6 أسباب للسمنة وإزاي ممكن نتغلب عليها

ايه هي أسباب السمنة ؟

1- السمنة من الاكل الزيادة:

النوع ده الاكتر انتشار في العالم واللي عند معظم الناس دلوقتي وسببه الافراط في الاكل والسكريات وكمان مش بيكون فيه الحركة اللي تحرق كمية الاكل الزيادة اللي بندخلها للجسم.. حل الموضوع ده هو التغيير في النظام الغذائي ومراقبة عدد السعرات الحرارية الدخلة للجسم وإنها تكون مناسبة مع الطول والوزن والعمر.. ولازم يكون فيه حركة أو رياضة لمدة 30 دقيقة علي الاقل في اليوم..

2- السمنة من “المعدة العصبية”:

الناس اللي عايشة علي طول في حالة توتر وقلق أواكتئاب, بيبقى عندهم ميول للاكلات الحلوة والسكريات بشكل أكتر من الطبيعي وده علاجهم مش بيبقي تنظيم أكل ولا رجيم أو ديت لكن بيبقوا محتاجين راحة وهدوء وممكن اجازة وانهم يبعدوا شوية عن مصدر القلق والضغط العصبي … ممارسة الرياضة مفيدة برده بالنسبه لهم وممكن يطلعوا التوتر فيها.

3- غلوتين السمنة:

ده نوع من السمنة بيبقي عند النساء وخلال فترة انقطاع الدورة .. عشان الستات تتجنب إنها تكتسب وزن في الفترة ديه لازم يتجنبوا الجلوس لفترة طويلة مستمرة وإنها تتحرك كتير ولو بتدخن يبقي لازم تبطل وكمان ممارسة التمارين مع الأوزان.

4- مشاكل التمثيل الغذائي:

5- السمنة اللي سببها الدورة الدموية الوريدية:

ده كمان لازم ليه معاينة دكتور وديه بتبقي سمنة وراثية. وبيبقي فيها حجم الرجلين زيادة عن حجم الجسم كأنها متورمة.. ممكن برده من الحلول لعب رياضة وخصوصا الجري أو تسلق السلالم.. يعني التركيز علي الرياضة اللي بتشغل الجزء الأسفل من الجسم. 

6- السمنة من الخمول:

النوع ده من السمنة بيبقي للناس اللي كانت بتلعب رياضة وعندها عضلات وبطلت.. بيبقوا عرضة لتراكم الدهون على الاماكن اللي كانت نشطة قبل كده , مفتاح القضاء على الدهون ديه هي طريقة وتنظيم الاكل , إننا نتبع نظام زي مثلا رجيم اللقيمات عشان منديش فرصة للجسم يعد فترة طويلة من غير أكل ويتلكك ويبدأ في تكوين الدهون.. وكمان عشان نسرع عملية الحرق.

نتمني إننا نكون قدرنا نوضح شوية أسباب السمنة وتراكم الدهون ايه وإنكم لو بتعانوا من المشكلة ديه تعرفوا انتم أنهي نوع وتبدأوا تلجأوا للحل المناسب.

شوفي كمان رجيم هيساعدك تخسي 4 كيلو في 3 ايام بس !