ايه هي أنواع فرش المكياج و استخدامتهم ؟

يسرا خالد
يسرا خالد
في
مكياج
13929

معظم شركات المكياج بتنتج فرش مكياج مخصوصة ليها لانهم عارفين ان المكياج اللى جودته حلوة عمره ما هيبان او يتوزع صح على الوش من غير الفرشاة المناسبة ليه . انهارد جايبنلكم انواع كثيرة من الفرش اللى بتكون وظيفتها اساسية فى وضع المكياج و اللى بتتباع مع بعضها او لوحدها تعالوا اعرفوا معلومات مهمة عن  ايه هي أنواع فرش المكياج و استخدامتهم….

1 – فرشاة كريم الاساس :

مناسبة جدا لكريم الاساس اللى اغلب انواعه بتكون على شكل سائل قبل ما نستعملها هنبل الطرف بمياه دافية و نعصرها كويس فى فوطة عشان نتخلص من المياه و ده هيساعدك على توزيع كريم الاساس بتوازن اكثر .

فرشاة كريم الاساس
فرشاة كريم الاساس

2 – فرشاة خافى العيوب او الكونسيلر :

.بتكون شكلها مبططة و طرفها مدبب عشان تناسب المنطقة الصغيرة اللى تحت العين ممكن تدارى بيها البقع و العيوب فى الوش بسهولة لصغر حجمها 

فرشاة خافى العيوب او الكونسيلر
فرشاة خافى العيوب او الكونسيلر

3 – فرشاة البودرة و البرونزر :

بتكون نعمة جدا و شكلها دائرى و ممكن نستخدمها للبرونز او البودرة المضغوطة لانها بتلتقط اكثر كمية مناسبة من اللون و بتوزعه بشكل رائع على الوش بعد لما نحطها فى البودرة بنخبط بيها على طرف العلبة كده خفيف عشان نشيل اى لون زيادة قبل استخدامها .

فرشاة البودرة و البرونزر
فرشاة البودرة و البرونزر

4 – فرشاة احمر الخدود او البلاشر :

الشعيرات بتاعتها رقيقة جدا و بتساعدك على تحديد الوش بلون احمر الخدود اللى بتحبيه و تدويرتها بتظهر اللون اكثر هنستعملها عن طريق سحبها من بداية الخدود و لحد الودن عشان اللون و رسمته يكونوا بينين .

فرشاة احمر الخدود او البلاشر
فرشاة احمر الخدود او البلاشر

5  – فرشاة ظلال العيون او الايشادو :

الفرشاة دى ليها نوعين النوع الاول بيساعدك على سحب الللون بسهولة على الجفن و النوع التانى مدبب شوية بيساعدك فى الالوان التقيلة اللى بتكونى عايزة تدى بيها عمق للعين اكثر .

6 – فرشاة الايلاينر :

برده دى كمان ليها نوعين النوع اللى شعرته خفيفة اوى ده بيساعدك على رسم خط سهل بسهولة و بدون اخطاء  بتكون للاستخدام السريع اليومى و التانية بتيتخدم للون التقيل و بنستخدمها بدأ من جدور الرموش و بتساعدنا فى عمل السموكى فوق العين .

7 – فرشاة الحواجب :

بتستخدم قبل وضع قلم الحواجب او قبل تحديد الحواجب عامة بنسرح بيها حواجبنا عشان لما نحط اللون يكون مضبوط اكثر و ميكونش الشعر منعكش .

فرشاة الحواجب
فرشاة الحواجب

8 – فرشاة الشفاه :

شعيرتها ناشفة و قصيرة و بتساعد على رسم الخطوط لتحديد الشفاه و توزيع اللون بدقة هائلة .

فرشاة الشفاه
فرشاة الشفاه

مقالات متعلقه

6 نصايح مكياج من المحترفين هتفرق في مكياجك

6 نصايح مكياج من المحترفين هتفرق في مكياجك

7 اسباب هيخلوكي تشتري فرش المكياج البيضاوية

7 اسباب هيخلوكي تشتري فرش المكياج البيضاوية

6 حاجات أساسية لازم تبقى موجودة فى شنطة المكياج اللى بتخديها وانتى خارجة

6 حاجات أساسية لازم تبقى موجودة فى شنطة المكياج اللى بتخديها وانتى خارجة