موضة المحجبات في خريف وشتا 2016
يا احلي فاشونستات :) الجو الخريفي الدافي أثناء الصبح والضهر وساقع شوية باليل, جيبنلكم أفكار عشان موضة المحجبات في خريف وشتا 2016.. الألوان السايده الشتا ده هو البيج والأسود.. بس احنا مش بنشجع انكم في الموضة تمشوا ورا لون معين, بالعكس البسي اللون اللي تحبيه ويكون بيليق عليكي ومريحك.. اهم حاجة تكوني واثقة في نفسك ومرتاحة في اختياراتك… بدل ماتمشي علي الموضة ابدعي إنتي الموضة ;)
طبعا موضة الكيمونو أو الكارديجان مكملة معانا, بعد ما بدأت تنتشر في الصيف لانه مريح وبينفع مع أي لبس, سواء جيب أو بنطلون وكمان معظم مقاساته بتبقي one size يعني مقاس واحد لأنه ستايله واسع ومفروض يبقي فضفاض ومش هتتعبي وإنتي بتدوري على مقاسك.. في شتا وخريف 2016 الكارديجان مكمل معانا بس بأقمشة من نوع الصوف أو مبطنة.. كمان هنشوف ستايلات البالطو مع الكعب العالي والفيست أو الصديري.. يلا نبدأ؟
- الفيست الفرو ومعاه اكسيسوريس ملونة وانكل بوت.
- الجينز مع الجزمة الرياضية البيضة وعليهم الكارديجان الأسود وكمان سكارف اسود, لوك رياضي وجذاب للجامعة أو خروجة الصبح في الويكند.
- البالطو أو الكارديجان الابيض مع جزمة رياضية بيضة.. لوك كاجوال وبسيط جدا.
- بنطلون اسود وبلوزة أو فستان اسود مع بالطو بيج و جزمة كعب اسود للوك كلاسيك شيك..
- بالطو بيج واسع وطرحة دهبي ومعاه سكارف ملون وجزمة رياضية.. لوك كاجوال جذاب وملون.
- قميص ابيض واسع وطويل ومعاه جزمة بيضة وعليه الجاكت الجلد, ممكن اسود أو بني
- طقم كله اسود ماعدا الكارديجان الملون الصوف… اخضر أو نبيتي أو كحلي وطرحة دهبي واكسسوارات…
- جزمة بيضة وبالطو طويل ابيض وبلوزة وطرحة نفس اللون البيج. ومعاهم الاكسسوارات.. لوك كاجوال.
- الكارديجان بالألوان الزاهية.. مع الجينز وطرحة وبلوزة وجزمة نفس اللون.
- مرة تانية لوك البلوزة والبنطلون الاسود علي الجاكت والجزمة البيج.. كلاسيكي وشيك.
- لوك كلاسيكي رائع.. بلوزة وبنطلون ابيض وعليهم الكارديجان الملون ابيض في بني والجزمة والطرحة بيج…
- الكارديجان اللبني الواسع مع طرحة وجزمة بيج.. لوك شيك صباحي.
- الكارديجان الأسود وبلوزة وطرحة سودة ومعاهم جزمة بلون فاقع.. اصفر أو احمر أو ازرق.. لوك شيك صباحي.
- الكارديجان المبطن بلون نفس لون الطرحة أو لون يليق عليها.. مع بوت أو جزمة سودة.
- الكارديجان الابيض علي بلوزة بيضة وطرحة بلون ازرق مع الجينز.
- قميص كاروهات طويل وعليه كارديجان صوف ملون مع طرحة سادة سودة.