طرق طبيعية لتخسيس منطقة الأذرع

بقلميسرا خالد فيتخسيس الوزن visibility7465

 مشكلة ! لما تفضلى ماشية على رجيم و تخسى بس برده لسه فى منطقة معينة فى جسمك مش عايزة تخس زى مثلا منطقة الذراعين و اكيد بتحسى انك تعبتى كثير و كان نفسك توصلى لجسم متناسق تعالوا نشوف انهاردة بعض التمارين و النصايح و طرق طبيعية لتخسيس منطقة الأذرع…

اولا التمارين : 

1 – التمرين الاول:

رفع الاوزان ده حل رئيسى و اساى فى فقدان وزن الاذرع بلاش نبدأ بوزن تقيل عشان احنا عايزين نخس مش نعمل عضلات ! ابدأى بوزن كيلو او 2 كيلو بالكتير اوى . الاوزان ممكن تعملى بيها تمارين كتير بس احسن و اسهل حاجة انك تمسكيهم و تحطى ايديكى جمبك فى وقفة مستقيمة و تبدأى ترفعى ايديكى فى مستوى نظرك قدامك و مينفعش تتنى كوعك خالص لازم ايديكى تكون مفرودة و نزود عدد العدات كل يوم حاجة بسيطة يعنى ممكن نبدأ ب 20 عدة اول يوم .

التمارين
التمارين

2  – التمرين التانى :

اقفى بشكل مستقيم و افتحى ذراعيكى فى الهوا جمبك و خليهم مفرودين و خلى كف ايديكى فى اتجاه السقف و امسكى الاوزان و بعدين و انتى ماسكاها ابدأى اعكسى ايديكى فى اتجاه عقارب الساعة زى الصورة و كررى العدات لحد ما تتعبى و متقلقيش لو تانى يوم الصبح عضلاتك كانت شدة شوية .

التمارين
التمارين

3 – التمرين التالت :

التمرين ده اسمه المقص و طريقة سريعة و سهلة للتخلص من ذهون الذراعين اقفى بشكل مستقيم و افردى ضهرك و مدى ايديكى قدامك و ابدأى بتحركيهم عكس بعض زى المقص زى الصورة و كررى على الاقل 20 مرة . حاولى تكررى التمارين دى كلها ربع ساعة كل يوم بس و مع الوقت هتحسى بالفرق .

التمارين
التمارين

ايه هى النصايح المهمة اللى لازم اعرفها عشان اخسس منطقة الذراعين ؟!

1 – البروتين اهم حاجة لازم تاكليها و البقول لانها جزء اساسى فى التخلص من الدهون و تكوين عضلات الجسم .ممكن تاكلى سمك او جبنة او بيض او فراخ او تونة .

2 – احرصى كمان على تناول الكربوهيدرات اللى مش بترفع مستوى السكر فى الدم و بيكون حرقها بطىء عشان كده بتساعد على الشبع زى الفاصوليا و العدس و البطاطس و ممكن الرز و المكرونة المسلوقة . اما بالنسبة للخضروات تناولى الحجات اللى فيها فيتامينات و معادن كتيرة زى البروكلى و السبانخ .

3 – الدهون كمان مفيدة واللي مش بيتخن وصحى منها زيت الزيتون و زيت الافوكادو اللى ممكن نضيفهم للاكل .

4 – فى المرحلة دى تجنبى اكل الفاكهة كتير لانها مليانة سكر.

5 – احرصى على تناول وجبة قبل التمارين ب 90 دقيقة عشان جسمك يكون فيه نشاط كفاية و تقدرى تتمرنى اكثر.

6 – كلى وجبات صغيرة بدل الوجبات الكبيرة و زودى عدد الوجبات لان لما تاكلى كذا مرة فى اليوم بتحرقى اكثر دهون بدل ما تاكلى مرتين خليهم 5 وجبات و عشان تحافظى على نسبة السكر فى الدم و متبقيش مرهقة و لا عصبية .

7 –  تناولى وجبة من السوائل بس! اشربى خليط او عصير من المواد اللى فيها بروتين قبل التمارين عشان يساعد على تشكيل العضلة لان جسمك بيبدأ يحتاج طاقة بعد التمارين ب 20 دقيقة و السوائل بتتهضم اسرع و اسهل من الاكل .