ازاى تكسب قلب انثى برج الدلو ؟!

المرأة اللغز… المستقلة القوية, بيوصفوها بأنها عاصفة مليانة قوة وطاقة, شديدة الذكاء و مش بتحب تفضل   فى قالب المجتمع بيحدده ليها انثى برج الدلو شخصية استثنائية لو عايز تعرف ازاى تكسبها اقرأ معانا السطور اللى جاية و اعرف ازاى تكسب قلب انثى برج الدلو …

1 –  التمييز :

عشان تقربلها و تكسبها لازم تبان قدامها انك شخص مميز و باين وسط الناس و ليك شخصية واضحة و محدش يقدر يغيرها من الاخر شخص مستقل بكل حاجة و مش بتمشى على مزاج حد و لا بتمشى ورا الموضة و زى ما بيقولوا ماشى ورا القطيع و لو فى اى موهبة او فكرة عندك الناس بتعتبرها غريبة انثى برج الدلو هتعتبر ان دى ميزة و هتنبهر بيها جدا و تنجذب ليك اكثر .

2 – الصداقة :

عشان تقرب من انثى برج الدلو لازم الاول تكسب صداقتها و هى شخصية اجتماعية و بتحب تكون صداقات فمش هيكون صعب عليك انك تقربلها بس هى بتخاف من القرب الزيادة لان عندها خوف من الالتزام  و هتاخد وقتها عشان تكونوا صداقة حميمة و بعدين ممكن تخبك بسهولة لانها عمرها ما هتحب رجل ميكونش صديق ليها الاول .

3 – الحرية :

احرص على ترك مساحة كبيرة من الحرية ليها عشان التحكم و السيطرة اكثر حاجة ممكن تبعدها و مش هتستحمل اى نوع او ممحاولة من التحكم فى حياتها و متحاولش برده انك تحسسها بالغيرة لان هى عمرها ما هتنجذب ليك كده كل لما تحسسها انك سايبلها حريتها هتحبك اكثر و تقربلك و تثق فيك .

4 – بلاش الصراحة فى المشاعر :

هى شخصيتها بسيطة و مش بتحب التعقيد ابعد عن اى مواقف مشخونة بالعواطف او الكلام الكتير و متحاولش تتكلم عن مشاعرك بوضوح بزيادة او تخلى اللى فى قلبك على لسانك لان ده ممكن يخوفها لانها مش هتعرف تكون زيك فى الاول خليك سيط و متعقدش المشاعر و الافكار و اتكلم فى الحجات اللى هى بتحبها و المواضيع اللى ممكن تشغل تفكيرها زى السياسة و الموضوعات الاجتماعية و كل ما تستريح فى الكلام معاك عامة هتقربلك اكتر .

5 – المفاجأت :

من اكثر الحجات الى هى بتحبها انك تفاجأها من وقت للتانى لانها بتكره الملل و بتحب التجديد دايما حاول تجذب انتباها انك تجبلها هدية او تعملها مفاجأة او توديها مكان جديد او تكلمها فى حاجات مهمة و تحكيلها عنها و تكون معلومات جديدة بالنسبة لها و مفيدة و خاول تكتشفوا حجات و اماكن جديدة دايما مع بعض .

طبعا المشاعر دي حاجة مش بإيدينا يعني مش شرط انك تنفذ الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل بنات الدلو، لكن دي محاولة مننا عشان نفهمك طبيعة انثى الدلو وتخليك تتعامل معاها بالشكل المناسب. أهم نصيحة من بنات حوا عشان تكسب قلب أي بنت هي إنك متمثلش وإنك تخليها تنجذب لشخصيتك الفعلية مش شخصية إنت بس بتعيشها عشان تجذبيها ليك, لانك غصب عنك وبعض فترة هترجع لشخصيتك الأصلية ووقتها ممكن تحصل مشكلة كبيرة لما تحس إن مش ده الرجل اللي هي حبته…