مطاعم مميزة فى مدينة نصر

بنات حوا الحلوين لسه بنكمل جولتنا فى مطاعم القاهرة الجميلة و قدمنلكم تقريبا كل الاماكن ولسه مكملين و النهاردة هنعرف مطاعم مدينة نصر المميزة اللي اخترناها لكم, تعالوا اتعرفوا عليها معانا …

 1 – طبلية :

من مطاعم مدينة نصر المميزة,هو مطعم كلاسيكى بيقدم اكل شرقى و اول ما تدخل هتحس بأجواء مصر زمان من الكراسي والتابلوهات القديمة،و أغاني أم كلثوم. المنيو مليان أكلات مصرية ، من أول المقبلات لحد أطباق المشويات والملوخية والشركسية، وأم علي والأرز باللبن. من الحجات اللى فى المنيو كمقبلات طبق كبدة طبلية مالكية بدبس الرمان، وطبق ملوخية واللي مكون من ملوخية وأرز ونص فرخة مشوية، وميكس جريل بـ يُقدم مع أرز بالخلطة وبطاطس محمرة، وطاجن أرز معمر باللحمة.  و فى كمان من المشروبات عصير خروب وسوبيا بنفس السعر.

2 – بندروزا ستيك هاوس :

مطعم امريكى بيعتمد على تقديم الوجبات الخاصة باللحوم المنيو الشبيهة بمنيوهات أغلب المطاعم الأمريكاني في القاهرة بـ تقدم تشكيلة كبيرة من الأطباق والمقبلات، تشمل لحوم، وفراخ وسي فوود، من المقبلات طبق فرايد شريمب ومعه تشيكن وينجز.بالنسبة للأطباق الرئيسية، Sirloin Steak (280 جرام) مع طبق السي فوود.

3 – مطعم النيل :

مطعم اسيوى اصيل هتحس فيه انك قاعد فى اسيا  بجد كل الموجودين في المطعم ماليزيين أو آسيويين  المنيو كبيرة جدا و مكتوبة باللغات العربى و الاسيوى و الانجليزى بس ممكن تحتاجوا توضيح من العاملين فى المكان عن المكونات بلضبط  و من الحجات اللى موجودة  سوكي ياكي الحجم الكبير و الحجم الصغير، وكويتاو ماماك، وموتيارة بنفس السعر، وأدانج تيبون، والحقيقة أنه عنده عصائر مختلفة جدًا وخاصة بثقافتهم، الاسعار قليلة جدا مقارنة بجودة الاكل. للسوكي ياكي ده مثلا عبارة عن نودلز عليها كل الإضافات اللي ممكن تيجي في خيالك زى سمك ولحمة ودجاج وبيض وممكن تختار مكون واحد فيهم بس لو عاوز، وبهارات من أعماق أعماق تايلاند .

4 شارع أبو حنيفة المتفرع من عبد الله العربي, الحي السابع – مدينة نصر

مدينة نصر, القاهرة, مصر. العنوان

آسيوي

0222605065

01284106440

01069016892

01276236251

4 – تيستى بيستى :

متخصص في السي فوود والمشويات، لكن كمان بـ يعمل بيتزا وساندويتشات ومعجنات وطواجن وكبسة وحاجات ثانية كثير، من الآخر هو أقرب لمطبخ متكامل .جودة الاكل أقل ما يقال عنها أنها ممتازة، و من الحجات اللى فى المنيو.شوربة سي فوود مخلية بالكريمة والزعتر والكمون والسمك الفيليه، سمكة بوري صغيرة معمولة سنجاري بالخلطة السويسي والصوص المتشبع بالتتبيلة وطاجن جمبري من الحجم الوسط وبالتحديد ربع كيلو جمبري كبير بالطماطم والبصل والفلفل، والكاليماري المقلي  و من المشويات طبق ميكس جريل فيه 4 قطع كباب وكفتة وربع فرخة مشوية وأرز أبيض.

31 شارع أحمد قاسم جودة , متفرع من عباش العقاد

مدينة نصر, القاهرة, مصر. العنوان

مصري, مأكولات بحرية, شرقي, مشويات

01024890101

0222625258

نتمني إن اختيارتنا لأحلي مطاعم مدينة نصر تكون نالت اعجابكم ولو مكنتش جربتوا حد فهم يلا جربوا وشركونا رايكم ايه..