طرق طبيعية للتخلص من التدخين !
التدخين من اكثر العادات اللى بيكون من الصعب التخلص منها و بتحتاج ارادة قوية و دافع بس اكيد فى حجات ممكن تساعدنا و تكون بديلة للزقات النيكوتين و الادوية اللى اغلبها مش بينفع تعالوا اقرأوا معانا ازاى ترجعوا صحتكم و تتخلصوا من عادة التدخين …
نصائح للمساعدة فى التخلص على عادة التدخين :
1 – تغيير عادات الاكل :
فى اكلات بتخلى طعم السيجارة احلى و فى اكلات بتخلى طعمها اوحش ! حسب كلام العلماء و الابحاث القهوة و اللحوم بتساعد على التدخين اكثر و لكن الالبان و الخضروات و الفاكهة بتخلى رغبتنا فى التدخين اقل و طعم السيجارة بيكون وحش جدا بعدها فعشان كده لازم نحرص على الاكل الصحى و نبعد عن الحجات اللى فيها كافيين كثير .
2 – النشويات و الحلويات :
لما الشخص بيحس انه نفسه فى سيجارة بيكون فى الحقيقة نفسه فى جرعة من النشويات او الحلويات و ممكن فى الحالة دى بدل ما ناخد سيجارة نحاول نلجأ لاكل قطعة صغيرة من اى حتجة حلوة بس بدون اسراف عشان تقلل من احساسنا باحتياج السيجارة .
3 – الرياضة :
معدل التخلص من التدخين بيرتفع جدا لما الشخص بيكون بيمارس الرياضة على الاقل 5 مرات فى الاسبوع لان الرياضة بتزود ضربات القلب و حركة الرئة و استخدامها للاكسجين فبالتالى بيكون من الصعب جدا الرجوع للتدخين .
4 – بلاش رجيم :
العلماء اكدوا ان قدرة المدخن على توقف التدخين بتكون ضعيفة و اقل لما يكون عامل رجيم و بيقولوا ان الاحسن يركز مجهوداته على ترك التدخين الاول عشان الجسم ميحسش بحرمان زيادة فيفشل فى الحاجتين و المدخن عادة مش بيتعرض للسمنة زى الناس التانية بسهولة فمش هيكون صعب انه يفقد وزنه لما يتخلص من التدخين الاول .
5 – البدائل من السناك الصحى :
فى وقت ما المدخن بيدور على سيجارة او حاجة يشغل بيها ايده او فمه ممكن يبدل السيجارة باللبان او المصاصة حتى او ممكن اعواد الكرف و الجزر و ممكن يمضغ حبوب او بذور عباد الشمس و ممكن كمان المكسرات بأنواعها.
6 – الشاى العشبى :
كل ما نحس ان احنا عايزين نشرب سيجارة بيكون من الاحسن نلجأ للمشروبات العشبية او الشاى الاخضر و الكاموميل اللى بيهدى من التوتر و ممكن كمان القرفة او اعواد القرفة اللى بتهدى الاعصاب.من الحجات اللفعالة جدا كمان النعناع لانه بيصلح حجات كتير فى الجسم زى الجهاز الهضمى و بيقلل من الاحساس بالغثيان اللى بيسببه التدخين و بيخلصك من الصداع.
7 – الجنزبيل :
من اكثر الحجات اللى بتساعد على رفع نشاط الجسم و بتزود المناعة و بتقلل من الارهاق و الاكتئاب اللى بيسببه شرب السجائر و بيغنى بنسبة كبيرة عن النيكوتين .
8 – الشوفان :
مليان بالاحماض المفيدة و زيوت الاوميجا و بيقلل من مخاطر امراض القلب اللى بتسببها السجائر و بيخلى الوعية الدموية فى صحة كويسة و بيقلل من التوتر و بيحافظ على الجهاز العصبى و يظبط ضغط الدم و دى حجات كلها بيأثر عليها التدخين بالسلب.