ازاى تكسبى قلب رجل برج الدلو ؟!

بقلميسرا خالد فيبرج الدلو visibility38487

مستقل ومحب للخير… حلمه انه يخلى الدنيا من حوليه اجمل و احسن مكان للناس كلها… هو قائد بالفطرة, يعشق الحرية..تعالى اعرفى طرق تكسبى بيها قلب رجل برج الدلو..

ازاى تكسبى قلب رجل برج الدلو
ازاى تكسبى قلب رجل برج الدلو

1 – خليكى مميزة :

رجل برج الدلو بينجذب جدا للبنت اللى ليها شخصية مستقلة و مميزة عن باقى الناس و مش بيحب ان ا ىحد يمشى ورا القطيع و لا يقلد حد عشان كده لازم تظهرى بشخصيتك المستقلة الواضحة جدا قدامه و اللى بتختلف عن اى حد و يكون ليكى تفكير مختلف و اراء فى الحياة بتبين شخصيتك انتى بس مش كلام و لا حياة و لا طريقة حد تانى .

 2- كونى صديقة :

لما تيجى تقربى من رجل برج الدلو لازم تتعلمى ازاى تكسبى وده كصديقة مقربة الاول . الرجل ده اهم حاجة عنده ان شريكة حياته تكون صديقته و عمره ما هيحب حد كده فجأة الا لو كان حد قريب منه و بينهم صداقة لازم تتحلى بالصبر فى المرحلة دى و بلاش تتسرعى . 

3 – بلاش تقييد للحرية :

اكثر طريقة ممكن تبعده عنك هى تقييد حريته او انك تحسسيه انك حواليه كثير و طلباتك كتيرة لانه مش هيستحمل ان حدد يتحكم فيه او يأثر على حريته و حياته و بيكره صفة حب التملك من الغير و هو اصلا مفهوش الصفة دى خالص لانه بيحترم خصوصية و حرية الاخرين و بيستنى منهم نفس الحاجة .

4 – بلاش الصراحة فى المشاعر :

البرج ده مش بيحب يتكلم عن عواطفه و مشاعره بطريقة و اضحة و بيشعر بعدم الراحة و الخوف لو حد اتكلم معاه فى المشاعر الصريحة او فتحله قلبه بصراحة حاولى تتجنبى انك تكونى عاطفية اوى قدامه او تتكلمى فى الحجات دى و خلي دايما كلامك فى حجات تهمه و تشغل تفكيره زى اهتمامته فى الكلام فى جوانب الحياة المختلفة  و القضايا الحياتية زى السياسة و الدين و غيرها  عشان توصليله عن طريق عقله مش قلبه الاول .

 5- ركزى فى المفاجأت :

من اكثر الطرق اللى بتنجح معاه انك تفاجأيه دايما لانه شخصية بتعشق كل جديد و ممتع و اى حاجة فيها مغامرة او مفاجأة و بيكره الملل و الروتين جدا جدا و ممكن يبعد عنك بسببه . حاولى دايما تفكرى فى الحجات اللى بيحبها اذا كان هدايا او اماكن او اى حاجة تفاجئيه بيها .

طبعا المشاعر دي حاجة مش بإيدينا يعني مش شرط انك تنفذي الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل رجال برج الدلو، لكن دي محاولة مننا عشان نفهمك طبيعة رجل الدلو وتخليكي تعاملي معاه بالشكل المناسب. أهم نصيحة من بنات حوا عشان تكسبي قلب أي رجل هي إنك متمثليش وإنك تخليه ينجذب لشخصيتك الفعلية مش شخصية إنتي بس بتعيشها عشان تجذبيه ليكي, لانك غصب عنك وبعض فترة هترجعي لشخصيتك الأصلية ووقتها ممكن تحصل مشكلة كبيرة لما يحس إن مش ديه البنت اللي هو حبها…