إزاي تباني اجمل وارفع في الصور ؟

سارة جمال
سارة جمال
20010

خروجاتنا وحياتنا دلوقتي بقت مخلتفة قوي عن زمان, بقينا نحب نسجل كل احداث حياتنا بالصور, اعياد ميلاد, افراح, مناسبات خاصة, خروجات, حتي في الشغل أو الكلية.. وتلاقي بنات كتير بعد ماتتصور تيجي تشوف الصورة وتقول “يا نهار أبيض أنا إزاي طالعة كده ؟!” ويكون شكلها أو جسمها مش عجبينها في الصورة.. 

النهرده بنقدملكم شوية نصايح إزاي تباني اجمل وارفع في الصور..

1- صور الوش:

حاولي دايما وإنتي بتتصوري صورة لوشك إن دقنك تبقي ممدودة وتوطيها قدامك, ده هيخلي رقبتك تبان اطول وعيونك تبان اوسع.

صور الوش 1
صور الوش 1

كمان صور الوش بتبقي احلي كتير لو اللي بيصورك صورك من فوق, يعني كان اعلي منك, زي كده الصورة اللي علي اليمين احلي.

صور الوش 2
صور الوش 2

2- صور الجزء الاعلي من الجسم:

اكبر مشكلة ممكن تخليكي زايدة في الصور 5 ل 10 كيلو مثلا هي الكتاف لانها اعرض جزء من جسمك اللي فوق, لما تقفي قدام الكاميرا بلاش تقفي مواجهه ليها مباشرة بس يفضل إنك تقفي بزواية 45 درجة, وتخلي كتفك في الاول ونزليه سنه صغيرة, شوفي الفرق في الصورة.

صور الجزء الاعلي من الجسم
صور الجزء الاعلي من الجسم

3- صور الوقوف:

تاني اعرض جزء من الجسم هو الجناب , عشان كده برضه يفضل إنك متواجهيش الكاميرا بجسمك كله لكن بجنبك هيبقي احلي كتير, وكمان ممكن تعملي وضع زي إنك تتني ركبتك سنه صغيرة لقدام, زي الصورة كده.

صور الوقفة 1
صور الوقفة 1

جربي برضه إنك تلفي بجسمك بزاوية اكبر , 90 درجة يعني, وترفعي كتفك شوية, وايدك تبقي قدامك.

صور الوقفة 2
صور الوقفة 2

وممكن بضهرك, وتلفي بجسمك عشان تبصي للكاميرا وتكوني بصة لتحت ودقنك ممدودة زي ماقلنا فوق.

صور الوقفة 3
صور الوقفة 3

ممكن كمان لو حابة تقفي بوشك في مواجهة الكاميرا بس جربي تحطي ايدك في وسطك وميلي بجسمك, يعني متقفيش مفرودة.

صور الوقفة 4
صور الوقفة 4

4- صورة الجلوس:

خليكي دايما فاكرة إن اقرب جزء من جسمك للكاميرا هيطلع هو اكبر واكتر جزء متركز عليه, عشان كده لو قاعدة, جربي إنك تطلعي بوشك قدام عشان يبقي هو أكتر حاجة عليها التركيز وجسمك يبان ارفع واحلي.

صور الجلوس
صور الجلوس

يلا جربي اوضاع الصور الجديدة ديه ونوعدك إنك هتطلعي حلوة ومعجبة بنفسك في كل الصور :)

8 نصايح ازاي تتصوري احلى سيلفي !

نصايح ازاي تتصوري احلى سيلفي
نصايح ازاي تتصوري احلى سيلفي

مقالات متعلقه

ازاي يطلع شكلك حلو في الصور: 19 حيلة ونصيحة عشان تبقي فوتوجونيك اكتر

ازاي يطلع شكلك حلو في الصور: 19 حيلة ونصيحة عشان تبقي فوتوجونيك اكتر

اسرار من المصورين المحترفين ازاي تحولي اي مكان مش حلو للوكيشن حلو للتصوير

اسرار من المصورين المحترفين ازاي تحولي اي مكان مش حلو للوكيشن حلو للتصوير

13 سر من المحترفين عشان تطلعي صور رائعة بالموبايل

13 سر من المحترفين عشان تطلعي صور رائعة بالموبايل