يا احلي فاشونستات :) الجو الخريفي الدافي أثناء الصبح والضهر وساقع شوية باليل, جيبنلكم أفكار عشان موضة المحجبات في خريف وشتا 2016.. الألوان السايده الشتا ده هو البيج والأسود.. بس احنا مش بنشجع انكم في الموضة تمشوا ورا لون معين, بالعكس البسي اللون اللي تحبيه ويكون بيليق عليكي ومريحك.. اهم حاجة تكوني واثقة في نفسك ومرتاحة في اختياراتك… بدل ماتمشي علي الموضة ابدعي إنتي الموضة ;)
طبعا موضة الكيمونو أو الكارديجان مكملة معانا, بعد ما بدأت تنتشر في الصيف لانه مريح وبينفع مع أي لبس, سواء جيب أو بنطلون وكمان معظم مقاساته بتبقي one size يعني مقاس واحد لأنه ستايله واسع ومفروض يبقي فضفاض ومش هتتعبي وإنتي بتدوري على مقاسك.. في شتا وخريف 2016 الكارديجان مكمل معانا بس بأقمشة من نوع الصوف أو مبطنة.. كمان هنشوف ستايلات البالطو مع الكعب العالي والفيست أو الصديري.. يلا نبدأ؟
الفيست الفرو ومعاه اكسيسوريس ملونة وانكل بوت.
حجاب شتا وصيف 2017
الجينز مع الجزمة الرياضية البيضة وعليهم الكارديجان الأسود وكمان سكارف اسود, لوك رياضي وجذاب للجامعة أو خروجة الصبح في الويكند.
حجاب شتا وصيف 2018
البالطو أو الكارديجان الابيض مع جزمة رياضية بيضة.. لوك كاجوال وبسيط جدا.
حجاب شتا وصيف 2019
بنطلون اسود وبلوزة أو فستان اسود مع بالطو بيج و جزمة كعب اسود للوك كلاسيك شيك..
