هل بتحطي مكياجك بالترتيب الصح؟

بقلمسارة جمال فيمكياج visibility27335

كل حاجة في الدنيا بيبقي ليها نظام وترتيب معين يفضل تتعمل بيه عشان تطلع في أحسن صورها.. النهرده جيبنلكم ايه هو ترتيب وضع المكياج الصح.. اللي يخلي مكياجك يثبت وميلغبطش أو يكلعكع منك… يلا نبدأ؟

طبعا مش لازم تكوني بتحطي مكياج كامل كل يوم بس لو بتحطي يبقي يفضل انه يكون ترتيب وضع المكياج بالشكل ده:

1- البريمر أو المرطب:

اختاري بريمر أو كريم مرطب لكن مش الاتنين مع بعض. لانه مهما كان الكريم خفيف ومش دهني خليكي متأكدة إن الكريم هيأثر علي مفعول البريمر ودايما يفضل إن كريمك أو البيرمر يكون فيه واقي من الشمس “صن بلوك” عشان تحمي بشرتك من الاسمرار من الشمس كل يوم. 

2- كريم الاساس:

طبقة كريم الاساس علي الوش كله أو لو بتفضلي إنك تحطي تحت عينك بس.. وهي مفيدة جدا كمان في المرحلة ديه عشان أثناء استعمال الايشادو لو بتحطي كريم الاساس علي عينيك لون الايشادو هيظهر ويبان أكتر, وكمان لو وقع منه شوية علي بشرتك سهل قوي بفرشة احمر الخدود تشيليه, لكن لو وقع علي بشرتك مين غير كريم الاساس هتلقيه بيثبت أكتر ولازم تشيليه بكريم أو مزيل مكياج. شوفي من هنا أفضل انواع وماركات كريم الاساس والكونسيلر

3- الكونسيلر:

دوره بيجي بعد كريم الاساس وده عشان لو كان كريم الاساس خلاص خبي الهالات أو العيوب يبقي وقتها مش لازم تستعملي الكونسيلر, بس لو لسه باينة يبقي تستعمليه علي الاماكن اللي عايزة تخبيها بس. شوفي نصايح فى اختيار الكونسيلر المناسب

4- البودر:

بفرشة وبلمسات خفيفة هنستعمل البودرة تكون لون بشرتنا وهتخلي كريم الاساس والكونسيلر يثبتوا أكتر ويكملوا معاكي اليوم كله. اتعرفي معانا على انواع البودرة وازاي تختاري اللي يناسبك؟

5- عيون ولا شفايف؟

في المرحلة اللي جايه ممكن تختاري برحتك مابين مكياج العيون أو مكياج الشفايف.. اوقات بيبقي فيه لو روج معين نفسنا نحطة عشان كده ممكن تبدأي بالشفايف وبعدين نشوف ايشادو يليق أو العكس.

– مكياج العيون:

الترتيب لمكياج العين هو ايشادو, وبعدين ايلينر وأخيرا الماسكرا.. وخدي وقتك في مكياج العيون لانه أكتر حاجة بتبان في المكياج وأي غلطة فيها بتفرق في المكياج كله.. للصبح يفضل تستعملي ألوان ايشادو ابيض أو بيج فاتح أو بينك وممكن بالليل تستعملي الألوان الغامقة.. بالفيديو درس مكياج عيون في 10 خطوات

– مكياج الشفايف:

الترتيب لمكياج الشفايف هو: زبدة كاكاو, ليب لينر, روج وبعد كده ممكن الملمع لو عايزة.. ألوان الصبح هو البيج النيود أو البنك أو الخوخي وبالليل الألوان الصارخة زي الاحمر أو الموف أوالألوان الغامقة. 7 نصايح إزاي تحطي أحمر الشفايف

6- مكياج الخدود:

لون احمر الخدود أو الروجاجو لازم يكون متماشي مع لون الايشدو والروج ودايما بيبقي اخر حاجة عشان بالفرشة بتعته ممكن نزيل أي بقيايا ايشادو ممكن تكون واقعة تحت العين أو علي الوش عامة.. شوفي من هنا إزاي تبرزي خدودك بالمكياج!