شوفوا معانا زواج المشاهير في 2015
في نهاية 2015 حبينا نجمعلكم اهم الأحداث اللي حصلت في السنة ديه, وهنبدأ بجوازات المشاهير في 2015.. السنة ديه كانت مختلفة شوية عن كل سنة, قبل كده كان الفنانين في أفراحهم بيميلوا للبهرجه وانهم يعملوا أفراح بمبالغ خرافية وكانوا بيعقدوا ناس كتيرة قوي بجوازتهم..
السنة ديه هنلاقي مودة جديدة ظهرت إلا وهي الجوز بعيد عن عنين الصحافة والدوشة والناس.. مش جواز في السر لأ, جواز علن بس الفرق انهم بيقولوا بعد مايتم الجواز.. وبيقيموا حفلة في جو هادي دافي مع العيلة والأصحاب القريبين.
يالا نبدأ قايمة جواز المشاهير في 2015؟
1- مريم فارس:
من أول الفنانات اللي بدأت صيحة الجواز البعيد عن الناس والصحافة.. عملت جوازها في بيروت وكانت حريصة جدا علي سرية شخصية جوزها داني متري وانه ميبنش للعلن..وكل اللي عملته إنها نشرت شوية صور علي حساب الينستجرام بتعها, ومن اللمسات الرومانسية إن جوزها مجبش دبلة بس كتب اسمها علي صباعه مكان الدبلة. شوفوا الصور.
2- محمود العسيلي:
الزيجة التانية لمحمود العسيلي وارتبط ببنت من بره الوسط الفني وشارك جمهوره الخبر برده عن طريق صوره نشرها علي الانستجرام.
3- ايتن عامر:
تم زواج الفنانة آيتن عامرمن مدير التصوير محمد عز العرب وعملت فرح كبير حضره كل النجوم والمصورين والصحافة.. وكان كله رقص واحتفال للصبح.
4- مي كساب واوكا:
حفل اتعمل وفندق كبير للممثله والمطربة مي كساب والمطرب اوكا.. حضره كل الفنانين والصحافة وغني فيه حماقي ومحمد منير ورامي صبري ورقصت فيه دينا .
5- عمرو واكد:
زواج الفنان عمرو واكد من ملكة جمال مصر السابقة والممثلة الشابة سارة شاهين اللي شاركته في فيلم القط ونشأت بينهم علاقة حب أثناء تصوير الفيلم.
6- شريف رمزي وريهام أيمن:
تاني زفاف يتم بعيد عن الصحافة والدوشة هو فرح شريف رمزي والفنانة الرقيقة الجميلة ريهام أيمن, كان احتفال بسيط وسط الأهل والعيلة وبعد الجواز هما شاركوا جمهورهم بالصور عن طريق الانستجرام.
7- منة حسين فهمي وأحمد فهمي:
زواج بنت الفنان حسين فهمي ومرفت امين علي “سمير” احمد فهمي, زواج تم بسرية تامة وبعيد عن كل الناس وحتي بعد الجواز مفيش أي صور هما نشروها أو اتسربت لهم خالص. الجدير بالذكر إن منة هي طليقة الفنان شريف رمزي وقدروا بعد الطلاق يحافظوا علي علاقة صداقة لدرجة إنها حضرت جوازه من الفنانة ريهام ايمن لانها صديقة مقربة جدا من منة.
8- نرمين ماهر:
احتفلت نرمين ماهر بجوازها من مقدم الشرطة وائل فؤاد في حفل كبير حضره الفنانين والمصورين في فندق إنتركونتيننتال سيتي ستارز.
9- بنت الفنانة فيفي عبدة:
زواج بنت الفنانة فيفي عبدة هنادى الديراوى في حفل ضخم في فندق فيرمونت هليوبوليس في تجمع كبير للفنانين والصحافة.
10- محمد امام:
بعد ماوجه الزعيم عادل امام الدعوة لحوالي 1000 من كبار الشخصيات في البلد عشان فرح ابنه في احدي قري مارينا, اللي انه بعد وفاة الفنان نور الشريف تم الغاء الفرح, وبعدها بفترة اعلن عادل إمام انه تم الزواج في حفل عائلي صغير.
