اعرفى اكثر عن البشرة المختلطة و احسن مكياج ليها

بقلميسرا خالد فيبشرة visibility9218

البشرة المختلطة معناها ان انتى وشك بيتكون من كذا نوع من البشرة يعنى فى مناطق فى وشك دهنية و فى مناطق جافة او عادية و دى بتسببلنا مشكلة فى الاعتناء بيها و بتسبب تقشير فى البشرة او حبوب عشان كدا لازم نعتنى بيهال بطرق معينة تعالوا نعرف ازاى نهتم بيها اقرأوا معانا  نصايح عن البشرة المختلطة.

نصائح للاهتمام بالبشرة المختلطة :

1 – اتعلمى تعتنى بكل منطقة فى وشك بطريقة مختلفة لازم تحرصى على ترطيب المناطق الجافة و تحرصى على نظافة المناطق الدهنية من الزيوت . فى اغلب الوقت المناطق الدهنية بتكون فى منطقى التى زون زى الصورة .

تى زون
تى زون

2 – استخدمى كريمات اساس خفيفة على البشرة و يكون اغلب مكونتها طبيعية او من المعادن و بيكون مكتوب على العلبة انها للبشرة المختلطة عشان متسدش المسام او تزود الزيوت فى بشرتك .

3 – متناميش و انتى حاطة مكياج و احرصى على غسيل وشك بمنظف مناسب لبشرتك قبل النوم .

4 – قبل ما تخرجى استخدمى كريم واقى من اشعة الشمس.

5 – لازم تحرصى على نظام معين فى الرعاية ببشرتك و اوله انك تغسلى وشك مرتين فى اليوم و ترطبيه مرتين فى اليوم و تعملى تقشير لبشرتك مرة فى الاسبوع .

6 – يستحسن الغسول اللى هتستخدميه يكون على شكل جل او فوم و خالى من الروائح عشان يكون لطيف على بشرتك المختلطة  و ابعدى تماما عن الصابون العادى حتى لو مكتوب عليه انه رقيق على البشرة .

وصفات طبيعية للبشرة المختلطة : 

1 – السكر البنى :

اعملى مقشر طبيعى لبشرتك عن طريق خلط 2 معلقة سكر بنى و معلقة قهوة مطحونة كويس و معلقة عصير ليمون و معلقة عسل و سيبيهم على وشك دقيقة واحدة و بعدين اغسليهم بمياة دافية .

2 – البيكينج صودا :

حل مش غالى و فعال هنجيب كذا معلقة بيكينج صودا و نخلطهال بشوية مياه لحد ما تعمل معجون و نسيبها على المناطق الجافة على الوش لمدة ربع ساعة و بعدين نغسلها و هتحسى بالتحسن بعد التكرار .

3 – الموز :

هنجيب 1 موزة و نصف ثمرة بابايا و جزرتين و و كوب صغير عسل و نخلطهم فى الخلاط لحد ما يعملوا عجين و نسيبهم على الوش 20 دقيقة و نغسلهم بمياه دافية .

4 – الزبادى :

هنجيب معلقة زبادى و معلقة عصير ليمون و نقطتين زيت ليمون عطرى بيتجاب من محلات الزيوت و اتكلمنا عليه قبل كده و نخلطهم و نسيب الماسك 10 دقائق على الوش و نغسله بمياه دافية .

وصفات طبيعية
وصفات طبيعية

نصائح لمكياج البشرة المختلطة :

-خلى فى لمسة لامعة  على خديك استعملى هايلايتر لؤلؤي خفيف على الخدين  عشان تبدو البشرة متناسقة، ولتقليل الجفاف الزائد بالمنطقة.

– استخدمى كونسيلر نوع كريمي بدل من النوع العادي. حطى نقاط قليلة تحت العينين وفي الأماكن الغامقة بالوجه،. وزعي الكونسيلر بطرف اصبعك احسن من الفرشاة

– استخدمى بودرة لامعة على الوجه، مع توزيعها بفرشاة كبيرة لضمان وصولها بتناسق إلى أجزاء الوجه المختلفة.

-ضعي أحمر الخدود من درجات الوردي.

-ضعي ماكياج عينينك وأحمر الشفاة بطريقتك العادية، لانها مش هتتأثر بطبيعة بشرتك ومش هتحتاج إلى خطوات خاصة.