الرموش. شوفي من هنا إزاي نحط الماسكرا صح؟!

خطوات المكياج 6
خطوات المكياج 6

7 – نيجي بقى على عمل كونتور الوش والانف ( الطريقة و الصور موضحة بالتفصيل على موقع بنات حوا )
اول حاجة حطي خطين من الون البني خارج الانف من كل زاوية بالفرشة الصغيرة الي عندك تحطي الخطين من كل جهة من الانف وبعدها ادمجيهم مع بعض من نهاية انفك بعد كدة امسحي بصوباعك الخطين الي عملتيهم من كل زاوية من انفك وامسحيهم لتحت من جهة الخد والي تحدد جهة مسح الشادو من بداية انفك ولتحت كدة تمسحيهم بصوباعك وبكدة عملتي كونتور الانف وده اهم حاجة في وش العروس .

8  – نحط الـ”Blusher” والعروسة تبتسم عشان يكون اللون متوزع بدرجة واحدة ونتحرك من عظمة الخد إلى الأذن. إزاي تختاري لون البلاشر المناسب لبشرتك؟ وشوفي كمانإزاي تبرزي خدودك بالمكياج!

خطوات المكياج 7
خطوات المكياج 7

9 – نحدد الشفايف بـ”lip liner” خفيف ونحط عليه الروج لأن الموضة إن التحديد ميبنش ويكون نفس لون درجة الروج.. ولو الشفايف صغيرة بنحاول نكبرها ولو العكس نعمل العكس.. ونختار لون الروج يتماشى مع الـ”eye shadow”.. مهم استخدام فرشاة الروج لأنها بتسهل التحكم في وضعه وتوزيعه صح.. نحاول تثبيت الروج بوضع الـglitter في منتصف الشفاه لأنها الموضه جدا. إزاي تخلي الروج يثبت طول اليوم!

خطوات المكياج 8
خطوات المكياج 8

10 – نحط “glitter” تحت الحواجب على لون ذهبي شوية عشان يليق مع لون عيونها وجهها… ممكن نحط بعد “glitter” تحت العين عشان نفتح لونها أكثر ولو مش بتحبي الستيل ده بلاش, ديه خطوة مش اساسية وعلي حسب رغبة العروسة.

مقالات متعلقه

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا

ازاي تختاري مكياج الفرح المناسب ليكي

ازاي تختاري مكياج الفرح المناسب ليكي

اعرفي ازاي تختاري محدد الشفاة Lip liner  لاستخدام كل يوم، وايه هي الانواع الموضة دلوقتي

اعرفي ازاي تختاري محدد الشفاة Lip liner لاستخدام كل يوم، وايه هي الانواع الموضة دلوقتي